السلام عليكم
تفاعلوووو بلا زحمه
————————— .
حره -
طبيت بشهري وانا الخوف ماكلني بس مابين وجانت العمليه بعد يومين وانا ادعي الله يطلعون بخير ومابيهم شيء يااارب .
من بعد يومين رحنا للمستشفى وانا ادعي ربي ماخليت امام مانخيته من الخوف قبل لااطب للعمليه بس حاجوني بجيت ضلو يضحكون علي اجوو اهلي ماعدا سعاد وهلشيء خلاني اشك اكو شيء جاي يصير .
ومن بعد عمليه دامت الى مدري شكد بس جبت احلى ولد وزينب الخبيثه لااجت ولاخابرت جابهم الي شفتهم يمممهههه يخبلوون اللهم صلي على محمد وال محمد (تخاف ع ولدها هههه) واحد منهم مبينات عيونه بيهن لون علساس اصفر بس لمن كبر طلعن صدك صفر ابو عيون الصفر ( حسين) وذاك ابو خدود (حسن) ..
طلعت من المستشفى بخير وسلامه جابو طلي ذبحو يم رجلي اي چا حسبالكم هه كعدت واجنن الحبايب يتحمدن بسلامه والله ماقصرن هاي التحط 25 و50 من غير الخرز بس يعني جمعتهن هواي
مـن بـعـد سـنتـيـن
""""""""""""""""
راحت ايام اجت ايام واحنى عايشين بأمان الله وبعض الاحيان يصير سوء فهم بسيط نحله بيناتنا كبرو فروخيي اكيد يطلعون ع امهم چا عليمن الكل نفسه محد تغير وعمتهم هم ذيل الجلب ماينعدل مثل سعاد دائما يجوني اهلي يزورني .
اسعد وسما رجعووو لبعض
يوسف يحب فاطمه اخت زينب ومشاكل اهلها ماينطوها
يسَرى يحبها اخو زينب وهي هم
نرجس انخطبت
حميد حاط عينه ع بت عمى
آلياس يحب وحده ولسه ماعرفنا مني
خلود تحب ابن خالها اما هو فـ مادري
اشرف متزوج قبل محمد وخطيه ماعنده جهال
رائد هم مثل اخو يحب ومانعرفها
الحجي راح للحج للمره الخامسه
العلويه يوميه تشغل حرمل المغرب ماتغير بيها شيء
محمد شسولف ومحمد سالفتي هذا قاع اخر
ابو عيون صفر عصبي من هسه
ابو خدود مبين من هسه فاهي مثل زينب
اما انا فـ بوسط هل الناس الطيبه اكيد بخير
وسلامتكم ..
——————————
نرجس -
بلبدايه السلام عليكم اني نرجس اخت محمد زوج حره اكيد عرفتوني اني انخطبت من بعد قصه حب دامت لاكثر من اربع سنوات وطلع كد الوعد .
كلعاده كعدت الصبح لكيته دازلي رساله " صباح الخير يحب " رديت علي ورحت لكيت امي صبحت عليها اجت حره سوينا ريوك طبعاً دائماً اكول هلـ بنت نعمه من الله محبوبه تضحك وتسولف ويانا عكس مرت اشرف هادئه بس هم زينه .
تريكنا وخلصنا طلع جدي واخوتي ضلينا بس احنى البنات امي هيه وعمتي راحن للسوك رحت امسح الجام واسمع صوت خلود تغني
خلود - احنى البيكيسي المايسكت والبهبهان يلوكنا
ثكال وطارينا يموت ربك من كلشي مكملنا
ردت عليها حـره
حره - احنى الشاجور المايخلص والنار المحد يلزمها
نصعد ع النجمات نعدها محد من عدنا يهدمها
خلود اجت من باب المطبخ تركص وحره تلكتها تلاكن وضلن يركصن صاحت حره
حره - حقناا لمن نحجي معلك چا غير العالم جوانا
ردت خلود
خلود - محد يشبهنا بهل الدنيا بوجه الموت يجر سيفه
صحت بيهن
- ها هااا شكوو شعدنه
خلود - يولي شبيج انصكعتي خلينا نركص
- اجى غريب وشافج شتعملين بله
خلود - اكله تعال اركص وياي ههههه
اجى حميد شايل ابو عيون الصفر وآلياس شايل ابو خدود هه ضحكت حره
حره - شني يمه مابيكم تمشون
آلياس - توصيل ذوله جبناهم
حميد - ابن الوزير مايريد يمشي
خلود - لا حقه نسيت ابن منو هو
آلياس - هههههه لا يبا مانسيت
ضلو الجهال يلعبون وحره تصيح بيهم هيه تنضف وهما وراها رحت كملت شغلي دك عليه حبيب الكلب حطيت السماعات بذني واخابر رحت للمطبخ لكيت آلياس كاعد يبووو وهذا يحجي وانا بس اممم وهاهيه صح خطيبي بس استحي من اخوتي .
مثل كل لليله شتاء نتعلل وسوالف وضحك حره خابرها محمد جاوبته كدامنه فجأه مدري شكالها شوهاي احمرت واخضرت استلموها الولد
آلياس - عيني الرجال سكتها ماشوفها
حميد - عجَل شلون محمدنا بعد
رائد - هو اليوم ثنين غير الخميس
هو كال هيج غصينا من الضحك وهيه تضحك انطت التلفون للحجي ضلينا نسولف ونضحك لحد ماتعبنا رحت نمت .
اسفه لان قصير ع الايام الجايه الاحداث تخبللل
راح انشر صوره لعيون محمد واثبتها بلانستا تعاللو اذا تردون
- فضلاً وليس امراً تصويت وتعليق حلو -
أنت تقرأ
الكسر والعوض (الحاقدين)
Mystery / Thrillerعندما يموت الأب يذهب معه الحب والحنان (نصبح ايتام) ... ولكـن؟ عندما يعوضنا الله عن كسرتنا ستكون فرحتنه اكبر من الكسر الذي واجهناه ...؟؟ خلونا انه وياكم نتعرف ع (الگسر والعوض)
