رواية من بين كل البنات اخترتش انتي

34

السسـلااامم عليـــــــــڪم ✨

ورمضان كريم كل عام وانتم بخير🤍🌷
.

:

:

خالد سحبها بملل وهو يقول بصوت شوي مرفوع: ريم بفتح الباب تمام؟!.. وفتح الباب لما ماردت  ريم
دخلت حلا وهي تشحر للسرير
خالد دخل  بعد حلا بتردد وهو يولع اللمبه
حلا تقدمت من السرير وهي تأشر لخالد يجي
خالد تقدم وهو يشوف ريم اللي منكمشه حول نفسها ومتغطيه بالبطانيه(الكنبل"اللحاف) وهي تهتز على الخفيف والواضح انها تبكي
حلا تقدمت من ريم وهي تبعد البطانيه(الحاف) عن وجه ريم اللي سحبت البطانيه قبل مايشوفو وجهها اللي منتفخ من كثر البكاء، حلا بضيق: ياعمه بس لش بكاء
خالد بنزعاج: وذلحين على ايش بتبكي
ريم كانت تشهق وهي شاده لحافها بقوه وهي اللي مارقدت وهي تفكر ايش اللي عاد بايواجهها في الايام الجايه
خالد جلس بضيق: ريم
حلا سحبت البطانيه من فوق ريم بقوه
ريم مسحت دموعها بعنف وجلست وهي تقول بحده: اشبببببخ؟!؟خييير ياطير انت وهي
خالد رمش بصمت
حلا جلست قدام ريم ببتسامه: مالش ضابحه!؟؟ او ضابحه ان جدي طرد عمي احمد.. وبعربجه: خلييييه يربييييه اوووف انا مابرد قلبي الا جدي ليث يوم قرح لعمي احمد الملاطيم ههههههههه
ريم غطت وجهها وهي ترجع تبكي وتشهق
حلا بضيق:ماالش ليييش رجعتي تبكي
خالد ضرب حلا على كتفها بخفه وهو يقول بقهر من ذرابة حلا: عادش بتسألي رجعت تبكي من ذرابتش ياهبلا قومي انقلعي ذاكري
حلا وقفت وبنزعاج:وانا ايش دراني!!!!.. وبرجاء: خلاص ياريمي لاعاد تبكي انا اسفه والله ماكان قصدي..وسكتت وهي تشحر للجروح اللي في وجه ريم:خالد قد جرووحها ملتهبه اكييد ماعاد استعملت المرهم
خالد اشر لحلا خلاص تخرج وحلا انسحبت من الغرفه بضيق
خرجت وغلقت الباب وراها وهي تمشي بتجاه الدرج وبهررت بخوف لما ارت ياسر جالس على الدرج وهو يشهق ويبكي
حلا توجهت له بخطوات مستعجله وهي تجلس بجنبه وتمسك يده بقلق: ياسر اشبك ليه بتبكي
ياسر سحب يده من يدها وهو يفرك عيونه وبصوت متقطع من
البكاء: اش.. شتي عند ابي.. يي
حلا تقدمت منه وهي تحضنه وهذا الحال يضايقها حال ان البيت مايخلو من الدموع والضيق والحزن هذا الجو يذكرها بيوم ضاعت منهم غلا توأم روحها
غلا المسالمه الخجول والهاديه اللي كانت عكس حللا اللي هي صاحبة الشخصيه القويه اللي تشل حقها بالقوه والبنت الجريئه وطبعا صاحبة اللسان الذرب
.
خالد تقدم من ريم وهو يسحب ايداتها عن وجهها ويشد عليهن: خلاص ياريم الله يحفظش.. وبهدوء وبنبرته الحنونه: حاكيني ليه بتبكي ايش اللي بيوجعش!؟؟؟
ريم هزت راسها بالنفي وهي تحاول تكتم شهقاتها دون فايده
خالد بنفس النبره: كان ايش بتحسي ايشو اللي مضايقش هاه؟! حكيني.. وتقدم وهو يفتح مقرمتها بخفه(شيلتها) وتوسعت عيونه من الدهشه وهو يشوف كل البخوش الي على رقبتها ووجهها كلها ملتهبه ونطق بضييق من اهمالها: ريييم لييه قد جروحش ملتهبه هكذا!!؟
ريم تقدمت منه وهي تحضنه وتشد عليه وتزداد مع شدها له شهقاتها وصوت بكاها كانت محتاجه لحضن من اي اسنان  في وضعها هذا وهي متقرفه من نفسها وهي تتذكر هذاك اليوم المشؤم تتذكر هذاك المجهول وتحس بالقرف والكره من نفسها كل ماتذكر انه اراها ارى وجهها وشعرها ورقبتها!!!!!!!! شدت على خالد بقوه وهي تضغط على اسنانها لما تذكرت لمساته وهو يمسك وجهها ورقبتها ولما حاولت تمنعه قام يضربها بكل شراسه
خالد شد عليها وهو يمسح على ظهرها ولف راسه على الباب لما انفتح ودخلت ام فيصل وملامحه واضح عليها الخوف: خالد ايش فيها
ريم ارتفع صوت بكاها لما سمعت صوت امها
ام فيصل خنقتها العبره وهي اللي من لما عرفت اللي صار لريم وهي كل ماتجي لاعند ريم تلقاها تبكي: تعالي يأمي انتي
ريم بعدت من خالد وهي تحضن امها اللي جلست على الكنبه وريم جنبها
ام فيصل كانت تمسح على راس ريم وهي تقراء عليها المعوذبات وكم سورة من القرآن لعلها تهدى شويه
خالد شحر لأمه بضيق: يمه اري ريم وجهها ورقبتها قد جروحها ملتهبه
ام فصيل شحرت لاريم واشرت لخالد يجيب لها المرهم: هات المرهم من فوق التسريحه اصلا قدهي حااميه فيها حُمى
ريم نطقت بصوت متقطع وبرجاء وعينها على خالد اللي قام يجيب المرهم ورجع جلس  قدامها: خ... خالد دورووه و....... واذا لقيتوه خلوني ابرد ق...... قلبي فيه.. وشهقت وهي تقول بقهر: قهررررني ياااخ...... خالد قهر اختك
خالد شدعلى يدها لما عرف انها تقصد المجهول وهو يقول لها بمسايره والغضب محتويه: ولا تقلقي تمام بأديه لابين ارجيلش واربييه بس انتي اهدي وصلي على النبي؟
ريم سكتت ودموعها باقي تنزل بصمت!
اما ام فيصل كانت تمس على شعر ريم وهي تذكر الله وتقراء أيات قرآنه
خالد وقف وهو يقول بهدوء: يلا انا شخرج معي مشوار اشتي اقضييه
ام فيصل: خالد اول اصتبح(افطر) لاتخرج بدون صبوح(فطور
خالد وهو يمشي بتجاه الباب: لاما ارجع يمه.. وخرج بستعجال بعد ماقال لحلا تراجع دروسها لاما يرجع وهو يفهمها الي مشي فاهمه واخذ دراجته الناريه وهو وتوجه لأول مشوار بيقضيه