رواية من بين كل البنات اخترتش انتي

14

اما دخال البيت تاحديداً في غرفه الجلوس
كان وليد شاحر لاساره اللي ماعاد بتاكل وقف بغضب بان في وجهه وقال بهدوء: ساره اذا تشتي تروح معي قومي عنيني باروح
ساره هزت راسها وهي توقف وقالت بصوت شبه مخنوق: ايوه باروح بألبس واجي وقف لي
ابوفصيل كان بداخله يتوعد لخالد قال بنبره هاديه: ياوليد فين باتسيرو اجلسو اسمرو عندنا وبعدين روحو
وليد كان مايشتيش يجلس او تجلس ساره لانه لو جلس وشاف خالد بايأكله التراب: كرمت ياعم بس انا معي ضيف بيجي مشتيش يجي ومايلقاني.. ووجه نظره لساره: هيا اسرعي البسي وتعالي للحوش باوقف لش
ساره هزت راسها بطيب ووقفت متوجهه للباب ولحقتها ريم
فارس اللي كان متفق مع وليد انهم يسمرو سواء بس عرف ان وليد ماعدوش طايق الجلسه: خلاص ياوليد وانا باكمل اتعشاء وأجي
وليد مشى بتجاه الباب: يله انا بنتظارك
لما وصل لقدام الباب شاف احمد وريم وساره قريب من الدرج تقدم منهم وقال بتنهيده: هيا ساره امتشعي
ساره طلعت الدرج وريم بعدها
احمد عقد حواجبه: الين
وليد شحر ليه ببرود: البيت
احمد: يارجل مسرع اسمر معنا وروح
وليد بقهر: خلينا نروح لابعدى تستد نفس خالد افندي من البيت حتى
احمد شحر لاوليد بأحراج: ياوليد اسعر خالد انت داري به بعض الاحيان يدي كلام ماهو داري ايشو
شحر ليه وليد وقال بغموض: الموضوع ماشو عند خالد بس.. ومشى بدون مايدي فرصه لاحمد يتكلم: يله سلام
احمد شحر لامقفى وليد بعدم فهم ولف بنية انه يطلع الدرج بس وقف لما نزلت ساره ومشت من قدامه كان يشتي يمنعها انها تخرج بس به حاجه في داخله منعته وخلته يبعد من قدامها علشان تمشي
ومشت ساره لعند وليد اللي مسك يدها وخرجو للحوش ولفو الاثنين على صوت معاذ اللي تقدم منهم ببتسامه: تشتيو المفتاح حق السياره (معاذ ووليد جو في سيارة معاذ)
وليد شحر لاساره: ايش رأيش نتدرج للبيت واجل السياره
ساره: ناهي يله
معاذ شحرلاساره ببتسامه: اسعري خالد عنيه اتصايح هو واحمد، احمد يشتي يخليه يحلق غصبا ومادرى فوق من يضبح جاء ضبح فوقش
وليد حاوط ساره بذراعه وقال ببرود: يضبح بعيد لعن اباه
معاذ وساره بهررو بصدمه
معاذ ضرب وليد وهو يتلفت: لا احد يسمعك عيب
وليد شحر لامعاذ بطرف عين: تصدق اني كنت مسنب اي حين تقولي انه عيب
معاذ صغر عيونه وشحر لاساره: شليه من قدامي قبل ماينرفزني واقتله
وليد بجدية: خلاص يامعاذ اقنع جدي وتعال باندق ابوها سمره لافجر
ساره بحماس: في الحوش
وليد: ايوه
معاذ: يله شاحاكي وأجي هاو لا ترقدو
وليد: لا تتأخر
معاذ: ليه ماتشلو السياره
وليد: اجلها باي
.
.
.
