بين الخطيئة والغفران 💜
💜سلمى سلومة وسميرة غد🍂
🍂الفصل 1💜
♡♡🍁 كنتي سبب رجوعي الى خالقي فصرتي جائزتي وشفيعتي يوم الحساب🍁 ♡♡
الجزء :170
هارون [ بابتسامة فرحة ] غير بشوية على بنتي
عائشة [ خنزرت بطفولة ] خايف عليا ولا على بنتك
هارون [ باس راسها كيضحك] بجوج اقلبي بجوج
هز عينو كيبان ليه شخص واقف فجردة عقد حواجبو باستغراب طلقت منو عائشة ودخلت لدار بمشيتو رجولية متاجه حداه واقف امامو نفس نضرات مفيكسيين عينيهم فبعضياتهم حتى واحد مامجرأ يهضر صدمة مزال لاعبة عليهم كفاش لقا خوه فهاد سنين كاملة وهو غابر .. ماعرفوه ميت ولا حي واكل ولا شارب .. عمرو عيا من انه يقلب على خوه عينيه كيتفحصو فيه من رجليه لراسو كفاش داز لوقت بهاد سرعة ودبا قدام خوه.. قلبهم كيضرب بجوج واش فرحة ولا احساس جديد داخل عليهم .. من صغرو وهو عايش بوحدو بلا باه ولا مو ماعاش حنية لام خوفها عليه فرحها نهار ينجح ولا غضبها نهار يدير لي يقلقها ماعاش خوف باه عليه عينيه لامعين بدموع تفاحة ادم كطلع وتنزل خطوط حمرين دايزين وسط عينيه بخطوات بطيئة تمشا عندو
هارون[ بصوت رجولي خافت] خوياا
محيي الدين[ بابتسامة عريضة ودمعة نازلة من عينو ] اخيرا لقيتك
بخطوات سريعة توجه عندو معنقو عناق رجولي بجوج بيهم دموعهم دايزين ماباغينش تسالي هاد لحضة واش فحلم ولا حقيقة .. قلبهم كيضرب بإحساس غريب عليهم بجوج عمرهم جربو احساس انه يكون عندك اخ بعد عليه محيي الدين عيونو تورمو شد وجه هارون كيشوف فيه ويضحكو بجوج مامتيقش بلي خوه لي كيسحاب مات هاهو قدامو كيطلعو من راسو رجليه ماقادرينش يهضرو ماقادرينش يعبرو شنو فالداخل ديالهم قرب محيي الدين حاط شفايفو فوق راس هارون مغمض عينيه براحة علاش لا وخوه لكبير هاهو حداه بعد خاشي يديه فجيابو وعينو مبتاسمين
محيي الدين [ بصوت رجولي أشار ليه براسو لداخل] كتسناك
اوما براسو وتوجه لباب .. واقف فجردة كيمسح فعيونو ويضحك حس بيديها تلواو على ضهرو تنهد بشوق وضار عندها كيشوف فيها كيف مبتاسمة ليه حط يديه فوق خصرها جارها عندو وهي حاطة يديها على صدرو متبتين عينيهم على بعضياتهم
محيي الدين [ باس شفايفها بحب ] توحشتك اغزالي
لجين [ ميلت راسها مبتاسمة ] فرحان ؟
محيي الدين [ اوما براسو بإيجاب بصوت هادئ نطق ] شحال وانا كنتسنا لحضة لي نشوف فيها خويا
لجين [ كتلعب بصباعها فوق صدرو ] ولله ما خيبكش..
حط راسها على صدرو مزير عليها مغمضين عينيهم.. براحة باغي يخشيها فقلبو .. من كترة لحب لي كيحبها بقاو دقائق وهوما معنقين وكيضحكو مع بعضياتهم من بعد دخلو ... يتبع
