رواية من بين كل البنات اخترتش انتي

2

                 ...........البارت الثاني............

ساره رجعت شلت الخبز وكانت بتلف بس في يد انحطت على ظهرها وصوت عند اذنها
احمد دنا (يعني نزل لمستواها) وقرب من اذنها: بووووووو
ساره وهي الثانيه ظنته وليد: الله يلعنك ياوليـ..  ولفت واول ماشافت احمد بهررت(وسعت عيونها) وهو الثاني بهرر
...... ثواني صمتـ... بين الاثنين
واحمد جالس يتأمل ساره وساره ماعاد قدرت تحرك ارجيلها (جتها ام الركب😂)
قطع صمتهم صوت باب الفله (دق دق دق)
احمد عرف انها ساره شحرليها(شحر يعني ناظر): ليش جيتي بدون مقرمه (شيله) لو طلع احد من الضيوف وانتي هكذا
ساره دنت وبارتبكت: امي قالت انه وليد اللي بيجي يشل الخبز
احمد وعاده شاحر ليها وبعصبيه: حتى ولو مره ثانيه البسي مقرمه
ساره دنت اقواء (نزلت راسها) وساكته
رجع الباب يدق
ساره مدت الخبز له ولفت (اعطته ظهرها) لانها استوعبت انه بيراها بدون مقرمه وبالمكياج: افتح الباب وتعالو شلو المقالي حق الدبيخ
احمد تنهد: خلاص سيري وانا ووليد بنجي نشلهن
ساره: ناهي ومشت بس وقفها صوت احمد: ساره
ساره بدون ماتلف: هاه
تقدم ومد لها الشال حقه: افعليه فوق راسش
ساره بزته بدون ماتشحر وعملته فوق راسها ومشت
احمد راح فتح الباب
دخل ابو روان وابتسم لاحمد وتقدم وسلم عليه: كيف حالك يا أحمد
احمد ببرود تام: لله الحمد تفضل تفضل 
ابو روان تنهد بضيق ودنا (نزل راسه) ومشى للمجلس
.....
ابو روان من اقرب اصدقاء الجد ابو خالد غني بس مش اغناء من الجد ابو خالد اصدقاء من ايام الثانويه
روان25متزوجه وعايشه في قطر مع زوجها وبنتها ريناد
ريما22مخطوبه لولد عمها محمود
امهم متوفيه
......
بعد ما الرجال تعشو منهم اللي سار (راح) ومنهم اللي عاده جالس
وذلحين وقت عشاء النسوان (في البيضاء ان كان عشاء او غداء يتغدو او يتعشو اول الرجال بعدين النساء) كانت هلاله و وضحى يقربين العشاء للمجلس
ام فيصل: ريم سيري دوري ويني ساره وتعالين تعشين
ريم: يله يله الان
.

.

.
في غرفة ريم
كانت ساره جالسه فوق السرير وبيدها وساده(مخده) وكل ماذكرت الموقف (اللي صار لها مع احمد) تعض المخده وعلى شان مايطلع الصوت تدفن وجهها في المخده وتصيح(تصرخ)
دخلت ريم الغرفه وبصوت ضاحك:ايش بتسوي يامجنونه
ساره ساكته ولا قالت حاجة
ريم: ساره وين اختفيتي اول
ساره كانت في عالم ثاني
ريم تلوح بيدها قدام وجه ساره: وواي يابنت
ساره: ااااف مالش اي تشتي
ريم جلست فوق السرير: مالش انتي فين سرتي لي من اول وانا بين ادورش شليتي الخبز واختفيتي
ساره: يوووو ياريم لو تشوفي ايشـ...  وسكتت
ريم: ماهو ايش وقع تكلمي تكلمي ايش قد سويتي
ساره: قولي والله ماضحك
ريم بضحكه: والله ماضحك
ساره:اااااااا ورجعت سكتت
ريم وهي خلاص الفضول طلع عندها الفين: تكلمي
ساره: خلاص اسكتي ولا تقاطعيني ولا تضحكي
ريم شويه وتطير: ناهي قيام تحاكي
ساره: كانت بتتكلم بس قاطعها احد يدق الباب
وانفتح ودخلت زينب
زينب: ريم قلنا لش اطلعي ادعيها طلعتي رقدتي جنبها
ريم شهقت: والله اني نسيت
زينب: هبلا هبلا يلا انزلين بسرعه وخرجت
ريم: خلاص بعد العشاء شاتقولي لي ايش حصل
ساره تنهدت: ناهي