عند خالد
كان موقف بالرصيف بعد مأتصل لفراس وقاله يجي له
كل ماذكر الكف اللي سواه له احمد ينقهر ويلعن ساره
وصل فراس وكان راكب في متر وقدامه صاحب المتر نزل وهو شاحر لاخالد بقلق: ايش بك ايش وقع
صاحب المتر: اول حاسبني وبعدين سوي اللي تشتي
فراس تقدم من صاحب المتر وادى له زلط: والله اني نسيتك لكن امسك
صاحب المتر شل الزلط ومشى بدون مايقول شي
فراس لف على خالد:ايش بك ايش وقع
خالد وباين على صوته الغضب: اول شي انا جااااوع وشقرح
فراس: تعال شاعشيك الان
خالد تنهد: فين
فراس: في مطعم ابو ايهب(المطعم من مخيالتي 🙂)
خالد: خلاص يالله وقف متر
وبعد ماوقفو متر ركبو وفحطو للمطعم  وصلو وجلسو على احد الطاولات وطلبو اكل وجلسو مسنبين له
فراس: هيا باتتحاكى ايش فيك
خالد شحر لافراس بتردد
فراس ضرب يد خالد بخفه: تكلم
خالد تنهد بقهر: خلني اكمل اتعشى وشاحاكيك
.
.
.
.
.
في بيت ابو فيصل
كانو جالسين الجد ومعاذ واحمد وفارس وابو فيصل والجده، اما البنات فكانين ينظفين المطبخ وام فيصل والعمه تهاني يصلين العشاء ماقد صلينه
معاذ كان جالس على يمين الجد: ايوه ياجدي الغالي
الجد ضحك وهو يعرف ان معاذ يشتي يقنعه علشان عرس فارس: ايوه يامعاذ
معاذ حفحف: ليه رافض ان عرس فارس يوقع ذلحين
الجد هز راسه: لاما ترجع من مصر هذيك الساع يوقع خير
معاذ: بس احنا نشتي نعرس قبل مانسافر 
الجد: لا يعني لا
معاذ مسك يد الجد وقال وهو يتريحم: ياجد ليه مابتحبنيش
الكل ضحك على معاذ اللي معقد حواجبه
الجد: خلاص يامعاذ قلنا بعد رجعتك يعني بعد ماترجع
معاذ عقد حواجبه بقهر:ياجد انا لي منعك لا تتعبني
ابو فيصل بضحك: فارس اللي هو العريس مابيجننش ساعك
معاذ وعادو معقد حواجبه: تخيلو اسير مصر ولا عاد ارجعش
الجد بغضب:  والله لوما تتمسى لاقوم اماسي دمك
احمد بحده: ان شاءلله باترجع ولا بايوقع شي بطل هاذا الكلام العيف
الجده: بطل جنان
اما فارس ضرب راسه وهو يقول في نفسه بدل مايكحلها اعماها
الجد ضرب عصاته في الارض بحده: كلمه وعشر سواء لاما ترجع يعني لاما ترجع افهم
معاذ رجع أوزى وشحر لافارس اللي ضبح فتح تلفونه وهو يقول في نفسه: والله لخليكم تفعلوه ذلحين يعني ذلحين
رجع المجلس هدوء وكل واحد رجع لتلفونه
ابو فيصل شحر لا أحمد بهدوء: فينو حميد
أحمد ببرود: عندي شاسلمه انا
ابو فيصل سكت وهو كانت نيته يسلمه لأحمد وهو يسوي اللي يشتي فيه
الكل لف على معاذ اللي رن تلفونه ورد عليه وهو يحيي المتصل: حيا حيا بطارق
احمد وفارس عقدو حواجبهم من طارق؟! اول مره يدرو ان معاذ يعرف احد بأسم طارق؟
معاذ: لا لا فاضي
وجلس شويه ساكت وبعدينـ..
