بعد مرور اسبوع
وريم طول الاسبوع حابسه نفسها بالغرفه وماتتواجد الا اذا كان احمد خارج البيت واذا جاء تهرب غرفتها وكل يوم بعد العشاء خالد وحلا وياسر اللي بعد ماصرخ احمد علييه وهو يرقد عند ريم وكل وقته معها يدخلو عندها في غرفتها ويقضوها مناقره (مجاكره) وضحك وريم تضحك علييهم وهي تحب جو مناقرتهم(مجاكرتهم) لكنهم اذا كثرو المناقره توصل للضرب والصراااخ بين خالد وحلا
وريم يالله تفرقهم
تتوتر ريم كثيير يوم يسألها قيس لييش ماتجلس معاااهم ولكن دايما تنقذها ام فيصل نبع الحنان وهي تسلك وتقول ان ريم تتعب في شغل البييت
ويوم قيس عرف انها بتتعب قال ببتسامه: طيب عليا اجيب لش عامله تساعدش وانتي ترتاحي ياريم مايغلا علييش
ام فيصل برفض: لااااا لا لا احنا ثلاث في البيت مايحتاج عامله تسلم يبوي وبعدين لييش العامله واحنا لامكسريين ولا معاقيين شانشتغل احنا ونطبخ وننضف ونسوي كل شي انت ارتاح يأبي
ام فيصل ماتحب احد غرييب يدخل مطبخها وتحب شغل البيت يكون لها هي وبناتها مع انهم اثرياء ويقدرو يجيبو بدال العامله عشررر بس ام فيصل ترفضض دايما وجود عامله في البيت
.
ريم بهدوء: ادخل!
فتح خالد الباب وهو يبتسم: صباح الخيير
ريم حطت السجاده على الكرسي وهي تتنهد برااحه: ياصباح الفُل
خالد تقدم منها وعاده مبتسم: كيف اختي
ريم بهدوء: الحمدلله بخير.. وابتسمت: باتسرح؟!(رايح المدرسه)
خالد هز راسه بأيوه: ادعي لي اليوم المسابقه
ريم رفعت حواجبها: اوف قدهي اليوم
خالد مسك شعره: ان شاءلله ادعي ان مشو اليوم
ريم رفعت ايداتها ببتسامه: الله يوفقك ويسر لك ماتعسر
خالد: امييين
ريم: اصتبحت؟!
خالد هز راسه: ايوه، بطلبش طلب؟!
ريم عقدت حواجبها: ايش؟!
خالد بتردد: اخرجي من الغرفه
ريم نزلت راسها بضيق
خالد رفع يده وهو يرفع وجهها وبحنيه: ارفعي راسش ولاتنزلييه انتبهي!!.. وشد على يدها وهو يقول: لاتجلسي حابسه نفسش علشانه موجود اخرجي واجلسي بينهم انتي داريه ان حتى ابي اليوم استغرب يوم كلنا استقبلناه لم جاء للبيت قال فيين ريم.. ابو فيصل اليوم جاء من السفر هو والجد واستغرب يوم مالقي ريم وهو متعود عليها كل مايرجع من السفر يلقاها موقفه له في الحووش
ريم تنهدت بضيق: خلاص بأحاول اخرج
خالد هز راسه: لا تحاولي لان ماشي صعوبه اخرجي.. ونطق (بهيااط): لو اروح من المدرسه ومألقاش نازل والله لا أغثى(ازعل) منش وانتي تعرفيني لاقد غثييت(زعلت) ماعاد ارضا
ريم ضحكت وهي تبت على كتفه: لا لا لا بخرج كله ولا غثااك!!(زعلك)
خالد ابتسم: ايوه اوقعي مرره!..نطق بتردد:وليد كان معاكم هذيك اليوم!!!؟..هزت راسهاريم بضيق من ذكر هذيك الحادثه:ايوه ليه؟! خالد توجه للباب وهو يقول بتهرب:اشتي اسأله على حاجه .. خرج خالد من غرفة ريم وريم معااه وهو يحاكيها وهي مبتسمه بتوتر واختفت ابتسامتها وهي تحس دقات قلبها تزييد اول مأرت احمد اللي كان جالس في الصاله
