الكسر والعوض (الحاقدين)

البارت لـ 19

السلام عليكم

بعدني بّلا وعي كُل ليّلة أتانيك "

————————،——

زينب - ضلينه نججي انه ويا لحد مانمت كعدت الصبح اول شيء صليت بعدين رحت سويت ريوك يعني روتين التنظيف وهاي خلصت فتحت التلفون لكيته دازلي رسالة ع الواتساب قريتها

" زنوب حبيبتي ابريني الذمه ياول عشك عشكه كلبي حسبالي اخابرج بس بعد صارت ديري بالج ع نفسج كلش زين يـ هواي "

كلبي ضل يدك حيل اختنكت يعني شنو جاي يريد يعوفني زين وحجي البارحه شني دكيت علي هواي ماجاوب ضليت ادزله رسايل ماكو شني يعني يضحك عليه هو چا والبارحه مو كال انه احبج اريد افتهم راسي من رجليه ماكو ..

خلص اليوم وهو خطه مقفول معقوله بي شيء يربي ضليت ادعي كون كلشي مابي بعدين تفاجئت من انحضرت من الواتساب ضليت مصدومه اي يضحك عليه ورجعت صدكته اي جذاب ليش ليش مو كتلي احبج عليش عفتني چا زين انه عليش تقشمرت بساع شجاني ...

الليل كله مانمت دمعتي ع خدي اذن الفجر وانه ماصليت مادري شبيه احس حيلي انهد اتكسرت اجى ابوي سويت نفسي نايمه ابوي دائماً يكعدنا الفجر ع الصلاة كعدني رحت صليت رجعت لفراشي مسحت دموعي عليش ابجي اصلاً المفروض من الاول ماصدكين بي بس شسوي كلبي ..

اجتني امي كالت خاف مريضه بيج شيء كتلها لا ضليت اصفن وابجي مادري احس فقدت شيء كلش غالي عليه مادري شبيه وعلي ...

مر اليوم واليومين والاسبوع والشهر وهو ماكو كلت خلاص هاهيِ يجوز راح تزوج لو بعد مايريدني يجوز لان ضليت انتر بوجهه دائماً ...

قررت لازم انطي لنفسي مجال ماريد اضل هيج ابجي دائماً اكو هواي اشياء لازم اطرقلها مو كلشي حب ومدري شنو حتى اذا ابقى افكر يتعب عقلي وانه الي راح اتمرض ويصير بيه اشكال والوان محد راح يأخذ من صحته وينطيني انه الي راح اتأذى وانه الي راح اتعب وانقهر محد اله علاقه بيه ...

قويت نفسي ماريد احد يكسرني بغيابه ولا بوجوده اصلاً هو هذا الصح ..

فـ بهل الاثناء امي ضلت تلح ع اخوي يزوج بت خالتي اخت منير هو رفض الموضوع نهائياً مايريد يزوج من كل عقله ينطر حره تقبل تزوجه الله يهدي بس ..

مادري شلون بيوم وليله اقتنع اخوي ورد ع امي وكال روحو اخطبوها تفاجئت منهم انه مكيفين ولاجن اخوها شسوه بـ سما نسو السواه وخلو ورا ضهرهم عجيبه هلـ الناس ..

مراً تقريباً اسبوعٌ امي راحت خطبتها واكيد انطوها النه أنه مستغربه بهل الناس رحت انه واختي وامي عود نشوفها ويتفقون ع العقد ومدري شني ..

رحنالهم ضليت مكدرة وجهي منهم كشت نفسي اول ماطبيت البيتهم خصوصاً من شفت هلـ عاق كدامي بنفسي اتفل بوجهه محد يكدر يوكفه عند حده ولامهتم عايش حياته ولاكأنُ صاير شيء ..