الكسر والعوض (الحاقدين)

البارت لـ 10

السلام عليكم

لا تلمس جرحاً لاتعرف كيف تداويه

_______________

زينب - من رجعت من حره ثاني يوم صدك اجه احمد وجاب اهله ويمكن العشيره لان هواي ناس وحته السيد جابو وياهم انه سويت نفسي مادري ابوي رحب بيهم واخوي هم واحنه سوينا الضيافه وكذا وديناها ....

بعد فتره من كعدتهم وقبل لايطلعون ابوي حاجاهم حجايه كسرتني دمرتني بناتي لولد عمهن انصدمت وانه كوة واكفه فطومه صفنت بوجهي وانه همين بلحضتها كبل رحت لغرفتي جانت امي هم مثلنه كلشي ماتدري وكيفت لمن درت يريد يزوجنا لولد عمنا انه عندي عمام اثنين سديت باب غرفتي ضليت صافنه معقوله انه استعجلت ع سالفه الحب والزواج من الشخص الي احبه زين ابوي ليش هيج يسوي انه احجي وي روحي وابجي بحركه فجأة اختفى صوتهم اكيد راحوو ليش يربي ليش والله احبه كاعده وابجي ولنه يجي ابوي يكتلني كتل يبووووووووي عمري كله ماكتوله هيج وحك علي ييمه كسرت خاطري بوكتها من امي وابوي واخوي امي الي حسبتها صديقه الي كل ماتجي حره تطردها شكد حسيت بوكتها بعازت سند حره جنت من احجي شيء انه غلطانه نتفاهم علي نتعلم منه الزين والشين وحتى بسالفه احمد من كتلها كالت سبحان المايغلط بس هو مدري منين رجع والله مو بيدنه من نحب لو ابوي الي موتني اي اعترف غلطت من حبيته من دون علم احد وتندمت وحك هو العباس تندمت غلطت وسبحانه المايغلط " خير الخاطئيين التوابين " مارحموني وحته تلفوني اخذو مني لان هو كايلهم حابها واريد اخطبها ....

ستمريت ع هاي الحاله اسبوع لومتت كل ماسمعهم يجيبون طاري عمي و والده بنفسي اكتل نفسي واخلص بس شسوي اشوف شلون تصفى بعد مايخلوني باب البيت اوصله بعد مايثقون بيه ابد انوب اجت خالتي يمنه وانه صرت علج بحلكها انوب كامت تحجي ع حره مرة شافتها يمنه.

خالتي - شمدريج خيه يجوز هيه ذيج ك*** وعلمتها بتج شمدريها طفله

امي اصدك بساع اي شي يحجي الها ذاك اليوم تمدح بتربيتها هسه تحجي عليها

زينب - خاله حره ماعليها تره هيِ الي تكلي عليش تكضين تلفون هيِ تصحني دائما ابد مايوم علمتني ع شي غلط وانتِ يمه عليش ساكته نسيتي شني حره وبت منو

امي - ليش هيِ الوادم تضل نفسها

تفاجئت من حجي امي عليها الوادم تضل نفسها يعني شني حره موخوش هسه

زينب - احنه اكلنا سوا ودرسنا وطلعنا ولبسنا كله سوا مايوم حجيتي ع حره بلموزين وبعدين هيه السالفه اليه حره شعليها ليش هيج يمه ليش

خالتي - موعيب تردين ع امج هيجِ صدك ماتستحين جيل تالي وكت

عفتها ورحت لغرفتي هسه لو تسمع حره امي تججي عليها ماتغتاض منها ماكول غير بـ الله يهديها ....

بعد فتره تقريبا ماذكر اشكد طولت شهر اقل المهم ضليت اتوسل بابوي بس علمود اشوف حره ابوي مارضى ع امي من اجت حره وطردتها ضل يحجي عليها وخالتي حطت روحها بسالفه طبعاً هاي خالتي شكد غثيثه واكيد تكولن شلون تحجين هيجِ ع خالتج مو عيب بس جد تستاهل احسها ماتحب الخير لحد ابد عايفه بيت رجلها وجايه وهيِ خاف اكو امل ابوي يتراجع عن قراره ينمسح مايبقى واكيد تواصلي وي احمد انقطع فد نوب ...