بين الخطيئة والغفران 💜
💜سلمى سلومة وسميرة غد🍂
🍂الفصل 1💜
♡♡🍁 كنتي سبب رجوعي الى خالقي فصرتي جائزتي وشفيعتي يوم الحساب🍁 ♡♡
الجزء 160
بعد عليها وضارت عندو مربعة يديها كتسناه يفكر
محيي الدين [ رفع حاجبو] عارفة شنو كتقولي ؟
لجين [ اومات براسها بإيجاب] هدا هو شرطي الى مابغيتيش [ هزت كتافها] صافي نمشي عندها وبقا انت مع مراتك [ شافتو ساكت وملامحو تشنجو تنهدت ومشات معنقاه] غير سمع ليها احبيبي عندها بزاف دالهضرة لي تقول لك [ بعدت عليه قالبة شفايفها بحزن نطقت بطلب ] عفاك .. غير هاد طلب غير سمع ليها ..
محيي الدين [ باس راسها مغمض عينيه نطق بهدوء ] يكون خير الجين
لجين [ بابتسامة عريضة] شوية ونمشيو [ تمشات ناحية لباب التافتت عاطياه بوسة فالهوا] يله رجع لحوايج لبلاصتهم انا جايا
ضحك ونفا براسو بلا حول نازلة من دروج سمعت صوت شهقات خارجين من صالون ابتاسمت وقلبت طريقها لصالون كتشوف في فاطمة خاشية يديها فوجهها وكتبكي بصوت مسموع
لجين [ ميلت راسها نطقت بحزن مصطنع] الله على حبيبتي .. كنتي بغيتي تقتليني
فاطمة [ هزت راسها وقفت متاجهة لعندها ناطقة بحزن ] سمحيليا اختي لجين.. قولي لمحيي الدين يسمحليا مابغيتش نرجع لدوار غادين يضحكو عليا
لجين [ بابتسامة] انسمح لك ولكن بشرط [ اومات فاطمة راسها بإيجاب بسرعة كضحك ] اتاكلي واحد لاكلة من يدياتي
فاطمة [ عقدت حواجبها باستغراب] شنو هي
لجين : هاهي
تلاحت على شعرها مهبطاها لتحت كتنتف فيها وفاطمة كتغوت ربي لي يخلقها
لجين [ خشات يدها تحت وجهها كتقمش فيها بضفارها] هالي يقتل لالاه ابنت لحرام ..[ جرت ضفارها حتى قلعت جلدة وغوتت فاطمة بجهد ] دوي ابنت لكلب اعوجة لمراود المغيارة المحسادة ..
كتنتف فيها وتشتف عليها حتى رضاتها شرويطة بين يديها وفاطمة كتغوت .. كيتسمع فدار محيي الدين واقف بعيد فدروج كيشوف لجين كيف رداتها وكيضحك حس بلي اتموت فيديها ومشا جارها من كرشها ومبعدها عليها مخلي شعر فاطمة فيد لجين
محيي الدين [ وقف امام لجين نطق بغضب مصطنع] لجين
لجين [ بغات تنقز عليها وشدها محيي الدين من كرشها] طلقني خلي نوري لمها لقتيل اش كيسوا يالحباسة... انا بزاف على مك الكلبة شحال وانا صابرة لك
محيي الدين [ بصبر ] ياهاد لعيشورية رصاي
لجين [ نطقت بغضب وهي كتشوف وجه فاطمة كيدوز بدم ومقموش كامل ] ودبا بلاما تخافي گعما ايضحكو علك ناس دوار حيت گعما ايعرفوك بديك لخريطة لي درت لك
محيي الدين [حابس ضحكة كيغمز فيها ] لجين سكتي
لجين [بغضب هزت عينيها فيه مخنزرة] مالك كتغمز فيا
عطاتو بضهر طالعة لبيتها كتخبط فرجليها تنحنح والتافت كيشوف في فاطمة لي كتبكي ووجها مقموش كامل وشعرها منشنتف غمض عينو بشفقة
محيي الدين: ياك قلت ليك سيري اش مزال كديري هنا
فاطمة [ كتبكي وتشهق ] شفتيها شنو دارت ليا مراتك
محيي الدين [ ببرود ] تستاهلي...يتبع
