الكسر والعوض (الحاقدين)

البارت لـ 15

السلام عليكم

﴿وَنَحْنُ أَقْرَبُ إِلَيْهِ مِنْ حَبْلِ الْوَرِيدِ﴾ .
——————————†—

زينب - مادري منين ابلش رجع اكو شيء اسمه احمد بحياتي احبه مو بايدي ماكدر اذا ماشوفه بباب بيتنا احس نفسي مادري شلون ماسوى شيء بدونه ..

بس انه احجي ويا بثكل كلش حتى مرات يكلي مادك عليج خاف تضوجين مني اووووفففف ولك شضوج چا غير احبك ...

واجت عليه حره شكد انقهرت وبنفس الوقت فرحانه بيها هاي حبوبتي اموت عليها بس هيِ ضلت متكدره مـن امي حقها والله ..

ورا ماراحت حره ثاني يوم سمعت عياط امي رحت اركض اشوف شكو واسمع مصطفى

مصطفى - لاخلقه لا اخلاق انوب فوك هذا كله عباله بنات الناس لعبه

امي - اويلي عليج ياختي اويلي اخذوني اخذوني لختي يمهه

كلشي ماافتهمت شفت فاطمه كاعده ومنزله راسها صافنه مدري شبيها كتلها
- شبيج شبيها امي تصيح

صفنت عليه شويه انوب حجت

فاطمه - حره

- عززاا العزززاني شكوو شبيها

فاطمه - البارحه اختها سما -------- وطلع الي مسوي بيها هيج ابن عمها وابن خالتج هم وهسه شارد وخالتي متخبله ع ابنها وحره رايحه ومهددتهم هسه خالتي بلمستشفى

- سوده بوجهي سوده بوجهي ييمه يحره شحالج هسه يـ بت كلبي شحالج يكلبي

حرفياً تخبلت صرت اضرب ع وجهي ضليت ابجي رحت ع مصطفى شافني ابجي كالي اوديج والله بس ا اهدي هسه تكولن مالها داعي المبالغه؟  لا الها اذا عندج انسان تعزي معزة قويه راح تنطي روحج فـ بالج يصير هيجِ بأخت اعز صديقه الج . الي صار بـ سما مو شويه هاي مسئله شرف تخوف يصير بيها كتل وانه متأكده مليون بـ الميه حره ماراح تسكت ابد ع حق اختها ..

رحنا لبيتهم وانه الف فكره بالي دك مصطفى الباب فتحه يوسف جان شكله ابد مايطمن سواد تحت عيونه والله لسه اذكر الكسرة المبينه الله يعينهم .. وطبعاً جان تلفوني بأيدي يدك حاطته صامت خاف احد يحس قفلته وخليته بجيبي . مصطفى راح طبيت كال يوسف فوتي تلكينها كدامج قويت نفسي خاطر ماابجي كدامها شكد حاولت بس ماكدر ..

لكيتها كاعده وحاطه كلاص الماي بيدها مبين جان يوسف كاعد يمها ماشفتني صحت بسمها

- حـره

انتبهت علي كامت ابتسمت بس ادري ورا هاي الابتسامه حزن كلش هواي اجت حضنتني وتبجي وانه وياها ابنفسي اسوي شيء اخليها تضحك وتبطل هل الحزن وخرت عني وحجت

حره - انكسر ضهري يـ زينب يريدون يكسروني مايعرفون شلون راحو ع اختي ولجج هذول الدمي منهم  عمامي عود