فمدينة الدار البيضاء،فوسط حي شعبي لي معروف بأجواءو المشتعلة بالضجيج والناس غاديين جايين والرواج....بالمختصر....حي شعبي بامتياز
بنت فمقتبل العمر،أو نقولو مراهقة,متوسطة الطول ولاطاي ديالها مقادة لي شافها يقول مرسومة سبحان الخالق,بالرغم من الضعف ديالها إلا أنها فاتنة, كايقولو على هاد الفئة✨العود الفرنسي✨عينيها كباار ولونهم قهوي وشفارها كثاف,حجبانها مقادين وعراض, شفاهها منتفخة شوية جاية مع وجهها لي دائري و لونو خمري وعندها الحنيكات.لابسة بيجامة صيفية بسروال ورافعة شعرها الأسود الكثيف بمقبط.
واقفة هي و شخص وبالضبط فراس الدرب مع جوايه صلاة العشاء حدا با محمد مول البوبوش
نجمة:الله على ريح شحال زوين كنت محتاجة هاد الخرجة واخا غا راس الدرب هههه
عادل غمزها: إيوا هانتي ها أنا خرجتك شكون بحالك
عادل شاب يالاه دخل العشرينات من عمرو
طويل, طاي ديالو رشيقة وكاتحس بيه خفيف من شوفتو,حروفو حرشة وعيونو و شعرو فاللون الأسود الدامس🖤لحية خفيفة كاتبان جذابة على الوجه ديالو لي كان اسمر فاتن.
با محمد:هاكي انجمة بنتي خودي راه غايبرد
نجمة(مسحات يديها بحماس): الرضى يا با الرضى
عادل: أنا شفتك نسيتيني أباا
با محمد: لا أولدي هاهي زلافتك ݣلسو وكولو
كلاو وخلصوه وناضو راجعين بحالهم والضحكات ديالهم متعالية . بطبيعة الحال عرفنا طبيعة العلاقة ديال هاد جوج عصافير لي يالاه باديين فالدنيا.كل واحد عندو أحلامو ولكن متشاركين فهدف واحد...✨أوروبا🇪🇸✨
قربات توصل نجمة لدارهم قدامهم درب ويوصلو ليها.أما عادل مزال ليه شي جوج أو تلاتة ديال الدروبا.يالاه هوما غايوصلو الضو تقطع فالحومة كاملة.
نجمة:أويلي عاوتاااني,واعيقو علينا هادو
ماجات فين تكمل هدرتها حتى لقات ضهرها ملسق معا الحيط و هو قريب ليها وجهو عند وجهها,عرفاتها بصوت التنفس ديالو لي كان مسموع وكايضرب فوجهها.بتاسمات
عادل: نيت مزياانة أصلا كانسالك شي حاجة ولا نسيتي؟
نجمة دارت يديها مور عنقو: هههه لا مانسيييتش عارفاك ماتزݣلنيش (وقربات لعند ودنو وهمسات همس خافت) تانا مانزݣلكش أ زيين
عادل شدها بيديه بزوج من خصرها و دخلو فقبلة لمدة ثواني,حتى حبساتو نجمة وبعدات : أهيا هاهو غايشعل الضو صافي خلينا نمشيو مازال العام طوييل
عادل: مازال مايشعل الضو غا خليك
نجمة: تا لا راه خصني نمشي
يالاه قالت الحرف الأخير وهو يرجع الضو
نجمة: هههه شتي ياك قلتهاليك,يالااه تشاو هانا مشيت
تمشات خطوات قلال
عادل بقا واقف مربع يديه وكايشوف فيها هاز حاجبو بمعنى واش ما نسيتي والو؟!
نجمة دارت شافت فيه وحلات عينيها بحاليلا تفكرات شي حاجة وبتاسمات ابتسامة صفرا عرفات راسها شدارت هههه ورجعات عندو وهي كاتقول: والله حتى غا نسيت ههه (مع نفس الابتسامة)
قربات لعند ودنيه وقالت: كانبغييييك
عادل بابتسامة وعينين لامعين وعلاش لي ماببتاسمش ومايلمعوش عينيه وهو كيسمع هاد الكلمة من أحب إنسان لقلبو,بنت قلبو, قرب عندها حتى هو وهمس ليها: وأنا كتر أبنت قلبي
وعلاش لي مايبغيوش بعضياتهم بجنون و هوس و هوما حلو عينيهم على بعضياتهم
حبهم كان من الطفولة وترعرع وكبر فوسط كل واحد منهم،الحلم ديالهم يكملو حياتهم مع بعضياتهم وتوافيهم المنية حدا بعضياتهم.
ولكن...
للقدر رأي آخر.🖤
