رواية من بين كل البنات اخترتش انتي

28

عند فارس في سيارته
شحر لازينب ببتسامه وهو يمسك يدها: خلاص ماذلحين انا وانتي وبس ماعادشي يافارس مايصلحش يازينب مغر هو عقد خلاااااااااص من ذلحين انتي مرتي وانا أراش وقت مأشتي
زينب غمضت عيونها وهي تشد على مسكتها
فارس شحر لازينب وضحك لما اراها مغمضه: اشبش
زينب هزت راسها بالنفي
فارس ابتسم وهو يشحر للطريق
وصلو الفندق واول مادخلو الجناح دخل فارس وهو يدخل شناطهم اللي بايقضو بها الليله هاذي
وخرج للصاله وهو يجلس على الكنب
زينب اللي كانت موقفه قدامه اول ماخرج من الغرفه رفعت فستانها وهي تركض للغرفه دخلت وغلقت الغرفه بهدوء
فارس نزل شاله وهو يشحر للباب بستغراب وقف وتقدم من الباب وهو يدقه بهدوء: زينب؟
زينب وهي شاده على مسكتها: حرام مأفتح
فارس وهو يمسك مقبض الباب: ايش فيش؟ بطلي خباله وافتحي  الباب
زينب بأصرار وهي ترجف بخوف: والله مأفتح
فارس بقهر: زينب!!!!
زينب مسكت جبهتها وهي تقول في نفسها(الله يسامحش يامه) وقالت بستعجال: هات الفتاشه وانا شفتح
فارس ماعاد ينسمع الا صوت ضحك
زينب بعصبيه: اصه ماشي حاجه تضحك
فارس بضحك: ناهي افتحي
زينب بضيق: هاتها اول
فارس وهو يحاول يمسك ضحكته: ناهي اشحري للكمدينه؟
زينب شحرت وغمضت عيونها بقهر لما ارت زلط في الكمدينه فتحت الباب وهي مغمضه بأحراج
فارس اول ماشحر ليها ضحك وهو يدخل الغرفه من ذي علمش؟!؟
زينب ومن الحرج قد شاتبكي: امي
فارس هز راسه وهو يضحك على الكامت: اصلا انا ارسلت لش للوتس وقلت لش فين شأطرحها علشان مايوقعش لش احراج
زينب توجهت للحمام بقهر:ليه ترسلها للوتس على اساس شأفضى افتح لك الوتس..ووقفت وهي تشحر لافارس لما تخيلت ان فستانها تسحبل في الحمام نطقت بحنق: اخرج خليني ابدل
فارس صغر عيونه وبسخريه: امانه؟!؟
زينب: والله
فارس خلس الكوت وهو يجلس على الكنبه ويحفحف: حرام مأخرج
زينب بكت بعجز: كان انا شخرج انا
فارس بهرر بصدمه وهو يوقف: خلاص خلاص شخرج مسرع قحللتي
زينب مسحت دموعها: قيام
فارس فتح شنطته وهو يخرج له بجامه ويضحك بصوت ناسل
زينب بقهر: هيا
فارس هز راسه وهو يوقف: حاضر يافندم.. ومشى من جنبها ووقف وهو يشحر ليه: تشتي مساعده ولا شي
زينب شحرت ليه: لا
فارس واللي مايشتيش يخرج: اافك لش زرار الفستان
زينب شحرت ليه بحنق: لا
فارس مشى بتجاه الباب بقهر: طز فيش..ورجع شحر ليها: تعشيني ولا ماقدش؟
زينب بكذب: ايوه تعشيت
فارس هز راسه وخرج وهو يغلق الباب وجلس على الكنب لما ذكر ان مابش حمام في الجناح الا اللي في الغرفه وبعد نص ساعه فتحت زينب الباب وهي تقول وعيونها تتلفت على كل شي في الصاله الا فارس: خلاص كملت ادخل اذا تشتي
فارس شحر ليها وجمد وهو يشوف شعرها اللي عاده مبلول ووجهها اللي خالي من اي مكياج
زينب دخلت برتباك لما طول فارس وهو شاحر ليها
فارس بز بجامته ودخل وهو يتنحنح توجه للحمام وماهي الا دقايق وخرج، خرج على مازينب بتبعد يرقان(لحاف) السرير ومددت وهي تتغطى باليرقان: لاما قد شاترقد وطفي اللمبه
فارس كان ينشف شعره واول ماقالت زينب هاكذا درب المنشف وهو يقول: ايش ايش ايش؟!
زينب شحرت ليه برتباك ومانطقت
فارس تقدم..................................🌚(اشوف عيونكم كل عين اكبر من الثانيه🤨ويش تنتضرون هاه؟.)
.
.