رواية من بين كل البنات اخترتش انتي

25

رفع الفلاشه لوجهها وهو جهد ايش ماسك ضحكته
وهو يرا عصبيه ساره اللي رمت المقرمه على وجهها بحده: هو انت هيا بعد من قدامي
احمد سحب المفتاح من الباب بعد ماقفل وهو يولع اللمبه: حرام مأخطى من هانا الا لاما نتصافى
ساره غطت من تحت عيونها بالمقرمه ومشت وهي تسحب الكيس اللي عليه ملابس وضحى: ناهي بعد المره مسنبه لي
احمد سحب الكيس من يدها ودربه: ايش من مره وايش من طلي خلينا نتفاهم
ساره وهي تلعن ريم بداخلها وتتحتم عليها: ايش تشتي تحاكى بسرعه؟
احمد مسك مقرمتها وماحس الا ويده تنفلت من المقرمه، ساره واللي سحبت يده وبحده: كسروها
احمد بهرر: اشبش اشبش جننتي؟!؟؟
ساره وهي تأشر بيدها: انت اللي جننت كيف تفتش وجهي وبعدين افتح الباب مايصلحش نجلس هاكذا لوحدنا
احمد غمض عيونه ورجع شحر ليها بقهر: ياغبيه انا زوجش زوجش يعني عادي أراش واغلق الباب ونجلس لحالنا محد له دخل
ساره بسخرية: في الجنه ههه انت شاتطلقني بعد عرس زينب
احمد واللي رغم ان كلامها ماعجبه ولا اسلوبها في الكلام لاكنه يحاول يمسك نفسه ويذكرها انه جاء يراضيها مش يتصايح معها تقدم بتجاه باقة الورد وبزها من القاع ورجع لعند ساره اللي رغم خوفها لاكنها تسوي نفسها مش مهتمه
احمد مد لها باقة الورد وبهدوء وهو له من المغرب يتدرب على هاذا الكلام لانه متعود مايعتذر حتى ولو كان غلطان:امسكي وردش وانا اسسف وحقش عليا كلامي هاذا طلع بلحظة غضب وبـ.....
قاطعته ساره بدموع وبقهر: والكلام اللي متحمله في قلبك مايخرج الا في لحظه غضب،الكلام الصدق واللي يكتتم في دواخلنا مايخرج الا في لحظه غضب
احمد تنهد وبهدوء: انا أســــــــــف واحكمش براسي هيا ايش باقي
ساره شحرت ليه بصمت
احمد مسك يدها وهو يناولها الورد: هيا  امسكي انتي والدلع
ساره مسكت باقة وهي تدفن وجهها بين الورد بحرج وبصوت ناسل: هيا افتح الباب شايدوريني
احمد هز راسه: حتى انا شايدوروني افتشي وانا افتح
ساره واللي ماكانت تشتيه يراها بالمكيج والروج الاحمر المكبود هزت راسها بالنفي وهي تشحر ليه: اجله على وقت ثاني
احمد ضحك وهو يأشر لعيونها: بالله عليش ايش الفايده من انكن تلبسين عدسات
ساره ضحكت وهي تنزل راسها: علشان يتوسعين العيون وعلشان انـ....
احمد رفع حواجبه وهو يبهرر: يتوسعين عيون؟؟؟؟؟؟ يابنت الناس فين عادش تشتي تسيري عيونش بدون عدسات ساع عيون الفضائيين خولف لاما تلبسي عدسات
ساره صغرت عيونها ونزلت راسها بأحراج لما نست نفسها وقالت: قدك فدا لي قدني احسن منك
احمد كبح ابتسامته وقال وهو يمثل الحده: ايش قلتي؟؟؟
ساره غمضت بقوه وهي تلعن نفسها بداخلها: ولا شي خلاص وانا اسفه طحست مني والله
احمد سحب المقرمه عنها وهو ييرفع حواجبه وببتسامه: وب وب وب قمر قمر تصدقي اول مره اراش هكذا.. وعقد حواجبه بغيره لما ارى فستانها اللي كان احمر طويل وماسك من عند الصدر واكتافه نازله: ومن سمح لش تلبسي هاكذا؟؟؟ليه اللبس عاري هاكذا؟؟؟
ساره بهررت بخوف وهي تسحب المقرمه وترجع تلبسها وبقهر لما ذكرت شذى: قدك شابع شحوره لاشذاخ وبعدين على الاقل لبسي مستور احسن منـ...
قاطعها احمد شحر ليها ببرود: شذى اختي من الرضاعه ياساره
ساره شحرت للباب وبعدم اهتمام: محد سألك محد متهم
احمد تنهد: مأهمش؟؟.. وبروقان لما حسها بتغار:اصلا ماشي فيها حاجه لو غرتي عليا انا زوجش!!
ساره نقزت بخوف لما سمعت صوت وليد اللي صرخ بعصبيه: احمد فينو هاذا الرجال فين اختفى؟.؟؟؟؟
ساره بزت تلفونها والكيس بيد واليد الثانيه عليها الورد وبقلق: افتح الباب قبل مايعرفو اني هانا
احمد ببرود: وايش يعني.. وبجنون: واااي عني انتي مرتي يعني حلالي يعني عادي لو جلسنا لوحدنا وبعدين احنا بنهدر مابنسوي شي
ساره توجهت للباب بتجاهل: هيا افتح حلا مسنبه لي خارج
احمد تأفف وهو يفتح الباب وخرج وهو يتلفت اذا احد وأشر لساره تخرج قبل مأحد يجي وخرجت ساره بستعجال وتوجهت للباب الخلفي حق البيت وقبل ماتدخل لفت على صوت احمد اللي مد لها علبة الشوكولاته ببتسامه: نسيتيها
ساره ابتسمت ورفعت اكتافها: اصبر بأدخل حاجات وضحى وارجع اشلها ودخلت ورجعت وهي تشل العلبه ببتسامه: شكرا يأحمد
احمد رفع حواجبه: بس؟؟
ساره برطمت لما فهمته: ايوه بس يله سير
احمد مسك راسها: العفو ماشي من قدرش لاكن اقبليها.. واحتدت نظرته: لأزيد اراش لابسه هكذا عند النسوان
ساره لفت بددخل ورجعت شحرت لأحمد اللب اشر بيده على اذنه: نتواصل
ساره هزت راسها ودخلت ببتسامه
احمد تنهد وهو اللي استسلم لحبها من زمان ومن ذلحين بدأ يعبر عنه ويترك الجمود!! رفع يده لوليد اللي قال بقهر: فين سرت
احمد رفع يده لوجهه وهو يضغط على جبهته بنزعاج ووليد يتكلم بعصبيه،نزل يده احمد وتجمد لما شم ريحة عطر اول مره يشمها عجبته لدرجة انه ماعاد نزل يده من نخرته وهو ماشي بعد وليد راجعين لبيت ابو معاذ
.
.