معاذ وكنه مصدوم من الخبر الوهمي اللي قاله له طارق الوهمي قال بحزن: لاااااااا ايش بتقول...................... طيب مابش حل
الكل شاحر لا معاذ بقلق
الجد شحرلامعاذ بقلق: منو ايش به
معاذ وهو يحاول مايضحك ويمثل الحزن: طيب انا ايش اسوي كيف ادلي حل لو يوقع شي ولاشي
احمد قام بخوف لجنب معاذ: معاذ ايش به منو هاذا
معاذ اشر لاحمد يصبر وقال بحزن: خلاص ياطارق تسلم قد تعبتك معي
الكل ساكت وشاحر لامعاذ بقلق
معاذ بحزن وكنه يكلم طارق: ايش باسوي مامعي الا اتوكل على الله واسويها....... مع السلامه
وبعد ماغلق شحر لافارس وأحمد اللي موقفين قدامه وشاحرين ليه بستغراب وقلق
الجد لف بكل جسمه على معاذ: ايش وقع ياولدي منو هاذا
معاذ قام ومشى لاجنب الباب بحزن: ولا به شي يالله مع السلامه تصبحو على خير
ابو فيصل: معاذ ايش بك
معاذ: ولا به شي
الجد: تعال تعال
معاذ بهدوء: باجي غدوه ياجد
احمد تقدم من معاذ ومسك يد معاذ:والله ماتدي خطوه الا لاما تقول لنا ايش به
معاذ:.............صمت.............. 
فارس نفذ صبره: تحاكى
معاذ تنهد: هاذا صاحبي طارق خليته يسأل على حقي العمليه وقال اااااااا
احمد بقلق: ايوه كمل
معاذ قال في نفسه «والله لادي لكم الجنان اصبرو بس» شحر ليهم وماقال شي
الجده بخوف: تحاكى 
معاذ تنهد: وقال ان احتمال كبييييييير ان العمليه تفشل
الجده ضربت على صدرها بخوف وهي تشهق    
: يوووووو ايش بتقول أنا اجل الجنان لا تصدقه
الجد بخوف: ان شاءلله مابش حاجه ولا تقلق
معاذ وهو مواصل في تمثيل الحزن: كيف مأقلق ياجد والخبر موثوق طارق عايش في مصر ومعه معاريف في المستشفى اللي شاسوي فيه العمليه
احمد شحر ليه بحزن قال بهدوء، وداخله صوت يقوله انت سبب كل اللي بيوقع: ولا تقلق ان شاءلله تسويها وتنجح وتخرج سليم
فارس ربت على كتف معاذ ببتسامه: يارجل والله لو يقولو باتنجح في الصين لاشلك فوق ظهري
معاذ ابتسم وهو يقول في داخله «والله انك اخبل ياسعم مانتاش داري انه كذب»
ابو فيصل ساكت وماتكلم
الجده بحنان: ياولدي عن احنا زمان كنا اهم شي المريض يدخل غرفة العمليه وهو فارح وسالي وتنجح عمليته وانت سلي على قلبك وأن شاءلله تسويها وتنجح
معاذ بداخله«وصلت للي اشتيه»: قد شاجزع
الجد ضرب عصاته في الارض وقال بحزم: جهزو انفسكم عرس فارس بعد اسبوع ونص
معاذ نسي نفسه وقفز بفرح وهو يضحك: اااايييووووه
فارس شحرليه وعرف ان معاذ بيكذب
معاذ تدارك نفسه ورجع هدي وابتسم: كان مادام قد اقتنعت ياجدي شاروح البيت
فارس بهدوء: خلاص وانا غدوه عصر ان شاءلله شاسافر صنعاء وأجهز بقية الحاجات اللي ماقد جهزتها
ابو فيصل: ان شاءلله
معاذ: خلاص واناشاسافر معك منها انفخ ومنها اساعدك اذا احتجت حاجه
احمد:معاذ اجل السفر لا تجهد نفسك
معاذ غمز لأحمد: لا تقلق ولد عمك ذيب
احمد ببتسامه: اشهد له ولد عمي
معاذ هز راسه: يالله سلام
الجد والجده وابو فيصل: الله معك
وخرج معاذ ولحقوه فارس واحمد
معاذ مسك رقبته ببتسامه: هيا بالله كيف انا معكم
احمد على نيته: والله اني افتجعت عليك قلت ان مدري ايش قد قالو لك مدري من قد مات بس لاما قلت ان العمليه فاشله خف خوفي لان كلام هاذا طارق مش أكيد واحتمال كبير انه كذاب
فارس بستهزاء: وانت يأخبل صدقته والله انه بيكذب
معاذ شحر لافارس
واحمد شحر لامعاذ
لحظة صمتـ...
