ساره بجمود: شأحاكيك بعدا انا مشغوله
طوط طوط "غلقت ساره"
احمد جلس بغضب ورجع يتصلها وهي وهي ترجعه مشغول نزل التلفون وسجل لها صوتي قال بحده: طييييب تغلقي في وجهي انا بارويش ياكريهه
ام فصيل بستغراب: مني ههاذي؟
احمد رجع مدد وهو متجاهل سؤال امه
والغضب ساكنه وكل ماتشنج توجعه العمليه مقهور ومستغرب ايش اللي قلبها فجأة؟؟!
رن تلفونه ورجعه مشغول بدون مايرى المتصل وتأفف بملل لما رجع يتصل ورد بدون نفس: الو؟
رائد بستعجال وبدون اي مقدمات!: احمد فين انت تعال لابيتي ضروري
احمد وقف بخوف: اشبه؟
رائد بستعجال: تعال بسرعه
احمد وقف بخوف وهو يمشي متجاهل نداء امه له: اشبه ياسر فيه حاجه؟؟
رائد بصراخ: لا تعال وانت شاتعرف بسرعه
احمد غلق تلفونه وهو يركض للسياره بخوف ركب سيارته وفحط متجه لابيت رائد
.
.
.
.
.
.
.
.
.
.
كان قلبها ينبض بسرعه وخوف فجعها صوته وكلامه! يهددها واكيد شاينفذ تهديده لو وقع اللي وقع!
وليد وهو عاده قام من النوم: ساره فين امي
ساره مفسره ماتسمعه
وليد صرخ بملل: ساره فين امي؟؟؟
ساره نقزت: اشبك فجعتني! يامضول
جلس قدامها وقال وهو يقلدها بسخريه: اننننن ننن قومي ادي لي عشاء
ساره هزت اكتافها بعناد: قول بحترام وانا شأقوم
وليد بقهر: والله لأدعي امي! قومي
ساره تأففت ووقفت متوجهه للمطبخ وهي تلعن تحت انفاسها: مايجلس في البيت الا يقرط ولا يخلي شي!
وليد بضحك: اصه لاتكثري هدار ومتشعي
ساره خرجت بخوف: وليييد!
وليد شحر ليها وماتكلم
ساره عقدت حواجبها بتوتر: لأحد جاء دورني قله محد انا
وليد بسخرية: من ذي شايجي يدورش ذلحين؟!! اصه انا لي منعش سيري امتشعي!
ساره رجعت للمطبخ وهي معقده حواجبها
ام معاذ نزلت من الدرج وبتعب: يووو يأرجيلي على قد وجع بيوجعيني
وليد بضحك: يووو قدش عجوز يامه شانزوج ابي الثانيه
ام معاذ جلست قدامه بحده: تمسى!
وليد فرقع اصابعه بروقان: ومن قدك ياخالد رحمه بتغير عليك
ام معاذ بقهر: اصه قوم انقلع ولا اسكت
وليد بروقان: رحمه خليش ساع اسمش رحمه!
ام معاذ مسكت راسها وهي يأسه من ان وليد يجلس بدون مايتحاكا
.
.
.
.
.
.
.
.
.
.
وعند احمد وصل بيت رائد ونزل وهو يدق الباب بأقوى ماعنده وماهي الا ثواني وفتح رائد الباب: تعال ياحمد
احمد دخل بعد رائد اللي اخذ طريق للجبى واحمد يمشي وراه بستغراب وخوف
رائد كان يمشي في الدرج وهو يتحاكى بتوتر: جيت وقالو لي اهلي ان ياسر غلق على نفسه والجبى وقال ياتتصلو لاحمد يأندرب من الجبى
احمد بصوت شبه مرفوع:فينو ذلحين
رائد واصل المشي بستعجال دون مايتكلم واول ماوصل لاباب الجبى قال بحنان:ياسر خالو افتح بتسمعني
ياسر من كثر البكا قد بيشهق: فيـ.. ـن ابيييي
احمد هز باب الجبى بستعجال: ياسر افتح الباب هيذا انا يابوي افتح
ياسر اول ماسمع صوت احمد فتح الباب ورتمى بحضن احمد اللي حاوطه براحه وماركز على جبهته
احمد كان يمسح على راس ياسر اللي حضنه ولا عاد رضي يفكه
احمد وهو يحاول يكتم غضبه: شل لي طريق اشتي اخرج
رائد بحرج: سامحني قد فجعتك ياحمد
ياسر وهو يشهق: مشتينـ... ـي اجـ.. ـلس ها.. نا روحني مـ.. ـعك
احمد رفع راس ياسر غضبن عن ياسر ورفع حواجبه اول ماشاف الرزعه اللي بوسط جبهة ياسر: من ذي ضربك؟؟ ايش وقع؟
رائد شحر لاياسر بقلق ورجع شحر لا أحمد اللي شاحر ليه ورافع حاجبه الايسر: جيت على ما المره بتقولي انه في الجبى مانا داري ايش به.. وشحر لاياسر: ولو كان متضارب مع العيال وهم اللي رزعوه والله لأخرج عيونهم
احمد هز راسه بالنفي: ولا تخرج عيونهم ولا شي الجهال هم هاكذا
رائد وقف بهدوء: تعال ننزل المجلس
احمد وقف وبحضنه ياسر: ماعد شي داعي كثر خيرك شل لي طريق اشتي اخرج
رائد: حرام وطلاق ماتخرج الا وقد جلست حتى شويه
احمد تنهّد وهو يمشي بعد رائد اللي نزل متوجه بأحمد للمجلس
ودخلو المجلس وجلس احمد وهو يمسح على ظهر ياسر اللي يشهق وشاد على فنيلية احمد
رائد: شأجي ذلحين.. وخرج
احمد رفع راس ياسر وهو يمسح دموع ياسر بأصابعه: خلاص ياقلبي انت بس احنا ايش قلنا الرجال ماتبكيش!
