رواية من بين كل البنات اخترتش انتي

27

المتصل(غالية صنعاء) بهرر بصدمه وهو يبز التلفون وشحر لأحمد اللي جاء وهو مبتسم: احمد
احمد جلس وكان بايرد على خالد لاكنه جمد لما ارى تلفونه مد يده بهدوء: هاته ياخالد
خالد بعدم تصديق: احمد ايشو هاذا مني هاذي
احمد سحب تلفونه بغضب وهو يوقف ويأشر لخالد يلحقه
خالد لحق احمد واول ماخرجو من الخيمه قال بغضب: مني هاذي يا أحمد هيا ايش قد معنا كن قد بتحاكي بـ.....
احمد قاطعه بضيق:اصه هي مرتي
خالد بعدم تصديق: كذاب!!!!!!!
احمد جلس على ركن احد البيوت وخالد جلس بجنبه وهو ينتظر احمد يكمل
احمد بهدوء: انا شأحاكيك بس انتبه تتحاكى عن حتى ابي ماهو داري محد داري الا جدي
خالد هز راسه بطيب
احمد تنهّد: تذكر اخر سنه لي في الجامعه يوم سافر جدي صنعاء كان معه عمل هناك
خالد هز راسه بأيوه
احمد وهو شاحر لاداخل الخيمه:عزمنا العم مسعود اللي هو ابو جنات هو اصله صنعاني من اصحاب جدي، وسرنا عنده وكان يشكي ان مرضه بيتعبه وان مدري ايش وقال لجدي.....
نرجع لذاك الوقت
ابو جنات: انا خايف اموت او يوقع فيني شي ولا قد اطمئنيت على بنتي وانت تعرف اعمامها خبيثين ولو اموت عيشلو مالي وحلالي ويشمتو ببنتي واخوالها بعد ماماتت امها الله يرحمها
الجد واحمد بهدوء: الله يرحمها
ابو جنات: انقطعت اخبارهم ولا عاد سألو عليها ولا شي.. وبحزن: ولا اخ ولا اخت ولا سند انا سندها الوحيد ولو يوقع فيني شي ولا شي عتتجعجع وعيـ.........
قاطعه الجد معاذ: يامسعود صلي على النبي ان شاءلله ماشايوقع شي الله يطول في عمرك ويخليك لها وبنتك هي ساع بنتي ويمكن اعز ولو يوقع شي هي بأمانتي
ابو جنات استبشر وجهه لما جات في باله فكرة انهـ: معاذ بطلب منك طلب وامانه عليك لاتردني
الجد معاذ: الله المستعان والله مأردك لو طلبت راسي
ابو جنات شحر لا أحمد وقال بجديه: اشتيك تزوج بنتي بأحمد ولد ابنك انا ماطلبت منك هاذا الطلب الا لاني داري انك ماشاتردني واحمد بأذن الله قد الامانه
الجد معاذ شحر لا أحمد بتوتر وهو اللي ماتوقع انه يطلبه هاذا الطلب!!
احمد كن احد سكب على راسه ماء بارد شحر لأبو جنات بقهر
الجد معاذ ماكان قدامه حل غير انه: تم خلاص جنات لأحمد واحمد لجنات
احمد شحر للجد ونوى ينطق لاكن الجد ومجاب له مجال
ابو جنات بفرح: خلاص على بركة الله، بس مشتيش جنات تعرف ان انا اللي طلبت انك تزوجها بـ..
قاطعه الجد معاذ وهو يوقف: لا الله المستعان
.
تأفف احمد بضيق: حاولت ارفض وحاكيت جدي اني مستحيل اتزوجها بس جدي قال انا اديت للرجال كلمه وانت اذا تزوجتها تقدر تتزوج فوقها وتزوجتها
خالد بقهر: وساره؟؟؟؟؟؟؟؟ عارفه او ماشي
احمد شحر ليه وبتهديد: لا ماشي عارفه حرام لو تعرف الا براسك يخالد
خالد هز راسه بيأس
احمد وقف: شجلس مخفي هاذا الشي طول عمري ولا شتحاكى به لو يوقع اللي يوقع
خالد مسك كتف احمد ببتسامه: وانا معاك وايش ماتشتي شأسويه، بس لازم تغير اسمها
خرج وليد من الخيمه: هيا شاندي الحناء
احمد هز راسه وهو يمشي ووليد وخالد وراه
دخلو للحوش
وتوجه خالد للباب وهو يدقه بحماس: هاتين الحناء قياااام
فتحت حلا باب البيت وهي تضحك بحماس وبهررت لما ارت وليد ورجعت دخلت بأحراج اما وليد فلف وجهه بتجاه باب الحوش
خالد بستهزاء: هاتي الحنا ياضحوكه
ريم فتحت الباب ببتسامه وبيدها الصحن اللي فيه الحناء كان مكتوب بالحناء فارس
خالد شهق وبقهر: بس هاذا الصحن
ريم ناولته الصحن: الا عاد باقي صحن اصبر
ساره مشت بتجاههم وهي تقول ببتسامه: اليوم عرس اليوم عرس
خالد ضحك ويرى الصحن اللي بيدها كان الحناء مشكل في على شكل جنبيه خالد بز اللي مكتوب عليه فارس وهو يناول احمد وبز اللي بيد ريم وخرج وهو يروي وليد
وتحناء فارس وتحنو الضيوف والكل
اليوم الثاني يوم
التــــروحــــــه
بعد مأصتبحو فارس واعمامه سافرو صنعاء