الكسر والعوض (الحاقدين)

البارت لـ 13

السلام عليكم

نحنُ لا نُعوَّض، ولا نُستبدل، ولا نُقارن .
—————————†———

حره - من اجى يعقوب  تقريباً بـ اسبوع اجانه مصطفى وحدى كال لـ يوسف اريد اخطبها وهلمرة اجيت وحدي كلت الـ يوسف اريد احجي ويا وكفت ورا الباب اول شيء سلمت انوب حجيت.

حره - اول شيء السلام عليكم ثاني شيء انتَ الله شاهد مثل يوسف وحمزه وحسين وروح ابوي مايوم كلت راح يصير شيء وانتَ ماجاي تفهم الي اريده منك انه ماافيدك ولاعمري راح اكون الي اتمنى منك تنسى شيء اسمه حره بحياتك وانه لو ادري بيك تحبني جان من زمان فهمتك الموضوع انتَ انسان فاهم وواعي والحمدلله قريباً دكتور عيش حياتك كل يوم بيومه خليكَ ودود لاتجدي حب من هذا وذاك وانه مو اول وحده ولااخر وحده بـ الدنيا فـ ياخويه يا مصطفى اعذرني اذا بيوم كتلك شيء خلاك تحبني او سويت تصرف خلاك تفهم انه راح اتزوجك اسفه ومستعده اضل اعتذر منك لـ باچر بس انسى صدك الي يحب من طرف واحد مايتهنى بعمره .

تعبت من الحجي ويا ترخصت شربت ماي يريد توا يريد يطلع من الصاله اجت عيني بعينه سويتله بيدي اسفه باجر تلكه الاحسن مني والله راح يعوضك ماكدر احمل ذنبك مامجبورة اوافق عليك لان انتَ اتحبني وانه شنو اذا ماحبينه من الطرفين مراح نكدر لانعيش صح ولانفرح مثل الناس والله شاهد وروح امي وابوي مااعده غير اخوي والحسين شلون هيج فكر مادري انه بالاول عبالي من يباوعلي كلت حتى لو يريد يخطبني من ارفضه يقتنع وينسى مادري مطور الموضوع هيج ...

مرتَ الايام توني طلعت من الخياطه جان انطخ بواحد وجعتني ايدي انداريت علي
- اي اعمى خوما اعمى

الولد - ازعجناك ياحلو ههه

يطوطح ويتمضحك اكيد بي شيء او يمكن يشرب صفنت علي
- روح ماما روح عدل نفسك انوب تعال احجي وياي

عفته مشيت عنه خطوتين رجع كض ايدي تصرف المتحرشين اشكد اكرها جريت ايدي منا اكو جان جم واحد بلمنطقه زلم كبار اجو علي جريته من ياخته بعتبار هو سكران مبين من شكلى فـ دنك ع نعالي محشومات ههه

- هو هذا مكانك تندله مبين خطيه عيني ودو لـ امه

عفته بلكاع ومشيت سمعت صوت عياط كلش قوي من بيتنا ياعلي عفت يوسف وسما بلبيت شكو شصاير طكيتها ركضه من الهبطه اركض واكول دخيلك ياعلي دخيلك فتحت الباب بساع طبيت شفت سما كاضه بتها وكاعده بلكاع ويوسف واكف واكو جم رجال واكف ماركزت عليهم

- يوسف هاي شكوو تعيطون اكو شيء

سما - هذول عمامج المحترمين من تالي وكت جايين علينه ولا مو اي جيه يريدون يزوجوني لبنهم وفوكها يهدون اذا مااقبل ينهون علينه انه وياج

- شننييي
واحد من الواكفين حجى

الرجال - خل نحجي ترا مو وليه هيِ انه عمج الوسطاني امج الله يرحمها من اخذتجن انه ردتجن تجن يمي بس هيِ ماقبلت من توفت جدج محمود رحت علي كتله اريد البنات هم ماقبل ومن توفه رجعتن يم ابوجن بويه انتن بنات حديثات ماتسوه تكعدن بيت وحدجن حتى لو يوسف وياجن رجال يطلع ويشتغل وانتِ يكلولون تشتغلين وهاي البت تدرس كلت ازوجن ولدي واسترجن بـ بيت واحد