فارس: اختصرها وقول فين سيارته
خالد تنرفز: يييييييوه والفضول
الجد ابتسم وهو اللي يحب مناقرتهم: ابوك خرج بدري اليوم معه عمل
احمد نزل من الدرج وهو ينادي خالد: ياخالد تعال ياروحي
خالد لف لا أحمد اللي كان مبدل ملابسه ويمشي وهو بيعرج: الين الين يأخ احمد
احمد: فين باتسير
خالد: باسير عند فراس قد هو مسنب لي ليه بتسأل؟!
احمد: اشتي اخرج انا وانت طفحت وانا في البيت
خالد تنهد: طيب وفراس قدو مسنب لي
احمد واللي خلاص طفح من البيت قد له اسبوعين ماعاد خرج: بانزع له هيا
خالد توجع لباب البيت: يلا هيا
فارس وهو يصفر بضحك: واااااي نحن هنا
خالد ضحك: ونحن لا نراكم
الجد هز راسه بطيب: مابتراناش الله المستعان ياخالد!!
خالد شهق ودخل لاغرفة الجلوس وحب راس جده: انا محكم ياجدي والله ماكان قصدي شي انا بيت اضحك
الجد هز راسه بطيب وهو مبتسم
فارس بهرر بصدمه: وانا يأستاذ خالد ماباتحكمنيش
العمه تهاني تنهدت بقهر من فارس: خلاص يافارس
دخل احمد بأستغراب: فينن امي والبنات؟!؟
الجده: امك وريم بينظفين الطيرمانه وزينب اريتها اول بتنظف الديوان اللي في الدور الثاني.. ووجهة نظرها للعمه تهاني بستغراب: وانتي فين بنتش ماريتها من امس الصباح
احمد ضرب ايداته ببعض: هيا خالد امتشع
خالد مشى بستعجال: هيا هيا، وانت يافارس باتجي معنا
الجد: خليه انا اليوم اشتيه معي عمل انا وياه
خالد: يلا كان مع السلامه
الكل: الله معكم
وبعد ماخرجو
الجده لفت لتهاني: ايش فيها بنتش
العمه تهاني تنهدت: والله يامه انها طفحتني ماعاد يعرف الواحد ايش تحت راسها بتضلي ساكته وتقلب في هاذا التلفون ماعديش مثل اول
الجده بستغراب: ايش فيها هاذي البنيه، حاكيها اسأليها ايش فيش غر ببصر
فارس هز راسه بتفاهم: خليها عليا يامه انا باحاكيها
تهاني بتحذير: غر سواء مش تتعصب فوقها
فارس هز راسه بناهي
.
//////////\///////////
.
ركب مكان السواق وشغل السياره بين ماكان احمد يركب بجنبه
خالد: ووووووه نسيت تلفوني بطلع اديه وارجع لك
احمد بملل: اففف بسرعه
نزل خالد وتوجه للبيت
اما احمد فتح تلفونه وجت في باله ساره اللي ماعاد اراها اخر مره اراها لما كان في المستشفى دخل الخاص حقها وهو يشوف اخر رساله بينهم كانت بعد ماسألت عن حاله استأذنته انها تسير بيت جدها ابو امها وكان رده عليها انا بخير الحمدلله وعادي سيري اهم شي انش مع امش، تنهد بضيق لما بدأ تلفونه يرن والمتصل رائد(خال ياسر) رفع التلفون لاذنه: الو
رائد: سلام عليكم كيف حالك يأحمد
احمد: وعليكم السلام نحمدالله ونشكره وانت كيف حالك
رائد: بخير الله يحفظك كيف قدك ذلحين عادك موجوع
احمد هز راسه بالنفي:الحمدلله قدني بخير
رائد بستعجال: مغر يأحمد اخي اشتي اطلبك
احمد وهو عارف ايش بايطلبه: اامر ياخوك
رائد: الله يحفظك، عاد ياسر بايجي عندنا
احمد:انا كلمته بس هو مارضيش بس ولا عليك ذلحين باكلمه واتصلك تجي له
رائد: والله ياخوك ماقدر اجيله لاني مسافر بس تعرف الوالده شغلتني عليه واـ..
قاطعه احمد:لا عليك ابشر باشله لها انا اذا رضي ان شاءلله
رائد بضباح بان من نبرته:وليه مابايرضا يجي
احمد شحر لاخالد اللي فتح باب السياره ودخل وقال بهدوء: يارائد ياسر عادو صغير جاهل يعني لازم اكلمه بالهداوه وما أغصبه على شي مايشتهش دلا دلا به لاما يرضا ويفهم
رائدبستعجال:خلاص يله متواصلين بأذن الله
احمد غلق التلفون وزفر بضيق
خالد رفع حواجبه بستغراب وهو يشغل السياره: ايش بك، وايش يشتي رائد؟
احمد وهو يحك حاجبه الايسر: يشتي ياسر يجي عندهم لاقد تشغلش السياره ادخل ادعي ياسر من عند امي
خالد تنهد بملل: يله الان
ونزل متجه للبيت للمطبخ وهو يشوف فارس وجدته يحاولو يقنعو الجد انه مايأجل العرس، طبعا الجد أجل عرس فارس وزينب لابعد مايرجع معاذ من مصر وتصير بدل الفرحه فرحتين
بس الكل مارض الفكره ماعدا احمد اللي اتفق مع الجد والكل ويحاول يقنع الجد اللي معاند ولا رضي، دخل المطبخ وهو يشوف امه تعلم ريم كيف تسوي بنت الصحن قال وهو شاحر لاياسر اللي كان موقف على كرسي وسط ام فيصل وريم وياكل جزر وعيونه على يد ريم اللي تخلط بها:يامحوتس ياسر تعال بانخرج نتمشى
ياسر كان يحاول يتكلم بس ماقدر لان فمه مليان جزر
خالد ضرب راسه بخفه وشحر لاياسر: الصمهن وامغط وبعدين تحاكى محد يتحاكى ولكفه ملان اكل
ياسر طرح يده على خصره وبلقانه: فين باتشلني
ام فيصل شحرت لاخالد: شله معك خليني استظي ايش بيت اسوي
ريم بضحك وهي تضرب البيض بالمضرب: شغلنا ماخلانا نستظي
ايش بنسوي
ابتسم خالد بهدوء:اصلا باشله وماعاد بايرجع الا بعد ايام
ام فيصل عقدت حواجبها: تعوذب من الشيطان ايش بك فين باتشله
خالد: بانشله بيت جده قد رائد جنن احمد بالاتصالات
ياسر مسك الكرسي وصرخ بقهر: والله ماسير معه مشتيش اسير مالي دخل
خالد رفع حواجبه وهو يمسك ياسر: لا تسقط يامجنون مابانسرشي ذلحين، ذلحين بانسير مع احمد نجعل ونشتري اسكريم تمام
ام فيصل: ياخالد ليه باتشلوه لـ.....
قاطعها خالد بقهر: يامه مالش..واشر بعيونه علىياسر: خلاص بانتكلم بعدين هيا ياسر
ياسر تأفف بقهر وحاوط رقبة خالد اللي شله ومشى متجه لاخارج المطبخ: يله مع السلامه
.
أنت تقرأ
رواية من بين كل البنات اخترتش انتي
Romanceاللهجه بيضانيه (رداعيه) وفي بعض الابطال من صنعاء فبتكون اللهجه بين الصنعاني والرداعي . ان شاء الله تنال اعجابكم . الابطال ماهم اثنين بس لا في اكثر من بطل . وبس ونطو بارت التعريف...
