بين الخطيئة والغفران 💜
💜سلمى سلومة وسميرة غد🍂
🍂الفصل 1💜
♡♡🍁 كنتي سبب رجوعي الى خالقي فصرتي جائزتي وشفيعتي يوم الحساب🍁 ♡♡
الجزء125
كانت باغا تلاح عليها لجين حتى شدتها اسماء بحرج خارجة من داك لحانوت غادة فطريق مبردة واسماء كتدوي فوق راسها
اسماء [ بصوت مرتفع بفقصة] اويلي واش باغا تجهليني كفاش مشيتي معاه لدار
لجين [ قلبت عينيها بملل ] اووف ااسماء مالك درتي ليا فضيحة راه عادي
اسماء [ خرجت عينيها بصدمة ] كفاش عادي؟ واش كتسحابي راسك فالمدينة ؟ هنا راه غادين يرجموك بالحجر
لجين [ قلبت شفايفها بحزن مصطنع] اوف مابقاش فيا حيت قالو هاد لهضرة [ التافتت لاسماء لي كتسناه تكمل حديتها] بقا فيا هو مادرنا والو تشوهنا غا هكاك تفو كون غا درنا
اسماء [ وسعت عينيها بصدمة وقفت حاطة يدها على راسها باغا تبكي ] اويلي دار لك ابنت لحرام ... [ نطقت بفقصة ] اصبري ليوم لكبيرة تبرك على مك
هزت كتافها بلامبالاة هي عارفة راسها شنو دايرة علاش غادة تخاف .. لهضرة ماغاداش تلصق فيها غادين يهضرو ومن بعد ينساو
*عند محيي الدين
جالسين مجموعين على طبلة لفطور شمس جنب محيي الدين على كرسي متحرك كيوكل فيها ويضحك معاها أمامهم جالسة فاطمة كتلولب عينيها عليهم ابتاسمت بإستهزاء هازة كاس اتاي فيدها
فاطمة [ بخبث ] قالو شي وحدة من لمدينة شافوها خارجة من دار شي راجل فليل.. [ شافت في محيي الدين حابسة ضحكة خبيثة] ماقالوش ليا شكون هاد راجل [ قلبت شفايفها] ولكن باينة شكون هاد بنت لمدينة
محيي الدين توقف عن لحركة عقلو كيضور وعيونو تبتهم كفاش مافكرش بعقلو بلي راهم فدوار وعيون ناس فأي قنت عض على لسانو مغمض عينيه بغضب التازم صمت وقلبو حارگو ماهاموش هضرة ناس عليه كتر ما هامو لجين ولكلام لي يقولو عليها.. عارفها اي كلمة كتجرحها وتبكيها تنهد مكمل ماكلة مو وفاطمة كتشوف تحركاتو هي بصح ماعارفاش شكون راجل لي كان مع لجين سمعت بعض تشاش من عند دوار لي لور فاش كانت مسخرة ماكملتش سميعها وجات تجري فرحانة.. ناض محيي الدين دافع مو فالكرسي دخلها لبيتها قادها فبلاصتها غطاها باس على راسها وخرج مخلي فاطمة كتعيط عليه وقف امام لباب جبد تيليفون كيعيط على يعقوب
محيي الدين [ سمع صوت يعقوب نطق بصوت رجولي مسرع] كتهضر مع اسماء؟
يعقوب : قول غا سلام .. كنعيط ليها وما كتجاوبش علاش؟
محيي الدين [ تنهد مدوز يدو على شعرو] لجين .. لبارح كانت معايا شافها شي واحد وليوم داعت لخبار
يعقوب : اش كتقول اصاحبي؟ .. لجين فراسها هاد لهضرة
محيي الدين: [ بغضب]ماعرفتش اصاحبي قطع تال من بعد.. ..يتبع....
