السلام عليكم
بلازحمه لاتنسون التعليق بين الفقرات
——
في عُنق كَل فَتاة قلادة لَها قصة .
————————————
زينب -
يومين يشمرون الاكل عليه ويرحون محبوسه يخافون اشرد ردت اشرد بس الباب مقفول .
من بعد يومين طبت امي ومرت مصطفى شمرت امي علي ملابس وكالت
امي - يله حضري نفسج راح تعقدين وارتاح من مصايبج
هه مصايب اي صحيح شافتني ضليت كاعده اجت علي ضلت تضرب برجلها لا مستحيل هاي امي
كمت كوة عليه دموعي نشفن ماكو اريد دمعه اطيح خلصن طببتني اسبح سبحت وخلصت لبست الثوب الجابته ذبت علي العبايه كضت ايدي اجرني وراها اهنا استوعبت خلاص ماعندي اهل طبيت شفت احمد نزلت راسي هه رجعن دموعي طاحن عبالي خلصن عقدالنا وخلص ردت اروح كض ايدي وحجى
??- واين يبعد اخوج چا غير ترحين وي رجلج
احمد - شلوون؟؟
??- اي والله ياخوي احنى مسافرين ونطول عليك اخذها وانتم ع كيفكم اعقدو وسوو حنى مانكدر يخوي امي كلش مريضه وخاف نطول
انهاريت من حجيه الحقير بوكتها ماطلعت من الساني غير حسبي الله ونعم الوكيل ردت اطيح بس اتحملت باوعت لـ احمد حاير شيسولف اجه كض ايدي سحبتها تنهد وحجى
احمد - ترحين وياي لو لا؟
درت وجهي ع التربيت بينهم يباوعولي بحقد وجن يكلولي روحي مانريدج شعدي هنانه بعد باوعتله منتضرني احجي هزيت راسي بأي
احمد - عجَل اني متانيج بلسيارة
- ماعدي شيء اجي وياك
طلع ومشيت ورا ومن اليوم عاهدت نفسي بعد ماعندي اهل مشيت كبل ولاباوعت وراي انتم وحوش مو اهل
صعدت بلسيارة ومادري واين رايحه واين بعد تأخذني الدنيا .
نمت مر وكت طويل يله وصلنا محافضات والحسبه عدكم عفت العمارة واهلها وحتى صديقتي واختي ماشوفها بعد .
وكفت السياره يم بيت احمد كالي وصلنه نزلت جانت اكو جهال تلعب واكو بنيه تقريباً بكدي ( طبعاً بلسياره مو انه واحمد لا اخوته ثنينهم) اجت سئلت هاي مني الوياكم ماحجو شيء اريد امشي خطوة ماكدر رجليه اربطن احسهن مادري شراح يصير لو شنو يسوون بيه عبالك جايه فصليه ماكو فرق بيني وبينها .
اول ماطبينا اجت بنيه تلكت احمد وذاك السلام عبالك مرته كلهم كعدو يسلمون ونسوني انقهرت منه شلون عافني ومشى شويه واجت مرآة جبيرة اعتقد امه عليه
المرآة - رايده شيء يخاله واكفه اهنانه
سكتت صارت كمت ابجي هسه اذا طردوني واين اروح
انتبه احمد وحجى
احمد - مرتي ييمه زينب الكتلج عليها
ابتسمت وحضنتني وهاي البنيه الواكفه صاحت علي
أنت تقرأ
الكسر والعوض (الحاقدين)
Mystery / Thrillerعندما يموت الأب يذهب معه الحب والحنان (نصبح ايتام) ... ولكـن؟ عندما يعوضنا الله عن كسرتنا ستكون فرحتنه اكبر من الكسر الذي واجهناه ...؟؟ خلونا انه وياكم نتعرف ع (الگسر والعوض)
