الكسر والعوض (الحاقدين)

البارت لـ 30

السلام عليكم

التفاعلللل بلا زحمه
—————————
حره -

كعدت تقريباً بـ العشرة حيللل شكد نمت كمت غسلت رتبت الغرفه وطلعت رحت للمطبخ لكيت خلود والعلويه
- صباح الخير

خلود - صباحووو عيني عجَل غير تكولين اهلي جايين اليوم هساع كالي محمد

- ليش وينه محمد

خلود - خابرني يعني عفتي سالفة اهلج كلها وركزتي ع محمد

- چا شلون غير حمودي

سويت ريوك تريكت هما يتريكون من ثمانيه بس انه اليوم كعدت متأخره غسلت الماعين طلعت السمج علمود يموع جامد وحضرنا كلشي وكلاشي اكيد يتأخرون الطريق بين تكريت والعمارة وانتو قيسو .

كملت طبخ والبنات يساعدني سويت جاي واخذته الهم آلياس ورائد والحجي انطيتهم ورحت لغرفتي تعبت كلش تعبت سبحت وطلعت خابرت يوسف كال بلطريق احنى جاي امشط وطبت نرجس كالت

نرجس - ها روره شسويين

- جاي امشط

انفتح الباب طب محمد كمت لميت شعري نرجس سلمت علي وطلعت رحت سلمت علي تفاجئت اصلاً
- مو علساس تجي الثلاثاء

محمد - ارجع ترا

- لا لا اكعد عمي شمالك

راح نزل وانه ضليت اطلع بهدومه اريد اغسلهن طب وهو شايل بوكي ورد وردي وابيض يخبل انطانياها بيدي وكال

محمد - هاي الج بلوة

- اووو صدك حلووو شكررراً حمودي

حضني ورجعت اشكرت منه كلش فرحت بيها صح مو اول مرة بس المبالغه عندي مو طبيعيه رحت حطيتهن بالماي خاف يذبلن شوي ونزل لابس دشداشه رصاصيه ولاف الجمااغ
- اليوم دشداشه وكذا واين رايح لعرس

محمد - حلوة مو عرفتها راح تعجبج

- موحلوة واصلاً ماتلوكلك

مدري منين طلعت نرجس وكالت

نرجس - تخبل عليك اصلاً دوم البس دشداشه

محمد - خجلتوني شوكراً 

- ديري بالج لاتموعين عيني

دك تلفونه دزلي بوسه بهلوى وراح رحت رتبت شالي نزلت كعدت بلمطبخ يم نرجس اجى جايب اجمااغ بيده وكال
محمد - خلي الفه الج فوك الشال يصير حلوو

هزيت راسي بأي سواليا شلون ذني الدليمات اكيد شايفيهن طلعت حلوة واجننن يربي ههه .

المهم اجو اهلي بس سعاد مأجت مادري ليش بس همزين واجت سما ويسَرى وهدى ويوسف وابو حسين وحمزه وحسين ومرته سلمنا وهاي سوالف الضحك ع الباب ماتخلص طبن النسوان للبيت والزلم بلديوان كعدو هم اجن البنات سلمن شويه ونزل اسعد باوع ع سما سلم علينه وراح طلع والله اختي مدري عليمن طالعه هيج عنوديه المهم ضلينا نسولف شويه ارتاحو انوب صبينا غدا النسوان وحد والزلم وحد .