الكسر والعوض (الحاقدين)

البارت لـ 18

السلام عليكم
''''''''''''''''''''

"يُولدُ الأنسانُ ثَرثارًا حتىٰ تُعلِّمَهُ الليالي
ڪيفَ يَبتَلعُ ڪَلامه".
—————————†———–

حره - طبت المرآة وتحجي وتضحك من لسانها مبينه وكحه صفنت علينا انه وسما بعدين ضحكت واجت بوستنا وهيِ تكول

- هلا وميت هلا ببنات الغاليه شونج يـ عمه

حره - اهلاً وسهلاً

باوعت اليوسف مستغربه

يوسف - ها  حره هاي يسَرى عمتج يسَرى مايعرفنج ترا

يسَرى - اي حقهن بس ترا هاي الزغير تشبه امها انه عرفتهن

هيِ ضلت تسولف ويانه سوالفها تضحك وهيِ ابد مو جبيرة زغيره بس مو كلش بـ متوسط العمر المهم سوينه جاي جانت العصريه وبسكت بس انه اكل كيك لان احب الحلويات كعدنه وحجت سعاد

سعاد - شني خيه سبب الزياره خوما اكو شيء

يسَرى - ليش ابو حسين اذا ماتردوني هسه اروح

ابو حسين - يمعوده البيت بيتج شني هلـ الحجي سعاد

يسَرى - ياخويه مكضيتها من بيت لبيت وانه بنيه بعز شبابي واخافن ع روحي عفت بيت كرار واجيت عليك كلت استقر احسن شو الدنيا تخوف هلـ الايام

حمزه - اي والله دمك ولحمك ماتأمن بي

ابو حسين - اي والله انتِ قبل لاتجين جنى ملتمين علمود مروة اجاها خوش نصيب ونشالله خير

يسَرى - مروة چا مو مياده الجبيره لو حره ليش ازوج الزغيرة وتعوف الجبيره

سعاد - عيني بتي اجى نصيبها شلون بله وبعدين واذا ازوجت الزغيرة قبل الجبيرة ترا عادي مابيها شيء

يسَرى - تعاي اخذيلج راشدي عليش كاعده . انه ماحجيت شيء مجرد انطيت رائيي بالموضوع تريد تاكلوني شمالكم

مبينه هاي العمه مو هينه واهم شيء عجبني بيها تخاف منها سعاد عجبتني الصراحه تناقشو بالموضوع مجرد انطت رائيها مابيها شيء بس سعاد منكوزه مدري شبيها ..

فـ كالو ع الاسبوع الجاي يعقدون سيد ومحكمه ونشالله خير ...

————————

زينب -  صارت مشاكل كلش هواي ع ابن خالتي خصوصاً بعد ماتكرم اشتكىْ ع حره بس الحمدلله مانسجنت واكيد الناس ماتعوف احد بحالها خوالي وخالاتي وحتى عمامي هما اصلاً مالهم شغل بالسالفه لامن قريب ولا من بعيد بس هما يحبون المشاكل ..

وشكد رادو يشتكون بس الي فجئنا انو هو يرفض يشتكي عليها اكيد اكو شيء مو خاليه الشغله ...

اما احمد فـ من رجعت من يم حره تلفوني اصلاً نسيته بدون شحن من بعد المشاكل الصارت ماشفت دربي حاطه اذني يمهم خاف يسوون شيء لـ حره وتضل فـ اليوم حطيته ع الشحن وعفته صامت ...