بين الخطيئة والغفران 💜
💜سلمى سلومة وسميرة غد🍂
🍂الفصل 1💜
♡♡🍁 كنتي سبب رجوعي الى خالقي فصرتي جائزتي وشفيعتي يوم الحساب🍁 ♡♡
الجزء: 131
لجين [ خرجت عينيها بصدمة كتستوعب شنو كيقول ] ها؟
محيي الدين [ بابتسامة ] تزوجي بيا ؟
لجين [ بعدت عليه كتشوف فيه بإستغراب رافعة حاجبها] ومراتك ؟
محيي الدين [ بدا يضحك باستهزاء كينفي براسو] مراتي ؟ مراتي عامين وهي غضبانة فدار باها .. كون ما لواليدة لي حابساني نطلقها كون براتها وصلت شحال هادي
لجين هبطت راسها حابسة ضحكة ديال لحشمة خدودها توردو كتقلب فعينيها وهو كيشوف فيها مبتاسم وكينفي براسو بلا حول
لجين [ حطت صبعها على شفايفها ] بلاتي نفكر
تواني وهي كتفكر .. وهو حاضي ملامحها كيف كتغير وكيضحك فسرو تقادات فوقفتها مبتاسمة
لجين : صافي موافقة ولكن بشرط
محيي الدين [ اوما براسو] ايه الالة تشرطي
لجين [ ميلت راسها] دير ليا لعرس
محيي الدين [ بدا يضحك بدهشة ] شنو؟ من بعد هاد لفضيحة باغا لعرس
لجين [ ميقت فيه] ومالك مانستاهلش لعرس انا راني اول مرة انتزوج .. اما انت راك زوج مرات
محيي الدين [ كيشوف فهاد لمخلوقة كفاش كتفكر ] ايه الالة تستاهلي لعرس جاك.. غدا ان شاء الله غادي نجي لداركم نطلب يدك
لجين [ عضت على شفايفها بخجل ] صافي ان شاء الله
**جالسة فصالون حاطة رجل على رجل امامها لكبيرة واسماء حالين عينيهم بصدمة من شي لي عاودت ليهم
اسماء [ بنبرة صدمة ] لباشا طلب منك زواج ؟
لجين [ اومات براسها بإيجاب كتفرفر بعينيها بغرور] ايه لباشا غادي يولي قرة عيني بعد عدة ايام
لكبيرة [ فاقت من صدمة مصغرة عينيها بشك ] ياكما داكشي لي قالو ناس دوار بصح.. وباغين تغطيو فضيحتكم بزواج
لجين : حشومة عليك الكبيرة كتشكي فلجين.. [ وقفت خارجة من صالون ] لمهم غدا غادي يجي يخطبني وجدو شي حاجة قليلة راه قال ليا كولشي غادي يتكلف بيه
بخطوات بطيئة توجهت لبيتها مخلياهم متبعينها بعينيهم بدهول كيف دارت ليها وهي يله جات لعروبية صدقت خايدة لباشا... تفاوتت لجين تقادات لكبيرة فجلستها وابتسامة على وجهها
لكبيرة : اي اتسد ليا فام لعديان .. [ التافتت لاسماء لي كانت كضحك ] كل وحدة فهاد دوار كانت كتمناه لبنتها.. ولد ناس وراجل ونص لي تعول عليه [ هزت راسها بغرور ] ساعة داتو ليهم بنت ربيب
جالسة فبيتها وقدامها عرام لكساوي حتى وحدة ما عمرت ليها لعين جلست فوق لفوتاي بتعب وضيم طاح عليها.. هزت عينيها من لباب لي تحل كتشوف في اسماء داخلة كتفحص بعينيها لبيت كيف مرون هزت عينيها فلجين....يتبع
