رواية من بين كل البنات اخترتش انتي

3

                   ........... البارت الثالث..............

بعد مرور 3ايام لمعاذ في البيضاء 

الصباح للساعة 7:04
في بيت الجد ابو خالد
كان الكل نايم ماعدا ريم
كانت ريم في المطبخ تسوي لها كوفي دخل احمد من باب الفله وغلقه ومشى للمطبخ
احمد وعيونه حمر قوي: صباح الخير
ريم شحرت ليه وابتسمت: صباح النور تشتي كوفي
احمد: اشتي بندول وكوفي
ريم وهي عادي ركزت لاعيونه: مالهن عيونك انت مريض
احمد: لا بس ماقد رقدت
ريم تقدمت وهي تمسك جبينه: صدق
احمد بعد يدها من جبينه: ايش بش قلت لش فيني نوم
ريم: وين كانت 
احمد: كنت في البنك سرت حولت زلط (فلوس) لا صنعاء
ريم: طيب اجلس لما اخلص من الكوفي
احمد: بطلع ابدل ملابسي واجي لش
وطلع بدل ملابس وراح لغرفة ياسر ومالقيه ورجع لعند ريم: ريم وينو ياسر
ريم عقدت حواجبها: ليش مالقيتهش بغرفته
احمد: لا
ريم وهي تسكب الكوفي في القلص(كأس): طيب يمكن نايم تحت السرير
احمد: بطلع ادوره.. ورجع لغرفة ياسر ودوره تحت السرير مالقي
جات ريم بهمس: هاه لقيتها
احمد وقد بدأ يقلق: لا
وراح لغرفته وريم لحقته دخل وشحر لسريره وكان نايم ياسر وسط السرير
احمد ضرب جبهته بخفه وبهمس: اوووووه نسيت انه نام عندي
ابتسمت ريم: سهل تعال اشرب كوفي وبعدين جي ارقد واذا اشتيك ارقد واجل الوفي
احمد: بشرب الكوفي واطلع ارقد
نزلو وماعاد لقيو الا واحد كوفي و ورقه جنبه
اخذت الورقه ريم وهي تقرا(اسف كنت مستعجل وشربت الكوفي ادعولي معي اختبار)
ريم:اااااح منك ياخالد
احمد بز الكوفي وجلس بالكرسي وبأبتسامه:سوي لش واحد ثاني
بعد ماهدرو شويه قام احمد رقد وريم راحت غرفتها 
...
اوصف لكم غرفة احمد وغرفة ياسر
غرفة احمد وغرفة ياسر وحمام (عز الله قدركم) بنفس الصاله
الصاله صغيره قوي قوي
يعني باب الصاله يضم غرفة احمد وياسر وحمام(عزكم الله)
اتمنى فهمتو👍🏻
.

.

.
في بيت ابو معاذ كانت ساره بتنضف البيت وفي اذانها السماعات كانت تسمع شيلات صوت العشق (اااوه صح نسيت اقول لكم ساره تحب شيلات صوت العشق وبحة صوت
وتشاهد هي وريم انمي، ريم تحب شيلات سعود الصليلي)
كانت تسمع شيلة ذكرى قديمة وكانت مستمتعه وتغني معاه
كان وليد يناديها وهي ولا عارفه انه موجود اصلا
وليد بملل: ساره ياسارخ ياحيوانه ، راح المطبخ وجاب كوب ماء وسكبه لاظهرها
ساره: اااااااه وبعدت السماعه وشحرت لوراها
وليد وهو فطس ضحك على وجهها: هههههههه بين اداعيش من اول وانتي مابتسمعيش
ساره بصوت عالي: والله لاوريك ياوليد واخذت البالدي ماء(سطل) ولحقته ووليد يركض وهي تلحقه
وليد وهو يركض لباب الفله: ههههههههه خلاص ياساره بس
هههههههه تعبت، وكان بايفتح باب الفله بس كان معاذ داخل ووليد خرج ركض وساره مدت السطل وانكب على وليد ومعاذ
معاذ شهق: ماهو هاذا الجنان حقكم انا نفسي اعرف متى بتعقلو
وليد: يووووه ياساره عاد انا بدلت(غيرت الملابس) الله يسامحش
ساره بقهر: تستاهل
ام معاذ من وراهم بحده: ماهو هاذا ساره انا قلت لش تنضفي او تلعبي بالماء وانتو ليش انتو هنا
ساره: والله يمه انه وليد اللي بدأ
ام معاذ بحده: بلا هباله وقيام نضفي وانتو اخرجو طفحتوني
معاذ:مالها ام معاذ علينا عني عاد انا جيت
ام معاذ ولا كنها بتسمعه طلعت الدور الثاني
ساره وهي تمسك يد وليد: والله ماتخرج الا وقد نشفت الماء معي
وليد بعد يدها: اصه فكيني
ساره بقهر عضته في يده وهربت
وليد بصدمه شاحر ليده: اعوذ بلاه منش ياكلبه
معاذ بضحكه: هههههههه تستاهل هههههههه
.