الكسر والعوض (الحاقدين)

البارت لـ 41

السلام عليكم
تفاعلووو بلا زحمههه
——————————————————

لمى - اسمع عياط اختي طبيت اركض لكيت ابوي يضرب بـ رحاب وام بريص مسويه روحهااا جاي تدفعه ضل يصيح ويغلط لمى شبع ...

علساس رحاب غالطه ع ام بريص و مايرضى ع مرتو والله لو مو ابوي جان حجيت غير شيء هساع ..

كعدنا الصبح اختي ماهيه شارده  ضلت ام بريص تلطم هم اجى ابوي وتخبل علينااا ماخلى شيء ماكسرو بلبيت ماراح ولادور بس يصيح ويغلط بدال مايحاسب ذيج اجى عليناا ضربناا ..

لليل اجت عمتي وياها رحاب الحمدلله ماشارده صدك ضلت عمتي تنصح بابوي شوف بناتك ديربالك منها بناتك مايسوون شيء مدري شني راحت عمتي كتل رحاب مرة ثانيه ...

اختي الزغير صارت ماتحجي ابد وام بريص بس اصيح عليهاا وتضربها خرست فرد نوب اجت عمتي كتلهاا كالت شربوها يانسون صدك شربناها نفس الشيء ..

رحاب تشرد من ضلمهم وسهام خرست واني شمنتضرني بعد مادري ...

مرت ايام نفس الوضع بيوم اجوو خطابه لـ رحاب مزوج وماعندو جهال ويريدها وصدك وافقت هيه خل تخلص احسن الهاا بلكن يطلع زين ..

عقد سيد ومحكمه وماسو لازفه ولاحنى كالتله ماريد وصدك اخذها سكيتي ..

ضليت بس اني وسهام كامت تسوي بيناا العمايل ..

بيوم اجوو جدي داغر والحجي سلمنا عليهم وضلو يسألون شلونجن وشلونجن ونجاوب الحمدلله زينين بكلبي لو تدرون شسوي بيناا مرت ابونا ..

عبالي جايين يسلمون ع ابوي ويرحون بس طلعت غير شيء تفاجئت اني من سمعت

_ اريد اخطب لمى لـ حميد

گلبي يمههه معقووله الجاي اسمعه يعنييي شنووو انثولت مدري شبيه شافتني مرت ابوي واكفه اتسمع عليهم خزرتني وجرتني للمطبخ

ام بريص - استحي شويه تسمعين ع جداج تربيه ماكوو

هدت ايدي رحت للغرفه ضليت اكمز يعني يردني ويحبني خاف جاي احلم والله احبهههه اني واللهه ..

كعدنا ع العشا ابوي حجى بسالفه وكال انطيهاا كمت من يمهم خجلانه صفريت اخضريت يربي معقوولههه حلمم واخلص من مرت ابوي زين وسهام شلون بيهاا اكيد ماراح يأذوهاا ..

ثاني اجوو بيت عمي واني خجلانه طبت حره شافتني هزت ركبتها وتغني وكالت

- حايره والشوك بين عيونج
- خايفه تحيبن ويلمونج
- ضاله بنص الدرب محتاره تعرفين هذا العشك وخباره