الكسر والعوض (الحاقدين)

البارت لـ 14

السلام عليكم

و لانك تكتم الكلام سيتراكم حبره تحت عيناك .
————————————†————

حره - احس نفسي كلشي مامستوعبه اريد اعقل الي جاي يصير فلم هندي فعلاً عمام وزواج ومدري شني كعدت وحدي بلغرفه صليت كعدت ع السجاده وادعي ربي يقويني ع هيج ناس ...

يعني والله اكعد اصفن انه منين تجيني هيج ناس لهل الدرجه عندي صبر اتحمل من صغري لاخال لاعم هسه ذكروني منين ماميل اغرف الله شاهد تخلص من سعاد انوب تجيك عمام ويجوز ورا مايخلصون لـ عمام يجون الخوال شنيييي هاي حياتي مابيها شيء ينذكر وحلو ابد منين ماادير وجهي الكه سالفه ...

واكيد يوسف هذول عمامه مايكدر يرفع صوته بوجهم اما انه فلا اعرفهم ولايعرفوني ..

كعدت سما تريد تروح لمدرسه هيِ حالياً تدرس اعداديه رابع .. اجاها الخط وراحت ضلت حره تبجي رحت انطيتها حليب سكتت بعد كلت لـ يوسف ماروح للخياطه يعني بطلت منها ضليت كل وقتي انه وحره وهذول بعد مارجعو (عمامها) وسكوتهم هذا ورا مصيبه اكيد ..

فـ بيوم كاعده انه وحره بلبيت وحدي هسه تكولن ليش كلشي يصير انتِ وحدج لان يوسف يشتغل بمطعم من السبعه الصبح لـ لسبعه بليل يجي اما سما فـ اداوم صباحي وعصري خوش واذا صار شيء لاسامح الله انه احمي نفسي المهم اندكت لبست العبايه وفتحت الباب اسعد ويا بنيه تفاجئت بيهم لان اول مره اشوفه صار السلام

- شني مرتك هاي ياخاين چا واختي

البنيه الواكفه تضحك وهو يضحك

- فوكاها تضحك شعدك واكف اهنانه

اسعد - اختي هاي اختي مو مرتي

- يا يله احسن عبالي متزوج
اسعد - واذا اتزوج شيصير مثلاً

- كلشي مايصير تعاي خيه فوتي وانتَ اعذرنه

طبت البنيه للبيت هو ضل راح لسيارته رحت جبت ماي

- والله اعذريني ماعرفج عبالي مزوج وجايب مرته علينه

البنيه - هههه لا لاتخافين اسعد مايسويها خلي اعرفج ع نفسي اني نرجس اخت اسعد وابو عتاب

- تشرفنه وانه حره اخت سما وهاي البحضني حره اسمها ع اسمي هه هاي لان ماتكدر تحجي انه عرفتج عليها

نرجس - والله ع راسي حره يصير تنطيني بت اخوي لو لا

- اخذيها

ضلت تلعب وياها ومندمجه انوب سئلت

نرجس - عجَل سما واين شو مااجت

- بالمدرسه ساعه هيج وتجي

نرجس - انتِ هم ادرسين

- لا

نرجس - سمعت خياطه انتِ

- اي جنت اخيط

نرجس - وهاي يوميه اضلين وحدج بلبيت