تنثر نجدها بصدٍ عني وفراقي صاداً عنها

Part-13

سُمية : الله ثُنائي جديد على الساحة عاااشوا !
ليلى : انتِ غبيه؟حماره؟ثوووره؟! ماصدقتيّ اقولك كِذا
والله..
سُمية : ياخيّ ليلو شفيك والله طقطقة يا بنتّ !
ليلى : للأمانه ي سُمية معد صرتّ اعرف افرق بيّن طقطقتك وجديّتك..
جتّ لهُم وعد وقعدتّ ونطقت : تتساسرونّ من ورايّ ! افا افا ماهقيتها منُكم..
ليلى : وش الليّ نتساسر انتِ بعد..
سُمية : كنا نقول ي بنت الحلال انّ بالغلط يعنيّ بالغلللط صقر شاف ليلى بكِل زيّنتها..
ليلى : يا ليل أُم الليل ! بخور السوق انتِ..
سُمية : يااربيّ الا وعد عادي..
ليلى : صح اتفق معك وعد عادي..
وعد : صقر صقر ولا صقر؟
سُمية : هيّا خذلك شف ذي ! هههههههههههههههه..
ليلى : ياربي مدري من ويّن الاقيها..
وعد : بفصل عليّكم الحيّن !
سُمية بـ نص ضحكاتها : اي صقر صقر..
وعد : اها حلووو..
ليلى : وتقول حلوو!! لا عزّ الله فلحنا ههههههههه..
وعد : دقيقه بس..
غمضتّ عيّونها بقوووة..
سُمية : يُمه وش بها ذيّ..
ليلى : اللهم سكنْهم مسااكنهم يارب..
رجعتّ وعد تفتح عيّونها وقالتّ : يا غبيه انتِ وياها ! كنتّ قاعده اتخيّل شكل صقر جنبك ي ليلى احس فيّ كاريزما بيّنكم..
ليلى : كاريزما بـ عيّنك انتِ وهي تصدقون انا الغلطانه انيّ مبسطه معكُم اروح انظف ابرَك ليّ..
سُمية ووعد ضحكوا لما قالوا بس ، بعدها لحقوا ليلى بسرعة للمَطبخ ، غادة كانتّ بالصالة ماسكه الجوال..
___________________________
الريم كانتُ في سُبات ، كانتّ تعبانه جداً ، لكنّ رنْ عليّها الجوال قَطع نومتها ، مسكتّ الجوال بتعب ، فتحتّ عيونها شويّ شويّ وشافتّ انه النقيّب وقامتّ عدلتّ جلستها..
النقيّب أحمد : السلام عليكم الريم..
الريم وهي تحاول تعدل صوتها : وعليكم السلام عميّ..
النقيّب أحمد : اتمنى انيّ ماسببت ازعاج لك ي بنتيّ..
الريم : لا والله لا ازعاج ولاشي..
النقّيب أحمد : تمام ، الريم حبيّت اخبرك ان لازم تجيّن بُكرة ضروريّ جداً جداً ! مقدميّن المُهمة مخليّنها بعد بُكرة يعنيّ احتاجك بُكرة ضروووريّ..
الريم : بعد بُكرة؟ طيّب ليه كذا مستعجليّن مره..
النقيّب أحمد : الله اعلم ي بنتيّ ما باليّد حيّله..
الريم : لا تحاتيّ ان شاء الله بكونْ موجوده بُكرة..
النقيّب أحمد : الحمدالله اشوفك بُكرة بكل خير يارب..
الريم : امييييينْ وياك يارب..
النقيّب أحمد : يلا تصبحيّن على خيّر ي بنتيّ..
الريم : وانتّ مِن اهله عميّ..
قفلتّ الاتصال ورجعتّ تحط الجوال على الطاولة الصغيّرة الموجودة جنب السرير ، غمضتّ عيّونها تستقبل النوم للمره الثانيّة وهيّ تدعي ان محد يتصلّ عليّها ويقطع نومها..
______________________
الكِل راح نامّ وانتهى اليّوم الجميل الليّ مَر على الكُل..

[صلاة الفَجر-بيّت صالح]..
رسيل : تستهبليّن انتِ ! وش جوك تشربيّن شاهي حليّب من صباحة الله خيّر مجنونه؟
الريم : والله محد مجنون غيّرك اساساً ذا وقتّ الشاهيّ حليّب يا بقرة مع شروق الشمس..
رسيل : اشتهيّت..
الريم : انقلعيّ والله تنقلعيّن هذا اللي ناقص تنْقد وبعدها تسويّ الشي الليّ نقدته غبيّه..
رسيل : صبيّ لي شاهيّ سريع ولا اناديّ أُمي..
الريم : ودّك بـ شاهي تسويّن لك اما انا حقيّ مارح تذوقيّنه لو ايش !
أُميمة دخلتّ المَطبخ وقالت : وش فيّكم صوتكُم واصل لآخر البيّت؟
رسيل : يُمه شوفي بنتك الانانيّة ماتصب ليّ شاهي معها..
أُميمة : الريم..
الريم : يُممممممممه ! بالبدايّة قعدتّ تقول مِن يشرب الشاهيّ حليّب هالوقتّ والحيّن ودّها بـ شاهيَ؟
أُميمة : خلاص عطيّها وانا أُمك..
الريم همستّ : حسبيّ الله بس..
أُميمة : وحده منكُم تسويّ فطور لأبوكم وخالكُم..
أُميمة طلعتّ من المطبخ ونطقتّ رسيل : عشان ثانيّ مره تسمعيّن الكلام..
الريم : تسكتيّن ولا اصب الشاهيّ فوق ظهرك احرقك والله..
رسيل : يمااااميّ الخوف معبينيّ سديّ حلقك بس..
الريم : كلي تبن شويّ..
رسيل : اتصلّ على ليلى؟
الريم : يمكن نايّمه..
رسيل : طيّب بتصلّ سُمية..
الريم : مافهمت ليه تتصليّن لهُم؟
رسيل : مدري احس ودّي اتصل لهُم..
الريم : شفيك انتِ؟ حرام عليّك يمكن قاموا صلوا ورجعوا ينامون!
رسيل : طيّب طيّب خلاص معد بتصل كليتينيّ بـ قشوريّ !
الريم : امشيّ نطلع الحوش قبل لا نسوي الفطور..
قامتّ الريم ورسيل بعدها وتوجهو للحوش..