بعد العشاء
عمر ارى المتصل ومسك يد خالد: قوم جاوبه لا تجلسشي تتهرب هاكذا تفاهم معه وهو اكيد ندمان لانه مد يده عليك! قوم جاوبه
خالد تنهد بضيق وخرج لاخارج البقاله ورد بصوت ثقيل: الووه؟
احمد بهدوء: سلام عليكم
خالد بنفس الهدوء: وعليكم السلام
احمد: كيف حالك
خالد ببرود: وانا بيعيد عنكم اكيد مرتاح
احمد ابتسم وببرود: الله المستعان
خالد بتنهيده: ايش تشتي؟؟!
احمد: فين انت؟؟
خالد كان بايرد بقسوه لولا ان عمر وقف قدامه وشحر ليه بحده، خالد تأفف: فين باكون يعني عند اصحابي
احمد: عند فراس، فين انت اشتي اجي لاعندك
خالد بهرر بنزعاج لما اشر له عمر انه يقوله فينهو،خالد بضيق: في بقالة حسين
احمد بضحك: اين حسين به حسين ملان.. وبهدوء: ايش اسم الحاره سريييع
خالد شحر لاعمر: ايشي الحاره هاذي؟
عمر وهو كاتم الضحكه: حاره الـ...........*
خالد بدون نفس: ياهيه في حارة الـ...........*
احمد وهو مستغرب ايش ذي شله لاهاناك: يله شويه وانا عندك
خالد غلق التلفون وشحر لاعمر بحنق: هيا برد قلبك، ياخي قدك تقلي مشتيش تجلس عندي ولا تخليني ادعس هاكذا!!!
عمر بحده: اصه من ذي قالك يأخبل والله اني اشتيك تجلس.. وبهدوء: بس انا مشتكش توتجع ساع مأنا اوتجعت دام ان ابوك بيدورك ويشتيك سير له قبل مايفلتك وينساك
خالد بهدوء: سامحني لو كنت ذكرتك بمواجـ...
قاطعه عمر ببتسامه: ولا يهمك انتبه لاما تروح يدلعوك وانت تتعنفط ولا تنخط
خالد بضحك: لا لا
.
.
.
.
.
.
.
.
.
طبعا معاذ ماوقعش بنخرته شي والوجع من اثر البكس حق فارس
يوسف عقد حواجبه بضيق: يامعاذ هات تلفوني بغير لغاجه
معاذ ركب سيارته: حرام مأديه
يوسف بهرر وبقهر: عتديه ماشي شأضربك
معاذ بضحك: بعد مني والله لأحشرك
يوسف تأفف وهو يوقف قدام السياره: والله مأبعد الا لاما تدي حقي التلفون
معاذ ضحك: والله لأفحط وادعسك
يوسف بضيق: مله تسوي فيني هكذا ماعتستفيد
معاذ مد له التلفون ولما جاء يوسف يشله دخل معاذ يده واطلق ضحكته بخبث
يوسف تنرفز: معاااااااااااااذ
معاذ مد له التلفون ولون وجهه منقلب من الضحك: خلاص شله ـههههههههههههههههههههههههههههه
ههههههههههههـ
يوسف بز التلفون ورجع لاوراء بضحك وهو يأشر لافارس اللي يصور من البدايه: والله اني عدأنشره
معاذ شحر ليه بقهر: والله هكذا كلكم عليا ولف السياره وهو يفحط متجه للفندق
فارس بصرخ: وقف ياجني وقف
.
.
.
.
.
.
.
نزل احمد من السياره وهو يتلفت قد له سنين ماعاد جاء لاهاذي الحاره ومستغرب ايش ذي ادى خالدلاهانا
امن السياره وتوجه لابقالة حسين وهو يسمع الضحك وقف قدام الباب بهدوء: السلام عليكم؟
الكل: وعليكم السلام
حسين وقف وهو حاسس انه يعرف هاذا الرجال: ايش تشتي
احمد ببتسامه: اشتي خالد
فريد بتسأل: احمد اخو قيس صح؟
احمد هز راسه بنعم
فزو العيال وهم يسلمو عليه
عمر تقدم من احمد وهو يحضنه ببتسامه: عاش من شافك
احمد ببتسامه: تعيش.. وشحر ليهم كلهم: كيف حالكم ان شاءلله مرتاحين
حازم: بخير الحمدلله الله يحفظك
الكل رجع جلس ماعدا عمر وخالد وحسين: ادخل يأحمد
احمد شحر لاخالد اللي كان موقف جنب عمر:واللهاني مستعجل مره ثانيه ان شاءلله، هيا خالد
خالد بهدوء: فينه؟
احمد رفع حواجبه: تعال!
خالد تنهد ومشى خلف احمد الي توجه لاسيارته
ركب واشر لخالد ببرود: اركب!
