بين الخطيئة والغفران 💜
💜سلمى سلومة وسميرة غد🍂
🍂الفصل 1💜
♡♡🍁 كنتي سبب رجوعي الى خالقي فصرتي جائزتي وشفيعتي يوم الحساب🍁 ♡♡
الجزء :134
لجين : بابا
كانو واليديها جالسين فصالون كيهضرو مع محيي الدين... التافتو ناحيتها ابتاسم عمر وناض توجه عندها هي لي كانو عينيها مغشيين بدموع بخطوات سريعة توجهت ليه مخشية فحضنو
لجين ( بصوت باكي ) بابا ... سمحليا
عمر ( مزير عليها وعينيه لامعين بدموع) توحشتك ابنتي
لجين ( كتشهق) حتى انا ابابا توحشتكم سمحوليا عفاكم
عمر ( بعدها عليها شاد وجهها بين يديه كيمسح فدموعها نطق بحنان) حنا لي سمحيلينا ابنتي.. ماعرفناش كفاش نتعاملو معاك.. وكنا نسحابو لمعاملة لي كنديرو معاك هي صحيحة
لجين ( شدت يدو حاطة عليها شفايفها ودموعها نازلين) اخر مرة ابابا عمري نقلقكم
التافتت ناحية مها لي كانت كتبكي وكتشوف فيها قلبت شفايفها بحزن وتوجهت عندها حاطة راسها على صدرها وكتبكي
لجين : مسامحاني ياك اماما
عايدة : ( بدات ضحك ودموعها نازلين) كاينة شي ام ماغاداش تسمح لبنتها الله يرضي عليك ابنتي
دازو دوك دقائق في لحزن والبكا.. ومحيي الدين عينيه متبتهم على لجين وكيف جات بالقفطان.. عرفها مزال صغيرة وهشيشة واي حاجة تبكيها واعد راسو بلي عمر دمعة طيح من عينها بسبابو.. سالاو وكولشي جلس فبلاصتو
محيي الدين [ تقاد فبلاصتو وتنحنح هز عينو فعمر] اوى أسيادنا ليوم جيت طالب يد بنتكم [ هز عينو فلجين مبتاسم] لجين لهاد عبدو الله على سنة الله ورسوله
عمر [ ابتاسم معنق لجين ] عندي غير عوينة وحيدة.. وماساخيش بيها..وماكانتش هاد لفكرة نزوج بنتي ونبعدها عليا .. ولكن لقدر عندو رأي آخر وانا مانزيدك خير لخير الى قبلت بنتي [ نزل عينو دامعين لجين لي مبتاسمة بخجل ] موافقة ابنتي
هزت عينيها في محيي الدين فيكسات عينيها عليه .. غادة تعيش حياة اخرى بعيدة على حياتها لقديمة تبرهيش وتسلگيط خاصها تنساه.. حياة جديدة مع عائلة جديدة لي دخلو لقلبها من اول نهار شافتهم.. حياة جديدة مع رجل لي ماكانتش متوقعة قلبها غادي يدق ليه من بعد داك خالد.. معتارفة ومتأكدة بلي مشاعر لي عطات لخالد مزيفة وعمرها بغاتو كيف قالت ليه.. بللت ريقها نزلت عينيها
لجين [ بتبات] موافقة
تسمعو زغاريت.. وضحك من طرف لعائلة وهو عينيه ماهزهمش من عليها احساس جديد مراوضو قلبو شك بلي راها كيسمعوه بكترة ما كدق بوتيرة سريعة... هاد لاحساس ماكانش فاش خطب فاطمة .. احساس اول مرة غادي يجربو لما لا هو عمرو فتح قلبو ولا قاس شي بنت ولا تكلم مع شي امرأة في لحرام صاين وحافض راسو..واعد راسو مشاعرو كاملة غادي يعطيها لمراتو لي تستحق داك لحب ابتاسم ونزل راسو.. كيضن اخيرا لقا ديك لي غادي تستحق هاد لحب... دازو ساعات وهوما كيهضرو ويتافقو...اعتادر بنيابة عن شمس حيت عيانة وماقدراتش تجي.. طلب محيي الدين باش يهضر مع لجين على انفراد طلعاتو لبيتها
محيي الدين [ بابتسامة هادئة] مبروك علينا
لجين [ بادلاتو لابتسامة مفيكسية عينيها عليه ] الله يبارك فيك [ عقدت حواجبها] شنو درتي مع ديك عود سبسي
محيي الدين [ بدا يضحك] لجين ..يتبع
