الكسر والعوض (الحاقدين)

البارت لـ 21

السلام عليكم

أنا أكثرهم بقاءً .. وأكثرهم تخلي ؛
وأنت تحدّد من أكون معك .
————————————
حره - تفاجئت من شفت مياده طلعت ركض ورا البيت صحت لـ سما تساعد يسَرى شفتها بعدها مارجعت هاي شجاي تسوي شعدها طلعت اتخنس ع كيفي خاف احد يسمعني ..

شفتها انصدمت كاعده بلكاع وتتوسل بواحد مدري منو ماعرفته وتبجي بحركه وذاك يباوع عليها ويضحك رحت عليها بدون تردد وحجيت بصوت متعجبه من منضرها
- ميااااده

التفت شافتني انصدمت كامت من الكاع وذاك يريد يشرد همزين اكو طابوكه جبيرة ويطيح ع وجهه رحت اركض علي كضيتلي عوده

- منو انتَ وشعدك اهنانه وليش تتوسلين بي ولججج

مياده - ماعليج لاتدخلين مشاكلي وانه احلها

- لا بله وتتوسلين يم الرجلين كبر طمج انه اجيت اساعدج لا اكثر

والولد شرد وانه مشيت وهي تبجي بحركه كلب مدري شبيها جاي امشي وسمعت كلمه صدمتني عبالك نايمه وكعدتني

-انهَ حامل

يربي شجاي يصير صدمه كلش قويه رحت عليها لزمتها من زندها
- انتِ مستوعبه الي جاي تكولينه  خاف جاي اجذبين اي اكيد

كعدت بلكاع وايدها ع وجهه وتبجي بصوت خفت احد يسمعها اهنا صدكت الي جاي تحجي صدك زين شلون وليش الف ليش اجت بالي

نزلت راسي اعاينها اشصاير بحالها لهل الدرجه مستهتره
- وشلوون وليش زين وابوج وامج وربج والدنيا هاي كلها ماخفتي

مياده - لخاطر ربج لاتزيدنها علي البيه كافيني

ضحكت بستهزاء - ههه والله عود هسه ندمانه مو
ضربتها ع راسها حبيبتي اصحي ع نفسج مايفيد الندم بعد طمي نفسج احسن

كامت تلطم ع راسها وتبجي بهستريه
مياده - شسوووي بس فهميني ياااارب اموت وارررتااااحح ياااااربب

- زين اهدي اهدي فوتي هسه يجون يشوفوج وبعد فنج اذا خلصتي

فجأة جاي نمشي وطلعت يسَرى وانه خايفه مدري بيه عبالك انه السويت شيء وهاي صافنه حجت يسَرى بتعجب

- شعدجن اهنانه ؟؟؟

باوعت لـ مياده وهيِ صفنت علي بعدها كلت
- والله جاي نتهوى شوفي الجو شلون حلوو يخبل

يسَرى - انتِ ومياده؟؟؟

- هه اي چا شبيها مياده مو بشر