رواية من بين كل البنات اخترتش انتي

8

                           «البارت الثامن»

الكاتبه"هاجس "

ريم شحرت لازينب ببتسامة: هيا ما انا قلت
ام فيصل ابتسمت لاحمد: وهاذا اللي نشتيه انك تنساها
احمد ابتسم
زينب وهي توجه كلامها لريم: لا تخلي السحاوق حر لجل جدتي
ريم: باسوي اثنين  واحد حر والثاني لا
خالد اللي ينادي وهو بالدرج: ياريم احد عندش
ريم بضحك: لا
احمد بصدمه: واحنا ايش احنا
دخل خالد بضحك: انتو الحلا كله
احمد ضحك لما عرف ان خالد بيدور حماس عندهم
خالد اللي غرفته فيها اثنين سراير عشان اذا فارس موجود ينام عنده وطبعاً ياسر مارضي يرقد الا عند فارس وبعد مارقد اخذه خالد لاعند احمد: وينو ياسر مارقد امس الا وقد طلع لفارس قرون جلس يهدر
ام فيصل: يوووه مسكين فارس
خالد بضحك: والله مامسكين الا انا
زينب  ماحست على نفسها: وانت يأحمد ليش مارقدته عندك
ضحك خالد وريم بقوة
احمد وهو يحاول مايضحكش: هيا ايش معنا
زينب ساكته وشويه وتذوب في ثيابها
.

.

.
صبت الشاهي ومدته لابوها
ابو معاذ: هيا ايش رايش ياساره صليتي
ساره وهي منحرجه: رأيي من رأيك يابه
ابو معاذ ببتسامه: يعني موافقه
ام معاذ بضحك: لا عاد تحرجها ايوه موافقه
ساره شويه وتذوب
معاذ بضحك: اااايييييااااا ياساره
وليد وهو يصفق: اااااااييياااااا وتزوجت ساره قبل معاذ
ساره خلاص من الاحراج قد بتدمع
ابو معاذ وهو يحاول يخفي ضحكته ويخلي صوته حاد:اصه اص انت وهو خلاص سكته
.

.
رواية: من بين كل البنات اخترتش انتي

الكاتبه"هاجس "

.

.
والكل عرف ان ساره وافقت وكان اليوم عصر التموم (االتموم يعني يجوالرجال يطلبو البنت ويحددو المهر وذي الاشياء) وحددو فيه ان العقد بعد اسبوع والزواج ماحددوه
.

.

.
في المجلس عند الجد
دخل فارس وببتسامه: حيا بجدي وجدتي
الجد والجده ببتسامه: احياك
فارس بعد ماسلم عليهم جلس جنب الجد: حيا بالعجيز حقنا
الجد بضحك: جدتك العجوز ما أنا عاد انا شباب
الجده بهدوء: ايوه عادك بترضع المصاصه 
فارس ضحك بقوة: وووووه ياجد زادت عليك رد عليها لا تسكت لها لا تخليها تقصوفك
الجد سحب اذن فارس بخفه..وقال وهو مبتسم: من اول واحنا هاجعين وذلحين انت باتجي تعلق الدنيا
فارس ضحك: خلاص خلاص فك اذني
الجد فكه: هيا ايش قدك تشتي
فارس: احــــم اشتي اطلب منك طلب
الجد: اطلب
فارس اخذ نفس عميق وشحر لا الجد
الجد بضحك: وب باين ان الطلب عسر قوي
فارس تكلم بسرعه: اشتيك تقنع خالي على شان نقدم العرس
الجد بهدوء: هاذا طلبك
فارس بضباح عقدحواجبه: والله ياجد لوما تزوجوني بعد شهرين اني لاشل زينب وهرب
الجد ضحك بقوة: ولا يهمك الا اكلمه وقنعه
فارس بصدمه: صدق
الجد بمزح: باغير رأيي
فارس: لا لا خلاص
الجده بستغراب: ويني امك وحماس
فارس: سارين بيت خالي خالد
الجده هزت راسها
فارس شحر لاجده: اي حين باتكلمه
الجد: لاما اكلمه باقول لك
.