الكسر والعوض (الحاقدين)

البارت لـ 31

السلام عليكم

تفاعلووو بلا زحممه
———————
حره -

ثاني راحو اهلي والايام كما هيه روتين وشغل وعركات الحبايب وماتخلص .

مره تعاركنا انه ومحمد هو كبر السالفه انه مالي شغل فـ اخير شيء كال اطلعي برا زعم طردني من الغرفه
فـ كتله

- بس دقيقه . اخذت تلفوني ولفيت شالي عدل وكفت باب الغرفه وكتله ترا انتَ الخسران

محمد - ههههه

ههه والله انه الجاي اضحك عليك رحت نمت يم العلويه كعدت الصبح رحت للغرفه فتحت الباب لكيته بعد نايم ههه انه اعلمك رحت للحمام ترست السطل ماي انوب ثكيل كوة شلته ذبيته علي طفر طفرة طاح من الجربايه ضحكت بصوت عالي وركضت لا يكضني جاي انزل لدرج كض ايدي

- ههههههه ها شكوو

محمد - ماريد اصيح هين تعاي للغرفه نتفاهم

- اعلمك شلون تطردني حسبالك انه هينه

محمد - حدري يمي تا ارويج الهين منو

- يله امشي . وكفت باب الغرفه طب انتَ بلاول

محمد - لا انتِ

- مو احترامك فوت انتَ

محمد - ادريج تحترميني يله فوتي

فتت للغرفه هسه شورطني وكبيت علي مدري واين جان عقلي سد الباب وتقدم علي وكال

محمد - اني من طردتج جنت اريد تجين تعتذرين جثرن اغلاطج

- ايباا وانتَ الزين هسه

محمد - دحجي مااريد لااصيح ولا اعارك

- اي كول مليت مني انتَ لو تحبني جان فكرت بيه طردتني ماتكول هاي حامل واين تولي

مسح وجهه وكال - تراني ادري بيج يم العلويه واجيت واتأكدت بس انتِ تنبل مال نوم ماتحسين

- لاتغلط يله وخر

محمد - هاي صدك تحجين يمتي غالط

- انه الغلط يله وخر من دربي

ضجت كلش منه رحت فتحت وطلعت اركض ع لدرج ماهتميت انه حامل او لا صارت الدمعه بطرف عيني رحت كعدت بلحديقه احس اشتاقيت لابوي كلش اريد ابجي مقهورة دائما هيجي يسوي يطلع نفسه هو الصح وانه الغلطانه لو ذابه علي شيء حار مو احسن جا احترم نفسه شويه حسيت احد تقدم يمي سمعت صوت نرجس تكول

نرجس - اليوم شعدها بلوتنا هين من الصبح

مارديت ضليت ساكته مالي خلك احد طبيت جوى شربت جاي ورحت للغرفه مالكيته رتبتها حطيت تلفوني وكعدت أباوع بي كلبت التك توك كله حزن واشعار ومدري شني لعبت نفسي لهل الدرجه مأيسه من حياتي سديته ورحت يم البنات نسوي غدا كعدن يسولفن اجت عمتهم عود نادرة كالت نرجس