خالد قلب عيونه بنزعاج وتوجه للسياره وركب
احمد:ايوه؟ اي حين ناوي تروح
خالد شحر لاقدامه وماتكلم
احمد شغل السياره
خالد لف على احمد: وااااي وقف وقف
احمد بهدوء: تسمعتنا لما كنا بنتحاكى انا وحميد وصقر؟؟
خالد فتح باب السياره وهو مش عارف ايش يرد
احمد سحب خالد لاداخل السياره وغلق الباب وأمن السياره: لا تهربش حاكيني
خالد بقهر: انا داري اني غلطت مع ساره ومالي دخل بينكم بس انا اقتهرت عليك لما تخيلتها تحاكيه
احمد ببرود: وانت متوقعها من بنت عمك؟؟ اللي عي ساع اختك
خالد هز راسه بندم: ياحمد انا اقتهرت وماعرفت اتصرف
احمد تأفف بقهر يشتي يعتذر بس بيكابر
خالد بسخرية: غر قد شليت حقها ايش عاد عندي
احمد تنهد بضيق: خالد عن الهم كله فوق راسي لا تزيد تضيقها عليا.. وبهدوء: وتعال خلنا نروح وكل شي تشتيه لك من ذلحين
خالد هز راسه بلا: ماشروحش
احمد بهدوء: خالد! ابي عمره مامد يده عليك ويحبك اكثر مننا كلنا وقدك داري من امس وهو سير ادي خالد قول لخالد ليه مابيرد خالد ياخي احمد ربك وتعال روح
رن تلفون خالد الي اول مأرى المتصل(فراس)ادى له مشغول بنزعاج
احمد بهدوء: فين رقدت امس
خالد ببرود: في الشارع
احمد بهرر بصدمه: كذاب
خالد بجمود: لا لا صدق رقدت عند عمر
احمد شغل السياره: خلاص روح معي وبرد قلبك واحنا اسفين وحقك على راسي ايش باقي
خالد ابتسم على شق(جنب)
احمد دهف خالد بمزح: من قدك احمد بيعتذر منك
خالد بضحك: هيا ناهي.. وضرب يد احمد: افتح خلني انزل شأحاكي عمر واجي
احمد نزل: شنزل معك هيا
.
خالد وقف قدام البقاله وببتسامه: عمر تعال يامالي
وقف عمر ببتسامه وخرج لاعند احمد وخالد وبتساؤل: سديتو؟؟ شاتروح؟
خالد هز راسه: ايوه
عمر: وأغراضك اللي عندي في البيت شأديها لك
خالد ابتسم: ماعليك انا شأجي لهن
احمد وهو يلعب بمفتاح السياره: اعذرنا ياعمر قد دخلناك في مشاكلنا وضيقناها عليك
عمر هز راسه: الله المستعان مابش ضيق ولا حاجه وخالد اخي
خالد ببتسامه: الله يبقيك
.
.
.
.
.
.
.
عند فرح
عادهي غلقت من ساره اللي قالت لها الكلام اللي قاله محمود
فرح في نفسها: شايقول هكذاعلشان مايزردو هدره ههه الاخبل عاد ذلحين شاتكثر الهدره
فاعل نفسه رجال ينخط فوقي صدق نفسه انه اخي
شلوه لاحيث هو
نقزت لما صرخ لؤي : واااااااااااي ياجنيه
فرح ضربته بقهر: اشبك نقزتني
لؤي بضحك: قد بيت اداعيش لي ساعه
فرح بنفس القهر: ايش تشتي؟؟
لؤي: انتي اريتي وجه اللي لحقش
فرح: ماعه ماريتهش
لؤي توجه لاخارج الغرفه: جنيه!
.
.
.
.
.
.
.
.
.
.
بيت ابو خالد
صرخت ريم بفرح وهي تركض وتحضن خالد اللي بادلها الحضن وهو مبهرر بصدمه: اشبش والله لو لي غايب شهور!!
ريم بعدت ببتسامه: احيا صوتك والله ان لك وحشه
خالد بغرور: ايوه ايوه خليكم ليج تحسو بقيمتي
ام فيصل نزلت من الدرج وهي تركض بفرح: حيا حيا
خالد تقدم منها وهو يحب راسها: احياش كيف حالش
ام فيصل بحزن: الحمدلله الحمدلله فين سرت؟ كيف وقعت؟؟؟ فين رقدت؟؟!؟
خالد هز راسه: ولا عليش اهم شي اني ارتحت هيذا قدنا عندش ذلحين
ام فيصل جلست على الكنبه: تعشيت او ماشي؟ ريم ادي له عشاء!!
