الكسر والعوض (الحاقدين)

البارت لـ 17

السلام عليكم

‏﴿قُلْ عَسَى أَن يَكُونَ قَرِيبًا﴾ .
———————†——

حره - من بعد ماعرفت عمامي الي مسوين هيج بأختي بنفسي اجرم بهيم بس الاسف رحت ومالحكت كالولي شرد والقهرني اكثر طلع مزوج وعنده بنات بس صدك الي استحو ماتو ..

وزينب اجتني والي شجعني هو وكفتها وياي هيِ اقرب وحده الي ابد ماكو يوم احتاجيتها ومالكيتها جنت خايفه ع اختي منهم هذوله صدك مايخافون ربهم ابد حسبي الله ونعم الوكيل ...

اجانه للبيت وصوبته وهو هم ضربني بمتني وجان ممكن تنشل بس الله التفتلي اجانه حمزه وكال اتكرم ( معوق) بعد رجلي مايكدر يمشي عليهن فرحت وصرت اهلهل الوادم عبالهم انه جايبه وهيج اهلهل هه ..

الحمدلله صرت احسن بس همين توجعني مااطيب بيوم وليله لا بس الحمدلله من بعد ماصوبته بعد ابد ماشفته فـ رجعنا لبيت اول يوم بخير مرن ٣ايام بدون اي شيء صحتي تتحسن شويه شويه ..

رابع يوم كعدوني الصبح كالولي منير مشتكي عليج (الي مايعرف منير منو هو ابن عمها)  شوف الصلف المايستحي شيسوي عباله اخضع الـ أمره المهم رحت للمركز اول ماطبيت شفته كاعد ع العربانه ابتسمت هاي احد انجازاتي خليته صار هيج راح وياي ابوحسين وحمزه ويوسف بس حسين كال الحكم وهمين خابرو ابو عتاب بعتبار السلاح بأسمه ..

طب ابو عتاب بكامل انأقته ادري واين جاي لخاطر ربك هما جانو كاعدين بعيد شويه صاح النه الضابط بأسمي هزيت راسي ورحت كعدت وهو اجى كعد حجى الضابط

الضابط - حره عباس انتِ اجيتي بنائاً ع شكوى والمشتكي ابن عمج الح مو أمر غريب وهمين كال ضاربته طلقتين بسلاح اصلاً مو بأسمج ويمكن بايكته (سارقته) فـ احجي حتى لا اني اتعب ولا انتِ

حره - اي نعم انه ضربته .  باوعتله بنضره تحدي تريد اكلهم ليش ضربتك

ابو عتاب - بس اسمحولي احجي وي منير اشويه بس ٥ دقايق

الضابط - ٥ دقايق لا اكثر

اخذه من يمنه باوعت لـ حمزه هو همين هز راسه كلشي مامفتهم ضليت كاعده بمكاني صدك ماطولو ٥دقايق ورجعو كأنو حاجين شيء خطير لهل الدرجه مأثر علي لون وجهه اصفر رجع كعد وحجى بخوف

منير - سيدي انه طلعت مفتهم الموضوع غلط وانه همين ماقصرت غلطت وياهم هواي

الضابط - لا بله شوكت ماتريد تشتكي شوكت ماتريد تتراجع الضاهر وراك سالفه

منير - والله جنت غلطان ماعبالي توصل لهنانه وهسه فهمت الموضوع بت عمي اعذريني

ضل يقنع بالضابط ماكو شيء كلها تفاجئت وتباوع لـ ابو عتاب انوب الضابط سئل ابو عتاب خاف مهدده بشيء كال كلشي ماكو انه من الناس كلشي ماافتهت شيء ليش بهل السرعه غير رئيا طلع كدامي رحت يمه
وحجيت
- خطيه يخاف بساع غير توني اجيت يا منير