ياسر وهو يحاول يوقف البكا بدون فايده: جبهتي بتوجعني
احمد شحر لارائد اللي دخل وجلس قدام احمد ورجع شحر لاياسر: ايش وقع ليه تضاربتو؟
ياسر بدموع وهو يشهق: خاله تعز ضربتني اهئ وقالت ان.. ويشهق: ان اهئـــــئ
احمد ماسك اعصابه وهو ينتظر ياسر يكمل!
ياسر ببكا: وقالت ان منتاشي ابي وان انت اللي قتلت ابي وأمي
احمد بهرر وهو يوقف بعصبيه: لاهانا وبس يارائد احنا ادينا الوليد يوم طلبتوه وقلنا حق جدته تراه مايوقعش نحرمها من ولد بنتها لاكن ان احنا نديه وهاذي اللي مدري مني تمد يدها عليه وتعبي راسه كلام مدري منين ادته؟.. واشر له بيده اللي ترتجف من العصبيه: وذلحين بدون مشاكل هات ثياب ولدي وشل لي طريق اخرج
وقف رائد ومن العصبيه قد شايغمر(يفقد وعيه) وبحرج: وقسم لك بالله يأحمد اني مانا داري بهاذا الكلام الا ذلحين من ياسر وانا محكمك براس عيالي
احمد ببرود: ياخي انا ماهمني ايش قالت واخي لو يرجع الزمن لأفديه بروحي واسافر بداله لاكن هاذا المقدر والمكتوب ومالنا اعتراض على المقدر!.. وتأفف بضيق: شل لي طريق الله يرحم لي ابوك
رائد بصوت مرفوع وهو من خجله ماعد درى ايش يقول: يامره هاتي شنطة ياسر
احمد مسك يد ياسر لما مدها ياسر وهو يمسح على راسه
بهرر رائد بعصبيه لما وصلهم صراخ تعز: اسمع ياولد المنصوري هاذا ولدكم عندك شله ولا عاد ترده، كيف عايش وبسببك ماتت اختي وام اللي بتسميه ولدك يـ......
قاطعها رائد بصراخ وهو يخرج لاعندها ودهف يسرى اللي كانت بحضنها وسحبها من ذراعها لاغرفتها: سكتاااااااااااه شوقي انش بدالها
ام رائد لحقته والخوف بعيونها: رائد لاتصدق الشيطان فكها يارائد
رائد دخل غرفة تعز وهو يسحب تعز وراه ورماها على الارض بغضب وتوجه للباب وهو يغلقه متجاهل ندائات امه!
.
.
مريم اخذت سامر ويسرى وهي تحضنهم بعد ماناولت تامر شنطة ياسر ودخلت هي وسامر ويسرى لاغرفة الجلوس
تامر توجه للمجلس وقال وهو يمسك باب المجلس: هيذا شنطتك ياياسر
احمد وقف وهو يشل ياسر وياسر حضنه وهو يخبي وجهه برقبة احمد
احمد ابتسم لتامر بهدوء وهو يشل الشنطه حق الملابس واللي كانت فوقها حق المدرسه: شكرا يابطل
تامر ابتسم وشحر لاياسر بحزن: ياسر ايحين شاترجع عندنا؟
ياسر رفع راسه وهو يشهق وبقناعه : معاد...
باجـ.. ـيش
احمد لف متجه لاخارج البيت وهو يسمع صراخ رائد وهو يشتم ويلعن، تجاهل وواصل طريقه للسياره وركب بعد ماركب ياسر بجنبه غلق الباب وشحر لاياسر ببتسامه يخفي خلفها الف الأهه والف غبنه: نروح عند جدو؟
ياسر هز راسه: شأرقد عندك في الغرفتك
احمد هز راسه: ارقد فين ماتشتي.. وبغمزه: بس هاه انتبه تزبطني
ياسر ضحك وعقد حواجبه بألم لما حس بوجع الضربه اللي بجبهته
احمد بتفحص وهو يحرك وجه ياسر يمين وشمال: خلنا نسوي لفه نسير المستشفى وندور او شي فيك حاجه
ياسر اول ماتخيل الابر بهرر بخوف: لا لا والله مأسير
احمد كان شايف ان الوضع مايحتاج مستشفى فخلا ياسر براحته وشغل السياره وحركها متجه للبيت
أنت تقرأ
رواية من بين كل البنات اخترتش انتي
Romantikاللهجه بيضانيه (رداعيه) وفي بعض الابطال من صنعاء فبتكون اللهجه بين الصنعاني والرداعي . ان شاء الله تنال اعجابكم . الابطال ماهم اثنين بس لا في اكثر من بطل . وبس ونطو بارت التعريف...
