السلام عليكم
آنه بشوفتك أتورد ويصيحوِلي حليانِة .
———————————
يسَرى - مو وكت احترامج هسه صيحي ابنج الشريف ابو *** خل يجي
شويه وطب ولد اشرت مياده علي راحتله يسَرى ركعته راشدي من هذا اليخبل وجرته من ياخته وكفته كدام مياده
يسَرى - ابنج الشريف المفتخره بي ادوس علي وامشي دشوفي شكله لخاطر محمد حاط بنات الناس ويضحك عليهن ليش مو هذا شاربه بس صدك مو كل واحد عنده شارب زلمه ماريد احجي هواي واصلاً مايشرفني هيج ناس زباله بت اخوي حامل من عنده وانه اجيت اهنانه اشوف اذا اكو رجال ياخذ حق بت اخوي منه
ضلو يصيحون وحجي وغلط بس يسَرى ماسكتت ابد وانه وياها واكفه عكس مياده الجانت بس تبجي اخير شيء سكتوو وكالت المرآة
المرآة - ع بختج احنه يامستورة انستري انحلها بدون فضايح
يسَرى - هاهيِ يزوجون وتنحل ماكو غير حل .
ضلو يماطلون بسالفه اخير شيء حجيت بتحذير
- هو حدكم لاحد الجاي اذا ماجيتو وخطبتوها وتفض السالفه ع خير
لا والكفل زينب اشتكي على ابنج واكول مغتصبها وانتِ تعرفين بعد شيصير ولعلمج عدنه معارف هواي نخليهم يسجنو وينحكم وبنتنا يمنا ماعليها شيء .
طكت روحي من الجر والعر مبينين مو راحه ابد طلعنه منهم وتوجهنه للبيت مرينا من يم بيت زينب اباوع علي ماكو ولا واحد ضليت واكفه بلكت تطلع ماريد اطب ادري اصير فضيحه بهل الضهريه مادري يسَرى واصله نص الشارع ضليت واكفه وادعي تطلع يابو فاضل كون تطلع هسه تكولن شلون تطلع لان باب الشارع جان مفتوح ع حيله ف يبين البيت آيست تأففت بس اطلعي شمالج حتى لو من بعيد اشوفج رجعت يسَرى تمشي سريع
يسَرى - شمالج واكفه امشي لحد يشوفج وصيرنا سالفه
- زينب
دمعت عيني ماحجت شيء مشيت واسمع يسَرى صاحت
يسَرى - طلعتت ولجج تعاااي
رحت شفتها تغسل مدري شسوي صحت بصوت عالي
- زيييينننننبببببب
التفت شافتني شو هاي طبت جوا باوعت لـ يسَرى بكسرة
- ليش عافتني خاف ماعرفتني
يسَرى - امشي امشي عوفيها لو تريدج جان طلعت
- يجوز امها يمها
مشيت ليش مااجتني معقوله غيروها عليه نزلت البوشيه ومشيت مسافه تقريباً خطوتين وسمعت صوتها وراي تصيح ضحكت يمه هاي زنوبتي ماتعوفني ابد رحت صرت ورا سياج بيتهم وحضنتها وهيِ الفطيرة تبجي دمعن عيوني ضربتها ع متنها
- عبالي عفتيني ماتجيني ليش هيج تهبطيني كلشي ولا انتِ
زينب - يا چا غير لبست عباتي بابنا مفتوح ع حيله فشله
أنت تقرأ
الكسر والعوض (الحاقدين)
Misterio / Suspensoعندما يموت الأب يذهب معه الحب والحنان (نصبح ايتام) ... ولكـن؟ عندما يعوضنا الله عن كسرتنا ستكون فرحتنه اكبر من الكسر الذي واجهناه ...؟؟ خلونا انه وياكم نتعرف ع (الگسر والعوض)
