بين الخطيئة والغفران 💜
💜سلمى سلومة وسميرة غد🍂
🍂الفصل 1💜
♡♡🍁 كنتي سبب رجوعي الى خالقي فصرتي جائزتي وشفيعتي يوم الحساب🍁 ♡♡
الجزء :144
*فلاش باك
لكبيرة شعرها لاسود خارج من زيف وجهها حمر بالبكا .. من بعد ما لاحها فالارض فاش كانت كطلبو نزل عندها كيدوز ابهامو على ملامحها
مختار :[ بخبث ] مابغيتش نقرب لك عندي لك شرط .. اتمشي معايا وتزوجي بيا
لكبيرة [ هزت عينيها بصدمة سارطة ريقها ] ش..شنو شكتقول انت؟
مختار [ وقف خاشي يديه فجيابو وعينيه متبتين عليها ] غادة تختاري.. تمشي معايا ولا راجلك يتعفن فالحباسات [ عقدت حواجبها باستغراب نطق كيضحك ] ماقالش لك بلي راه كيقمر؟ وخسر لملاين على لقمر بسباب تسلاف وعرفتي من عندمن مسلف؟ [ رفع حاجبو بعرور] من عند مختار لارماني.. وبهادشي ايتعفن فالحباسات [ نطق بحزن مصطنع] ونتي ماغاداش تبغي راجلك .. او بابات بنت يتعفن فالحباسات ويتقتل تم.. حيت حتى حد ما كيطول فيه الا وكيمشي عند مولاه
لكبيرة [ كتشهق نطقت بانهيار] الله ياخد فيك لحق.. هو صاحبك وانا مرات صاحبك علاش باغي تخونو
مختار [ قلب عينيه بملل] هاد لهضرة ماكتشري خضرة.. عندك 5 دقائق نخرج نكمي ونلقاك فكرتي [ غمزها بخبث] فكري مزيان ...
*نهاية فلاش باك
لجين كانت مصدومة ودموعها فعينيها.. هادشي كامل خرج من جدها.. وهي لي كانت كتشوفو اطيب خلق لله كتشوف كيف كان كيتعامل معاها.. وكيعيط ليها غير بوردة قلبي.. وهو معدب ناس
لكبيرة [ صوتها تنغنغ بصوت لبكا] من بعد داكشي لي قال ليا.. وعقلي كان صغير خفت على راجلي.. ومشيت معاه لدارو.. لي دوزتها فيها خير بوحدي كيجيب ليا لماكلة ويمشي دازت عليا فالجحيم.. كندوزها بكا ليل ونهار .. عرفت بلي راجلي جا من سفر ومالقانيش.. قالو ليه بلي راه هربت مع صاحبك.. وفاش ماكنتيش كانت كدخلو على بنتك ورا ضهرك.. فاش داز داك شهر داني لدارهم عرفت بلي مزوج .. وعندو جوج ولاد
لجين [ سرطت ريقها ودموعها دايزين] بابا وعمي عبد الله؟
لكبيرة [ اومات براسها كتمسح فدموعها ] اه لقيت جداك ديك ساعة ماتت بعامين.. تزوج بيا جدك بزز عليا .. وحيت يدو واصلة ولباس عليه قدر يتزوج بيا بزربة.. دوزت لعداب مع خواتاتو ومو كانو غير الى مانضتش بزربة نتسخر كيسبوني ويسلخوني.. جدك كان يشدني بزز يتعدا عليا دازو اعوام والوضع هو لوضع سب وضرب تزادو غير دراري لي ولدتهم بزز عليا .. تزادو لمعاناة والمشاكل حتى مااتت مو خواتاتو تزوجو ديك ساعة بردت شوية.. ولكن حرقة بنتي وراجلي مزال مكوية فقلبي [ حطت يدها على عينيها كابحة دموعها] حتى وصلتني لخبار بلي راجلي مات بالقلب من بعد ما زوج شمس.. مات بسبابي بحرقتي لي بقات فقلبو كطلع وتنزل بالاعصاب بالكدوب لي كيوصلو ليه بلي راني عايشة بيخير فغيابو.. خوفي وحبي لراجلي.. خلاه يتعدب ونتعدب ورا موتو.. عمري نسمح لجدك الله ياخد فيه لحق حقي غادة نلقاه عند الله ...يتبع
