الكسر والعوض (الحاقدين)

البارت لـ 20

السلام عليكم

كُن جَمِيلاً دائِماً ليسَ لأحَد بَل لأجلِكَ أنتَ.
——...—————...————...——

حره - سلمت عليها شلون مرآة يعني مادري شلون اوصفها الصراحه الاخلاق والحجي شلونه تحس بعد ماكو ناس زينه مثلها ابد ...

عاد هيِ حجت

ام اسعد - ولو لحيت بس اختج مالان كلبها ع اسعد

- والله ياخاله الشغله يرادلها صبر وانه مو بكيفي احجي هذا زواج عمر راح يضلون سوا مو بعدين تجي تكول مارادوني انطوني غصباً عني

ام اسعد - الله يهديهم ويحفضج الها

- ويخليج اغاتي

جاي نسولف طبت سما ماعرفتها رادت تفوت للبيت كضيتها من ايدها

- سما هاي ام اسعد

عاد سلمت عليها ماتعرفها المهم راحت المرآة وصار اليل مادري ليش سئلت يسَرى هيج سؤال
- اكلج عليش سعاد عزمت ام اسعد وليش قبلو عزيمتهم

يسَرى - شمالج هاي جاي تراوي بناتها لنسوان عود شوفوني ماشوفين خلت هدى ومياده واكفات يم ام اسعد ادور الهن زلم

- وعود شني بس ام اسعد عدها ولد ترا هذا ابو عتاب واحد غثيث مايتعاشر

شمرت علي المخده اجت بوجهي وتضحك اجت علي جرت ايدي

يسَرى - ها حره شعدج وشمدريج بـ ابو عتاب يعني واحد يحب الثاني اكيد وضامه علي

- استغفر الله بدون ماحجي سويتي مسلسل وحدج
لا احبه ولا يحبني بس يعني اكلج الضاهر

يسَرى - وانتِ شعليج بلوادم يجوز ام اسعد تخطب مياده ل هذا ال كلتي علي

- دكومي نامي مااجيتي بسالفه بيها حض

ضجت اتنرفزت من حجيها كامت بدون ماتحجي ادريها زعلت بس انه مدري شبيه ضايجه هيِ تريد ازوج بناتها انه شعلي اوووف ...

كعدت الصبح صليت ويسَرى ماتحجي وياي عرفتها اصلاً المفروض احترمها شني هلـ الميانه اصيح عليها تندمت بكد شعر راسي ع سؤالي انه شعلي بلناس ...

لكيتها بلمطبخ تغسل الماعين حضنتها من ورا وحجيت
- يسورة حبيبتي ليش ماتحجين وياي

ماحجت شيء راحت لثلاجه
- يسَرى والله مو قصدي اصيح شمالج وياي

كضت السجينه بوجهي
يسَرى - ممنوع بعد اي واحد يصيحلي بأاسمي كولي عمه شني ماتطلع منكم

- ذبي السجينه خنتفاهم .. اي يايسَرى اقصد عمه انطيني مجال افهمج السالفه والله اسفه بس انه عصبيه مدري شبيه

يسَرى - يخوفي يطلع البالي صدك

- لا ماكو شيء شبيج والنبي بس هيجِ حجيت البالج امسحي لان كلشي ماكو