خالد اشر بيده: لا لا ولا تدي شي عاد انا شابع
ام فيصل: فين رقدت كيف وقعت؟؟
خرجت الجده من غرفتها وقالت بغضب وهي شاحره لاخالد: جاء الفالت؟؟ طابت برد قلبك هاه؟؟
خالدرفع حواجبه بصدمه وهو يرى جدته بتتقدم منه وهي تستند على عصاها
الجده بصراخ: ماعمر معاذ تحكم بليث ولا تصايح هو وياه وباتجي ذلحين انت تخليهم يتصايحو
احمد ضغط على عيونه بنزعاج
ريم بقهر: ياجده ايشي هاذي الهدره وبعدين اي حين جدي تصايح مع ابي؟؟
الجده بقهر: الا الا كذبيني
ام فيصل تنهد: خلاص ياريم سيري دوري زينب ومالش دخل
ريم مشت بقهر وهي عارفه ان جدتها شاتستلم خالد وتطيره بهرمها
الجده جلست وبقهر: ليه روحت؟ هاه ليه جيت
خالد ضحك بسخرية: جيت اشرب ماء واخرج والله.. وببرود وهو اللي مايتحمل كللم جدتها اللي تتعمد دايما تقهورهم: جيت بيت ابي عندش مانع
الجده ضحكت وبجنون: اين بيت ابوك يأبي انت ماشي لك اب انت جيت من الشارع او الا صدقت نفسك انت من الشارع مانتاشي ولد ولدي
احمد بحده: جده خلاص
نزل ابو فيصل وبهدوء وهو اللي سمع اخر كلام امه:ايش قد به
ام فيصل ماعاد صدقت اي حين جاء خالد وماتشتيش تزيد وترجع المشاكل وبرجا: امه مريم خلاص اسكتي انا فدالش واجل المشاكل
الجده واللي قلبت الكلام بلحظه متجاهله ام فيصل: اجي اجي ارى عيالك يشتو يطججوني من بيتي
خالد وقف بقهر: شخرج لاهنيه وارجع
ابو فيصل والي ناوي يتعامل مع خالد طبيعي وكن ماوقع شي: فين شاتسير عادك جيت؟؟
الجده: خله ينقلع لازاد جاء هاذا العاصي
خالد توجه لاباب البيت وفتحه: شأخرج اشم هواء اختنقت شرجع بعد شويه
وخرج ولقي الجد اللي غلق باب الحوش واولمأرى خالد ابتسم: يامرحبا
خالد تنهد وهو بستغفر بداخله وتقدم من جده وهو يقبل راسه: كيف حالك ياجد؟؟
الجد ببتسامه: بخير الحمدلله فين باتسير؟؟
خالد فتح الباب بستعجال لاهنيه وارجع
احمد وقف ولحق خالد وهو بنفسه يشتي يقطع لسان جدته ويهجع وواجه جده: ياجد فين خالد؟؟
الجد بستغراب: عاده خرج مدري فين سار
احمد فتح باب البيت وخرج بستعجال كانت نيته يركض ويدور خالد لاكنه وقف لما ارى خالد جالس في الركن اللي قدام البيت توجه له وبهدوء: خالد
خالد بعصبيه: هاذي جدتك تشتي من شل لسانها ودعسه
احمد وهو يحاول يكبح ضحكته: اجلها كن اسعرها قدهي عجوز وهرمه
خالد بضيق: مع نفسها.. وقال وهو يقلد جدته بقهر: منتاشي ولد ولدي، على اساس اني ميت توقع جدتي شلوها الجن
احمد ضحك: خلاص اجلها قم ادخل داخل
خالد بقهر: ماشتدخل الا لاما ترقد
احمد بنزعاج: اصه ادخل او لا شاتخلي البيت لها!!!! ادخل وخلها تتهرمم لاما تطفح
خالد وقف وتوجه للبيت:كان هيا
.
.
.
.
.
.
وبغرفة خالد بعد ماسمر(سمر زي سهر وهكذا) مع اهله توجه لغرفته وانرمى على سريره بملل
رن تلفونه اللي كان بين ارجيله قام وسحب التلفون ورد بدون ماشوف المتصل: الووه؟
فراس بضباح: فين انت ياحمار ليه مابتجاوب ايش وقع لك
خالدبسخرية: ليه مابتجاوب.. وقال وهو يقلد فراس: لاما تفضى وحاكيني طمني ايش بايوقع معك وفي النهايه غلقت التلفون ياحيوان
فراس: سامحني والله اني ضيعته ماعد لقيته!! وفي النهايه لقيته تحت الكنب!! حاكيني ايش وقع معك
خالد: المشكله اني مقدر اغثاء منك ابداً.. ورجع مدد وبتنهيده: كل اللي وقع يامالي
......... وبدأ يحكي له اللي وقع له............
.
.
.
.
.
أنت تقرأ
رواية من بين كل البنات اخترتش انتي
عاطفيةاللهجه بيضانيه (رداعيه) وفي بعض الابطال من صنعاء فبتكون اللهجه بين الصنعاني والرداعي . ان شاء الله تنال اعجابكم . الابطال ماهم اثنين بس لا في اكثر من بطل . وبس ونطو بارت التعريف...
