الكسر والعوض (الحاقدين)

البارت لـ 23

السلام عليكم

بلازحمه لاتنسون التعليق بين الفقرات
................
الحَجو ولما حَجو كُلهم هَوا بغربيل .
————————————

زينب -
وهكذا تمر الايام بين مصطفى ومرته وعركاتهم واحنى الصابرين والنا الله وعلي ..

مرت فتره ماكو شيء جديد عايشين الحمدلله بغض النضر عن المشاكل الي صارت اول مافاتت بينا اخت منير .

مانطي نفسي افكر بشيء لان ادري بس اصفن اذكر احمد وانه كوة مصبرة نفسي اسكت ماريد انطي هل كم الهائل من الاهتمام خل يولي .

كالعاده نفس الروتين اكعد اسوي ريوك يكعد مصطفى وابوي واختي وامي يتريكون وهيه للضهر يله تكعد كمت اضوج من هيج تصرفات خلصنه ريوك غسلنه الماعين ونضفنا وسوينا غدا اجت اتغدت وراحت كالعاده .

بيوم كعدت ع صوت تلفوني يدك اباوع رقم غريب مستغربه منو دك علي الساعه بـ 12 بليل رديت
- الوو - الووو
محد يرد سديته وحضرته حتى بعد مايدك رجعت نمت كعدت الصبح استغربت لكيتها كاعده وتسوي ريوك خير نشالله ضليت اباوع عليها
- دامج هيج شاطرة يوميه اشتغلي

ضحكت وباوعت علي ماردت سوت وتريكنا وخلصنه كالت
- بالحرام اليوم الشغل علي محد يشتغل

هه تصرفها المافجئ يجيب الشك ماكلت شيء رحت سويت النضيده رتبتها وكنست غرفتي طلعت سويت عصير ليمون وكعدت ع التلفزيون وهاي تشتغل وحاطه سماعات باذنها .

ضلت يومين ماتخلي احد يمد ايده ع شغله وامي مكيفه بيها بس انه مامرتحتلها بيوم طلعت برا واسمع حره تصيحلي طبيت اركض جبت عباتي لكيتها ماهي كبال الباب طلعت شويه شفتها وصحتلها اجت وضلينا نسولف شويه اجت مرت مصطفى مثل البومه راحت حره لان ادري بيها تسولف لـ امي وتضل امي تصيح مالي خلك ردت اطب للبيت كضت ايدي

*- مني هاي الواكفه وياها؟

زينب - وانتِ شعليج مالج غرض خليج بنفسج

*- ليش عيني ماتقبلين واحد يحجي ع البر**

زينب - تسوه راسج هاي 

نترت ايدها حيل ضربتها بالحايط ومشيت ذبيت عباتي وكملت شغلي مافكرت بيها ابد صاحتني امي رحت وجان اشوفها واكفه يمها وعود زعلانه يعني كالت لـ امي
- ها يمه

امي - وجعا مو عيب هيج تحجين وي مرت اخوج وضاربتها بأيدها . كامت تريد تضربني صارت كدامها مرت مصطفى عود ادافعلي هه

*- عوفيها عمه مااريد تصير مشاكل من وراي ويكرهوني

زينب - هو انتِ ام المشاكل شحاجيه انه وياج مو انتِ وكفتي تغلطين

*- انه ماغلط عليج ع هاي الواكفه وياها الماتستحي تكتل الميت وتمشي بجنازته

زينب - اي مثلج غير