بين الخطيئة والغفران 💜
💜سلمى سلومة وسميرة غد🍂
🍂الفصل 1💜
♡♡🍁 كنتي سبب رجوعي الى خالقي فصرتي جائزتي وشفيعتي يوم الحساب🍁 ♡♡
الجزء :132
اسماء [ نطقت بصدمة ] شنو هاد روينة ؟
لجين [ قالبة شفايفها بحزن] اوف مالقيت ما نلبس لغدا ..
اسماء [ توجهت ناحية لفراش هازة كسوة فيديها ] ماتقوليش ليا بغيتي تلبسي كسوة فالخطبة ؟ [ اومات براسها كملت حديثها مخنزرة فيها ] مريضة لا.. بغيتي لكبيرة تسطا لينا صبري انا جاية
خرجت من لبيت بسرعة مخليا لجين كتسنا فيها دازو دقائق قليلة حتى كتشوفها داخلة وفيدها رزمة عقدت حواجبها باستغراب
لجين : شنو هادشي
ماجاوبتهاش اسماء حلت رزمة وهزت لقفطان فيدها مقابلاه مع لجين.. كان قفطان فالباج مخدوم براندة كيحمق مع حزامو فنفس لون.. شربيل بصم نفس لون لقفطان.. هزت بوندو صغير بنفس لون مزين بوريدات صغار
اسماء [ بابتسامة ] كيف جاك؟
لجين وقفت متاجهة عندها واخداه بين يديها توجهت لمراية حاطة لقفطان عليها كتشوف بإعجاب وعينيها لمعو
لجين [ عضت على شفايفها] زوين بزاف [ التافتت ناحية اسماء مبتاسمة بإمتنان] شكرا ولله
اسماء [ تنهدت تمشات جيهتها معنقاها ] حنا خواتات .. والخواتات ماكيفرقوش بعضياتهم
لجين [ عينيها بداو يدمعو نزلت راسها ونطقت بحزن ] كون غير كانو معايا [ هزت عينيها فأسماء ] كنت غادة نكون فرحانة كتر
اسماء [ طبطبت عليها نطقت بدون وعي] ديما كيسولو عليك فاش غادين يعرفو غادين يفرحو
لجين [ التافتت بسرعة ليها عاقدة حواجبها بإستغراب] كيسولو عليا؟
اسماء [ لولبت عينيها بتوتر ] بغيت نقول زعما...
لجين [ قاطعتها ناطقة تحت سنانها] اسماء
اسماء [ سكتت تواني وهي كتشوف فيها تنهدت ونطقت ] كيعيطو لبابا وكيسولو فيك [ لعبت بيديها بتوتر ] لفلوس لي كيعطيك بابا راه باباك لي كيصيفطها لك ... [ سرطت ريقها وهزت عينيها في لجين لي كتشوف بدهشة] وديما كيعيط ابيل فيديو بليل وكنحطو لك حدا راسك حتى كيصبح صباح ... [ شافت فالقفطان ] هاد لقفطان صيفطاتو لك ماماك.. حيت عارفة بلي لكبيرة كتمشي لعراسات ونتي ماعندكش قفاطن داكشي علاش صيفطت لك هدا ودبا جا وقتو فين تلبسيه...[ شافت في لجين لي كتبكي ] اوف ماتبكيش [ توجهت عندها معنقاها مزيرة عليها ] هوما ماشي ماكيبغيوكش هوما باغينك تعرفي لغلط لي درتي.. باش ترجعي ليهم لجين لي كانت قبل
لجين [ بدات تشهق وقلبها كيضرب] حتى انا كنبغيهم بزاف وندمت على داكشي لي كنت كندير ليهم.. [ سكتت تواني وكملت حديثها بحزن ] خصوصا بابا ماكانش كيخسر ليا خاطري
اسماء [ بعدت عليها كتمسح ليها دموعها نطقت كضحك] صافي مسحي خنونتك.. وغدا كاينة واحد لمفاجأة اتفرحك
لجين [ بتساءل] شنو هي ؟
اسماء [ عطاتها بضهر خارجة ] حتى لغدا وتعرفي....يتبع
