تنثر نجدها بصدٍ عني وفراقي صاداً عنها

Part-25

" افكر فيّك كِل ليلة ، انام و بالـصدر طَعنة "
-
سلطان : لا تحاولين اليوم مافي طلعه..
الريم بـ صراخ : الا بطلعع!
سلطان راح وقفل الباب عشان الممرضين والدكاترة لا يسمعون صوتها ، يعرف ان من حقها تعصب وتنقهر..
سلطان : الدكتور مو مسوي تحاليل لك مافي طلعه..
الريم بـ استغراب : وش من تحاليل؟ مافيني شي..
سلطان : طيب مافيك شي ذا تحاليل عشان يشوفون اذا في مكان بـ جسمك متألمّ..
الريم : والله والله مافيني شي..
سلطان : طيب اصبري شوي وبتطلعين..
الريم بـ غصة حارقه قلبها من ايّام : تكفى سلطان تكفى ما ودّي اقعد بالمُستشفى دقيقة زيادة تكفى..
مسح وجهه بـ كف يدينه وهو ماودّه يرد طلبها ، مسك جواله ودق على بدر..
سلطان : بدر تعال غُرفة 113 وجيب معك كرسي متحرك..
ابتسمتّ الريم وسط انهيّارها وضيّقتها ، كانت حاسه انه مابيرد طلبها وهي قايله له تكفى..
بدر : ليكون ناويّه تطلع؟
سلطان : مجنونه ماعليها شرهه..
بدر : صادق والله يلا انا جاي..
سلطان : اي وجيب جاكيتي من السيارة..
بدر : ابشر..
قفل سلطان الإتصال..
سلطان : ارتحتيّ؟
الريم : كثير والله..
سلطان : الشُرطة بيحقوون معك بس انا قلت لهم اليوم لا لكن بيختارون يوم وبيجونك..
الريم : يحققون بخصوص وش؟
سلطان : بخصوص اللي صارلك يبون ادق التفاصيّل..
الريم : عِقاب مات؟
سلطان : لا بالعناية المركزة..
بعد كم دقيقة ، هي تناظر ظهره وهو يناظر الباب و ودّه يناظرها لكن عارف انه مايقدر ، قاطع صمتهُم دخول بدر اللي نزل راسه على طول ، سلطان خذا الجاكيت منه ورجع كم خطوه لـ ورا بدون لا يلف ظهره ، مسكت الجاكيت منه ولبسته وهي جدًا مُرهقه من كل شي ، كانت لابسه بنطلون وسيع وحطت الجاكيت عشان تغطي الجزء العلوي من جسمها وتغطي شعرها كامل..
سلطان : تقدرين تمشين؟
الريم : جيب الكرسي لين هنا..
فتح سلطان الباب وجاب الكرسي ، هالمره ماقدر يمنع نفسه ورَفع نظره لها ومايكذب انه مشتاق لها ولوجهها ، ناظرته وهي تفكر لو بس تحلّ له كان حضنته وماتركته ، قعدت على الكرسي وطلعوا من الغُرفة بسرعة ، مشوا وبدر وسلطان يحاولون يسوون انفسهم طبيعين وانهم مو قاعدين يهربون مريضة كانت تحتاج لـ تحاليل.
بدر بـ همس : تعرفين انك ناويّه تدخلينا بـ مصيبة؟
رفعت راسها بعد ما ابتسمتّ وهي مشتاقه لـ مناقرتها مع بدر كأنها غايبة عنهم ثلاث شهور مو ثلاث ايام..
الريم : عادي الحيّاة تجارب..
سلطان ضحك ومسك راسها ونزله..
سلطان : نزلي راسك لا يشوفونك..
بدر : هد يالغيور مسرع حفظوا ملامح وجهها..
سلطان : بدر انكتم وانا اخوك..
بدر : وشلونك عسّاك بخير يالريم؟
الريم : بخير الحمدلله..
سلطان : الله يديم..
بدر : ياخي شتبي انتّ انا برد عليها ملقوف صدق..
سلطان : اي انا ملقوف..
بدر : اتصل على الأهل؟
الريم : لا لا مو الحين..
سلطان : وش مو الحين؟ الأهل مسوين مناحه عليك نبي نريحهم..
بدر : شدراك انتّ ذي حركات البنات يعنني مفاجأة وكذا..