ورفع راسه وهو يشحر لريم وخالد اللي شحر للمكان اللي ريم شاحره ليه وتنهد وهو يمشي ويده على ظهر ريم: صباح الخير يأحمد
احمد ببرود: صباح النور
لفو ريم وخالد على ياسر اللي دخل وبيده عنقاد عنب وهو يركض بتجاه ريم ويمده لها: رييمي اشحري ايش اديت(جبت) لش من دخال البستاان دخلت اليوم انا وجدو مع عمو اميين(هذا البستاني اللي يهتم بالبستات ويسقييه دايما في العطله هو والجد ابو خالد
ضحكت ريم وهي تمسك العنقاد: شكرا ياقلبي
خالد ابتسم وهو يبعثر شعر ياسر: تدي لريم ولاتدي لي الله المستعان
ياسر اشر بيده وببراءه: عاد باقي كفيير(كثير) جدو جمعهن في سله
خالد لف على صوت حللا اللي نزلت من الدرج بستعجال شحر لاساعته وقال بهدوء: يلا كان بانسير دعواتكم
ريم بهدوء: خالد خليني بغسل العنب وادييه لك
خالد وهو يمشي هو وحلا بتجاه الباب: لا لا بتأخر
وخرجو بين ماياسر عقد حواجبه وهو يكتف ايداته بضيق:مأعجبش!؟ انا اديته لش..: اذا مأعجبش بأكله انا
ريم ابتسمت وهي تقرص خد ياسر: الا عجبني.. ومسكت يده: تعال بديلك منه(بجيب لك)
احمد نطق بهدوء: ياسر!
ياسر مارد عليه وهو يمشي ويده بيد ريم ماشيين للمطبخ
وريم ماتكلمت وكل همها تدخل المطبخ وتخلص من التوتر
احمد نطق بحده: ياااسر!؟؟
ياسر ترك يد ريم اللي واصلت تمشي للمطبخ ولف على احمد وهو يخفي خوفه ومعقد حواجبه بزعل: ايش!؟
احمد تنهد لما عرف ان ياسر عاده زعلان منه بسبب صرااخه: تعال ياياسر
ياسر بزعل: مشتيش
احمد وقف وتوجه لياسر اللي كان بيركض للمطبخ لكن احمد كان اسرع منه وهو يمسكه وينزل لامستوااه وبستغباء: مالك(وش فيك)!؟
ياسر نطق بهمس: ماشي(ولا شي<"ماشي"نقولها🇾🇪 في حالتين حالة الرفض عن شي او اختصار ولا شي>)
احمد ابتسم وهو يبوس خد ياسر ونطق: غاثي مني اني دهفتك(زعلان مني عشان دفيتك)
ياسر انفجر بالبكاء وهو يغطي عيونه
ام فيصل خرجت من المطبخ لما سمعت صوت بكاء ياسر ونطقت بضيق وهي تشوف احمد حاضن ياسر وهو يمسح على شعره: ايشش فيه ياسر يأحمد!!!
احمد هز راسه بالنفي وهو يبعد ياسر عن حضنه ويمسح دموعه بطرف اصابيعه ونطق ببتسامه: خلاص انا اسف حقك على راسي
ياسر كان يفرك عيونه وهو ومبرطم
احمد وقف وهو يمسك ياسر: تعال بأشلك البقاله قش اللي تشتي كله
ياسر ماتحرك من مكانه: مشتيش!؟
احمد ابتسم وهو يلعب بحواجبه(يرقصهن): وبشتري لك اسكرييم واشلك معي للمحل(اللي احمد ماسك شغله في المحل)
ياسر ضحك بحماس وهو يركض بتجاه الباب البيت
فتح الباب ياسر وشحر لا ابو فيصل اللي جاء وبيده السله اللي مليانه عنب
احمد عجل خطواته وتقدم وهو يبز السله من ابوه اللي ابتسم له وهو يقول: دخلها لاعند امك الله يرضا عليك
احمد هز راسه بطيب
:
أنت تقرأ
رواية من بين كل البنات اخترتش انتي
Любовные романыاللهجه بيضانيه (رداعيه) وفي بعض الابطال من صنعاء فبتكون اللهجه بين الصنعاني والرداعي . ان شاء الله تنال اعجابكم . الابطال ماهم اثنين بس لا في اكثر من بطل . وبس ونطو بارت التعريف...
