رواية من بين كل البنات اخترتش انتي

26

في بيت رائد
نزلت مريم من الدرج وخرجت للحوش وتدور الفستان قد نشف وشهقت لما ارته في القاع ركضت وهي تشله وبهررت لما ارت فستانها ممزق تمزيق مسكته وهي توقف وتدخل للبيت بغضب وهي اللي طفح كيلها اكييييد انها هي محد غيرها شايشطط الفستات ويشمت به!!
دخلت وتوجهت لاغرفة الجلوس ووقفت قدام تعز بقهر وبدموع: ليه تكرهيني هاكذا ايش سويت لش هذا وانا معتبرتش اختي وانـ.......
قاطعتها تعز وهي تعوج لقفها بشمئزاز: اشبش انتي والجنان ايش سويت لش ليج تجنني هاكذا؟ وليه عاد التمثيل ودموع التماسيح
مريم رفعت فستانها وهي تهزه قدام عيون تعز: ليه تشططيه؟؟ ليه ايش سويت لش لاما بتكرهيني؟؟ هاكذا
تعز ببرود: ولا سويتي شي بس بس وجودش بيننا يضايقني يكرهني حياتي، وانا ماشأرتاح الا لاما يطلقش رائد وانا بعدا برتاااااااااح، انا بخلي رائد يضربش لااااما ينطعش.. وببتسامه: وبعدين يطلقش ويزبطش خارج البيت ساع الكلبه
ام رائد دخلت وهي تسند نفسها على عصاها وبعصبيه: بعيد على عينش ياقليلة الادب
تعز وقفت: امه
ام رائد بضيق: اصــــــــص هو انا انا اللي ماقدرت اربيش.. وشحرت لامريم اللي تبكي بصمت وعيونها على تعز: مريم يأمي ماعليش منها انا شأخلي رائد يدي لش بدله دبل
رائد فتح باب البيت على كلام امه: ايشو؟
مريم اول ماسمعت صوته مسحت دموعها بستعجال
ام رائد لفت عليه بهدوء
رائد طرح الاكياس على الطاوله اللي قريبه من باب البيت وتقدم من باب غرفة الجلوس وهو يشحر ليهن كلهن: سلام
ام رائد ومريم: وعليكم السلام
رائد عقد حواجبه لما لمح دموع مريم اللي مسحتهن بسرعه ونزل نضره لايدها وقال بستغراب: مريم؟؟ اشبه ليه بتبكي؟!؟
تعز شحرت لارائد برعب وركضت بستعجال وهي تدهفه وتطلع لاغرفتها قبل مايعرف باللي وقع ويكفر بدينها
رائد رفع حواجبه وهو يشوف تعز تركض بالدرج بستعجال
مريم بصوت متحجرج لما عرفت ان تعز هربت: ادخل هيذا شاقرب الغداء
رائد تنهّد بضيق وهو يدخل: اشبكن ايش وقع
ام رائد شحر ليه بصمت وهي خايفه تقوله يطلع يلعن سابع جد تعز
رائد بقهر وهو يشوف مريم ترفع الصحون عن الاكل اللي كان فوق المايده معاد الا يفتشينه: امـــــــه!!!!! تحاكي: لا تمكنيني عيون!!!؟
ام رائد جلست مكانها بنفس الصمت
رائد تأفف وهو يمشي للمطبخ ويغسل يداته ويرجع وجلس وهو يشوف سامر وتامر يجلسو بجنبه كل واحد في شق: اشوقع؟ تحاكين لا تجننيني
سامر بز جزر وهو يعض منه ويقول وهو يلصم ويعقد حواجبه: عمه تعز قالت لماماه انك شاتطلق امي!!!!!
رائد رفع حواجبه وهو يشحر لأمه اللي مسكت راسها ورجع شحر لاسامر: ايوه؟
تامر مسك يد رائد وهو يقول بستعجال: وشططت الفستان حق ماماه وقاالت انها تكرهها
رائد شحر لأمه وبعدين لمريم وبحده: شاتتحاكين او كيف؟؟؟
ام رائد وهي تهدي الموضوع: ياولدي هو وقع سواء تفاهم بينهن وهن شايسدين ماعليك هن هاكذا
رائد: يسدين ولا يموتين انا بيت اقول ايش وقع تحاكين لا تنترين بي
ام رائد شحرت لامريم وهزت راسها
مريم نزلت راسها بصمت
رائد بعصبيه: هااااايه الووو
مريم بدأت تحاكيه بأللي وقع وهي تبكي بقهر واستغربت رد رائد اللي ابتسم وهو يشحر ليها: وكل هاذا البكا على هاذي الهدره؟ ياسعم اني شأصدقها على طول واطلقش؟؟! خليها تذرب وتسمدع لحالها
وشطاط الفستان انا شأرويها وانتي ابشري ادي لش دبل اعتبريها هديه اعتبريها تعويض اعتبريها اللي تشتي
مريم نزلت راسها بخجل
رائد: ذلحين نتم نتغداء وننزل السوق نشتري هذاك الفستان الضخم تسيري به الحفله مدري خطبه والباقي يوم ثاني
مريم: خلاص يارائد ماعاد شأسرشي شأبارك لها بالتلفون وخلاص
رائد بحلف: حرام انش باتسيري وانتي تجهزي وانا اسير اشتري لش الفستان.. وبغمزه: واخليش تري كيف ذوقي في الفساتين
ام رائد نزلت راسها وهي تبتسم برضا وهي تشوف رائد يتحمس في الكلام وناسي وجودها ومريم ضاعت ومن يلقاها ذابت بين ثيابها
.
.