الكسر والعوض (الحاقدين)

البارت 12

السلام عليكم

عوضُ الله دائما أجمل فأطمئن .
_______________†_______

زينب - رجعنا للبيت جان هو منتضرنا مادري شلون تتقبل الموضوع بس كلشي قسمه ونصيب ذبيت عباتي ورحت ورا امي

امي - يمه هيِ البنيه ماتريدك ولاجاهزه لسالفه الزواج شني كوة نغصبها عليك

هو ساكت يمكن زعل او نكسر كلبه بالنهايه هو حبها من طرف واحد رجعت انه حجيت ويا

زينب - كلشي قسمه ونصيب وتأكد ارادة ربك اقوة من كلشي ماصارت قسمتك شنسوي مثلاً عادي عيش حياتك ونشالله تجيك الاحسن منها

مصطفى - احسن منها ليش هيِ مو صديقتج يعني مو زينه

زينب - انه قصدي يعني رب العالمين ماختارها الك بس انتَ حبيتها من دون حتى ماتعرف هيِ تحبك لا وارجع واكلك زواجك من حره مامقسوم ونشالله يارب تلكه الي تحبك انه مااحجي هيج لان احب حره او اكرها لا بس اوضحلك وجهت نضري لااكثر

هو اصلاً بس ساكت ليش مادري المهم خلص اليوم ع خير ثاني يوم الصبح ادور بلبيت مصطفى ماكو واين راح هو يدرس جامعه طب مرحله ثالثه كلت لـ امي مصطفى مو بلبيت ضلينه اليوم كله قلقين علي مصطفى من نوع الجدي بأي موضوع حسبنه راح ينسى حره ورا ماترفضه ماجان فكري لهل الدرجه يحبها بليل اجه مصطفى سلم علينا وراح لغرفته حته ماكال ذوله اهلي اكلهم واين جنت راحت امي تودي عشا كالها ماريد تفاجئنا من اسلوبه هسه تكولن شني ماكو بنات غير حره هو لان حبها من كل كلبه الانسان من يحب ينسى نفسه ومرات يسوي شغلات هو بلا وعي من سواها اغلبكم مجربين من تحبون من  طرف واحد هذا شعور كلش كلش كلش صعب ..

راحت ايام اجت ايام احنه بخير فـ بيوم كالت امي نروح انه وياج لسوك كتلها اي ليش لا صارت عدنه مناسبه بيت خالتي عدهم خطوبه بعد يومين عود كلت اشتريلي ثوب حلو البسه طبينا هواي محلات ذوقي صعب ماجان يعجبني شيء كالت امي هذا اخر محل نروحله تعبت طبينا للمحل عجبني فستان النيه شنو جانت وهسه شطلع يله عادي كلها تلبس فـ من نريد نطلع وكفنه ع الشارع نريد سياره اثناء ماواكفين فاتت من يمي تحديداً دراجه شفته هو نفسه اجتني نغزه بكلبي لا لا مستحيل شلته من بالي ومن كلبي هاهيِ ضلت عيونه ببالي باوعلي وراح صابتني رعشه بجسمي طاحن العلاليك من ايدي امي انتبهت شلتهن وهيِ ضلت تسال بيج شيء اوديج للمستشفى خاف اكو شي ..

كتلها يمه مابيه شي شفت دوده وعبالي راح تأذيني طاحن من ايدي اقتنعت وصلنه للبيت رحت للمطبخ ضليت اغسل بوجهي نكعت حته ملابسي ضليت احجي وي نفسي
منين طلعت الله يلعنك كلها هيج يصير بيها لو بس انه كافي كافي شبعت قهر من وراك اريد انساك ماريدك
بدلت ملابسي وكعدت اقرا قران انوب كل ما غمض عيوني يجن عيونه بالي يبوووي ...

المهم تخطيت ورا يومين رحنه لبيت خالتي حضرنا الخطوبه جانت كلش حلوة وربي يسعدهم رجعنه للبيت ..