رواية من بين كل البنات اخترتش انتي

23

احمد وهو اللي يشتي يكمل السجاره ومسح على ظهر ياسر بحنان: ادخل ادخل يأبوي هيذا شألحقك وقول لريم تلبسك البجامه وتدفيك لااتبرد!
ياسر واللي حرفيا حس بالبرد قام ودخل داخل
اما احمد شعل الشقاره وهو ينفخها وعلى اخر نفخه اندق باب البيت احمد قام وداس على السجاره وهو يتوجه للباب وفتحه وبهرر بصدمه من اللي اراه!!!!!!!!!!!!
احمد عجز عن الحركه من صدمته قال برجفه وبهمس: قـ...  قيس؟
قيس ضحك وهو يفتح ايداته ويتقدم من احمد اللي حضنه وقال بغصة فرح: الحمدلله على السلامة ياحيد اخوك!
قيس ربت على اكتاف احمد ببتسامه: هيا ايش شاتخلينا في الباب
احمد ابتعد عنه وهو يمسح دموعه اللي بطرف عينه: لا لا ادخل اهلا وسهلا.. وشحر للمره اللي كانت موقفه وراء قيس وبجنبها بنت يغطي وجهها البرقع بيجي بعمرها تقريباً(15 سنه) وبحضنها بنت تجي بعمر6سنوات ، احمد ماعرف البنات لاكنه عرف ان المره مرت اخوه!: الحمدلله على سلامتكم يختي حيابكم
ام علي(زهور زوجة قيس): الله يسلمك يأحمد
دخل احمد الحوش ودخلو وراه قيس واهله
احمد قال بستغراب: قيس فين بناتك؟ فين غلا وحلا(توأمين)
قيس مسك البنت الملثمه ببتسامه: هاذي حلا!.. وشحر لاحلا ببتسامه: سلمي على عمش ياحلا
حلا تقدمت من احمد بحرج
احمد فتح ايداته لها وهو يحضنها بفرح: ياحيا ياحيا.. وبصدمه ضاحكه: ماشاءالله كبرتي.. وبستغراب وهو عاده حاضن حلا: وغلا فيني؟
قيس شحر لازهور ورجع شحر لأحمد بحزن ومانطق بحرف
احمد بخوف: اشبكم؟ فين غلا.. وشحر لاالبنت اللي يحضن زهور: والسكره هاذي مني؟
قيس ابتسم بغصه وهو يحملها عن امها: هاذي قمر بنتي
احمد تقدم من قيس وهو يضحك بفرح ويرحب فيها وهو ياخذ قمر من حضنه ويطيرها للجو وهي تضحك برعب
فتح ياسر باب البيت وخرج وهو يضحك وهو شاحر للصاله: ياباباه اليك عمه ريم تشتـ.... سكت لما شحر لا قدامه وارى احمد اللي حاضن قمر وشاحر ليه ببتسامه شحر للكل ورجع شحر لأحمد بحده: مني هاذي ياباباه؟
احمد ببتسامه وهو يرفع حواجبه: هاذي بنتي
ياسر تقدم من احمد بغيره وهو يسحب رجل قمر اللي شدت على احمد بخوف: نزلها ياباباه ولا شقتلت انت وهي
قيس نزل لامستواه وشحر ليه بحنيه: احمد هاذا ياسر؟
احمد هز راسه بأيوه وهو يشوف قيس اللي رفع ياسر بالجو وهو يضحك على ياسر اللي يصرخ بعصبيه: نزلني باباه خليه ينزلني
قيس نزله ببتسامه
ياسر شحر لأحمد بضيق: خلاص لاعاد تحاكيني طيبك!(زي انا زعلان منك او مخاصمك)
خرجت ام فيصل لما خافت ان ياسر يمرض وهو اللي بيتعطوس من اول قالت وهي تنحني وتبز سياره ياسر(لعبه) وتنادي بحنيه: ياسر تعال يامي ادخل داخل لاتبرد! تعال.. وبهررت لما ارت الرجال اللي قدامها اللي كان يكسي لحيته سوداء وزارت شيبه بلحيته! فقدت توازنها وركضو لها احمد وقيس بعد مانزل احمد قمر
قيس مسكها وهو يساندها وببتسامه: ايوه يامه رجعت وماعاد باسرش أبداً 
ام فيصل حضنت قيس وهي تحسه يقبل راسها وبدموع: فجعتني عليك يأمي
قيس شد عليها وهو يبكي بصمت
احمد دخل للبيت وببتسامه: ابه اخرج ارى معك ضيف
ابو فيصل وقف وهو معقد حواجبه: من؟
احمد رفع اكتافه بعدم معرفه!
الجد وقف بستغراب: ماتعرفه
دخل قيس وهو ماسك يد امه وببتسامه: السلام عليكم!
الكل انصدم وعجزو عن الكلام والحركه لاكنه صحاهم صوت الجده اللي قالت بهرم: ياحيا الله من جاء قيييس عادك عايش ياحمار الحمدلله ذي ذكرت ان معك اهل!
ابو فيصل تقدم من قيس اللي قبل راس ابوه وجلس على ركبه بنية يقبل رجول ابو الا ان ابو فيصل مسكه وهو يوقفه ويحضنه
ام فارس احجر(زغرطت) بفرح وهي تشوفهم يسلمو عليه
ومن محاجر ام فارس نزلين ريم وزينب بستغراب واول مأرين قيس ركضين باجاهه بفرح