وقطعها معاذ بضحكته الصاخبه اللي ضجت بالحوش
ضربه احمد بقهر: الله يقلعك فردت بطوني
معاذ وهو يأشر بيده للشباك: جدك هاذا مايزع الا بالصميل
فارس ضحك بقهر وهو يتلفت: فين الصميل اديه في راسك
احمد وهو يحرك كفه ويقرب راحة ايده من خد معاذ: هيذا به احسن من الصميل شفعله كف
معاذ شحر ليهم بطرف عينه😒: هذا بدال ماتشكروني خليته يقدم العرس وشاتتزوج يافارخ غر حرام انك ماتستاهل (فارخ لعن لاسم فارس، يعني لا تقولو اني اغلط بكتابته)
فارس ضربه بقوه: فارخ في عينك يامعزه
معاذ ضحك وهو يدهف فارس: والله لو اجلس اناقرك ماروح الا فجر
احمد: مسرع قد باتروح ايش بكم انت ووليد
فارس وهو يتقعم(يتثاوب): هيذا وانا شاودعك غدوه وارجع لك بعد اسبوع
معاذ ببتسامه: مادام قد باتسافرو غدوه نصابح من الصبح نلف في السوق ونلف البسطات وكل رداع
احمد ضحك: ان شاءلله
معاذ وفارس: ان شاءلله
فارس بستعجال: هيا باجي معك خاف ان قد روح حامد
معاذ: لا لا لا هيا خاف عادو وصل.. وشحر لا أحمد: يله مع السلامه
احمد بمزح: الله معك يمعزه
معاذ بضحك: اص يالحمه
احمد بهرر بصدمه 
اما فارس ضحك وهو يلحق معاذ اللي خرج من الحوش: خلاااااص من من اليوم دلع احمد لحمه
احمد بقهر بز دبة الماء اللي كانت جنب شجر الورد الجوري والنرجس(في اشجار ورد في الحوش حول جدار كان الحوش كبير قوي يعني تدخله 3سيارات وتبقى مساحه كبيره) ورجمها بنية توقع بظهر فارس اللي غلق الباب وانظربت في الباب : ياحيوان هاذا دلع هاه خلك تروح والله لارويك
فارس كان ضحكه هو ومعاذ يضج في الشارع
احمد فتح باب البيت وجلس شاحر ليهم بطرف عين
فارس ببتسامه: ولا تزعل ياحمودي عدأدلعك دلع يذوبك
احمد بقهر: انقلع جعل لك من يقلع عيونك
فارس وهو يتكلم صنعاني ويحاول يميع بصوته: يوووه ياحمودي كيف تسخى عليا والله ماتوقعتها منـك
احمد بقرف: انقلع يييخ منك انت وهاذي السماجه  لاروحت والباب مفتوح فحلق شعرك
فارس ركب جنب معاذ وفتح الشباك ودعى احمد اللي كان شايدخل بس لف لما سمع فارس وهو يداعيه
فارس كان يرى الكل اذا شافو احمد يتحرك كثير يقولوله يجلس ولا يضلي في البرد قال بمزح وبنية انه يقهر احمد: ادخل داخل لاتنود
احمد عض لسانه بقهر وماتكلم اما فارس ومعاذ فمشو متجهين لبيت ابو معاذ
.
.
.
.
.
عند خالد وفراس
بعد ماتعشو قال فراس: هيا تكلم ايش فيك
خالد ولانه يوثق بفراس قوي ويعتبره اخوه وتوأم روحه قال له كل اللي صار
فراس تنهد بقهر على صاحبه واخو روحه: وانت ياخالد قدك متتدخلش خلهم يسدو ويتفاهمو بينهم
خالد عقد حواجبه: بس انا انقهرت على اخي و...
قاطعه فراس: حتى ولو اخوك رجال ويشل حقه هو لا توقعش أخبل اريت احمد لما سمعك ايش قلت لمرته ايش سواء ضبح فوقك..ورجع لاوراء واوزى في الكرسي وشحر لاخالد:بيني وبينك اختي قد لها حنقه اسبوع زوجها ضربها واول امس جاء يردها وانا صيحت وقلت ماشي رجعه واتحداك ايش قالو لي
خالد بضحك: لعنو شكلك
فراس ابتسم: صيحو فوقي وقالو انت مالك دخل، وهو صدق احنا ايش دخلنا ياخي احنا عاد احنا صغار على المسئوليه والهجيج، وانت عادك مراهق ماقدكش حق كل هاذا الهجيج ويـ.....
قاطعه خالد بحده: بس انا متربيتشي اني مراهق
فراس مسح وجهه وضغط على عيونه وشحر لاخالد وهو يدق على الطاوله بقهر: فكر معي بالعقل بنت عمك تتوقع منها تسوي هكذا وهي تربيتكم وهاذا حميد جدتي قال هكذا بس علشان يقهر احمد بس وانت قد قلتها بنفسك هو خطبها اكثر من مره ورفضتوه اكييييد بايقول هكذا علشان احمد اخوك يطلقها
خالد شحر لافراس وسكت وهو يحس بالندم على اللي قاله لساره
فراس: بنت عمك وانت ادرى بها وبتربية عمك الكل يتكلم على تربيتكم لبناتكم وكل من عرفكم وعرف تربيتكم يطمع في مناسبتكم(مناسبتكم زي يطمع في الزواج من عائلتكم) لا تخلي الشيطان يضحك عليك ولا تصدق كلام حميد
خالد عقد حواجبه وقال: ايش اسوي ذلحين جيب لي حل غير اني اعتذر من احمد لان والله لو تقوم القيامه مأعتذر منه 
فراس: اهداء يأخبل ماشاتعتذرش منه لانك ماغلطتشي عليه هو اللي لازم يعتذر على الملطام اللي سواه لك
خالد: تمام ايش اسوي
فراس:اول شي لازم تعتذر من بنت عمك لان اللي سويته عيب ويمكن يسبب مشاكل وتكبر بين العائله وثاني شي قوم احلق هاذي القعشه علشان تسرح غدوه وبكر قيام  ولـ................. وكمل فراس يشرح لاخالد ايش بايسوو.....................
خالد ضحك: والله ان الشيب بايتقارح في روسهم
فراس وقف: هيا سير احلق قبل مايغلقو
خالد نادى واحد من العاملين: كم الحساب
العامل: 7الف
خالد بهرر بصدمه: امانه
ابتسم العامل: والله
فراس ضحك لما حس ان خالد ماشي معه زلط:انا شاحاسب
خالد:لا والله انه انا  اللي باحاسب
العامل تنهد وهو متعود على هاذي مضاربه الاصحاب لاما يدفعو الحساب:اذا قد قررتو من يدفعو الحساب تعالو لاعندي .. ومشى تاركهم
فراس رفع حواجبه بستغراب وتقدم من خالدوهمس له : معك زلط او لا
خالد حاول يتهرب من السؤال: خلاص ماعاد شحلقش
فراس: اصه لا تتهربش كم معك
خالد تنهد: معي 8الف
فراس ضحك: وانا معي سبعه خلاص انا شدفع وانت تحلق وتروحنا
خالد: لا والله مادفع الا انا وماعاد اشتيش احلق
فراس ضرب كتف خالد: اصه قوم انقلع انا اللي عزمتك وشاحاسب انا وانت روحني
خالد ابتسم: يله ناهي وعليا ذلحين عصير فروله
فراس هز راسه بطيب وشحر للساعه: الساعهـ..٩/٢٥ عاد شانلقى عصير
خالد: ايييييوه اكيييد هيا حاسب والحقني