الريم : بدر لهلدرجة فاضي تسولف؟
بدر : مدري عنك انتِ..
سلطان : اتصل لهم لا يشوفونها وتجيهم جلطة لا سمح الله..
الريم ضحكت لـ أول مره بعد ضيّقتها ، ابتسمت بعد ماضحكت وهي تشوف كيف بدر وسلطان قدروا يغيرون مزاجها بـ كم دقيقه لا اكثر ولا اقل ، طلعوا من المستشفى وسلطان كان قاعد يفتح الباب عشان الريم تدخل..
بدر : سلطان لا تستحي قول ان ودّك الريم تكون قدام..
الريم بـ ضحك : يااااربيي هههههههههههههه..
سلطان : بالمستقبل إن شاء الله و لـ ذاك الوقت بخليك بالخانه اخر شي بالسيارة عشام تنكتم..
ركبوا السيارة وهم يضحكون ، الريم مو مصدقه انها مرتاحه حاليًا واخيرًا ، غمضتّ عيونها وهي تفكر بـ اهلها..
-
هيّثم : هربت منه وفوق ذا كله اكلته ثلاث رصاصات!
علي : اي والله انها مب هيّنه..
هيّثم : خطتي قاعده تتراجع للخلف حسبي الله..
علي : انت صامل عالخطة!
هيّثم : اي ومصمم كثير..
علي : مسكينة هالبنت وش ذنبها يكون عندها ولد خال مثلك!
هيّثم : علي قُل خيرًا او اصمت..
علي : هو اللي يقعد معك يقدر يقول خيرًا؟
هيّثم : اذا بتقعد تبربر واجد اطلع برا..
علي : انتّ لو وش اقولك مابتفهم بس لما تشوف نفسك بالسجن بتعرف ان الله حقّ..
-
وصلوا سلطان وبدر والريم ، نزل سلطان وبدر بعده وفتح لـ الريم الباب..
الريم : عندي ايادي..
قفل بدر الباب بـ وجهها وضحكت على شخصنته ، فتحت الباب لـ نفسها وحاولت تقوم وقدرت ، مشت بـ بطئ عشان لا تتعب نفسها فوق التعب اللي فيها..
سلطان : حاسبيّ لا تطيحين..
بدر : اي حاسبيّ تراه مايقدر يحملك اذا طحتي هنا وسط الحاره..
سلطان : وش ماكل اليوم انتّ؟
الريم : خله خله يحب ينرفزنيّ التبن..
بدر : طيب طيب ، هم ببيتكم..
الريم : طيب بس بروح من الباب حق المطبخ..
سلطان : ليه تطوليّن الطريق عليك..
الريم : بروح اشرب مويه ياخي..
-
رسيل راحت لـ المطبخ تسوي شاي نعناع يغير مزاجها شويّ ، فتحن الريم الباب شوي شوي ولاحظت رسيل وابتسمت بـ شووووق لـ اختها ، فتحت الباب كامل وعلى طول قعدت على الكرسي وقفلت الباب ، انصدمت رسيل من سمعت احد قفل الباب ولفت ورا وتوقفت عن التنفس وهي تناظر الريم اللي تناظرها وتبتسم ، مو مصدقه انها قدامها ابدًا !
رسيل بـ صراخ : الرييييييمم!!!
راحت وحضنتها بـ قوة والريم بادلتها قوة الحضن..
رسيل : ماني مصدقه كيف ومن ووين!
الريم : اهدي وبقولك السالفه كامل بس تعبانه الحين والله..
رسيل حضنتها مره ثانية اقوى من اللي قبله ، نزلت دموعها على كتف الريم..
الريم : بس لا تبكيّن يا امي انتِ..
رسيل وهي تمسح دموعها : ياخي وش اللي لا تبكين! توني ادعي ربي يرجعك لنا الحمدلله يااارب ، مافيك شي صح؟
الريم : مافيني ولا شي لكن جوعاااانه جوع جوع!
رسيل : وين كنتي؟
الريم : اتصلي للبنات يجون هِنا..
رسيل : بروح انا..
الريم : لا بيفهمون انا مابي الكل يعرف الحين مابي امي تشوفني بهالشكل..
رسيل : طيب طيب..
اتصلت رسيل للبنات وكلهم جو المطبخ مستغربيّن من حماس رسيل ونبرة صوتها ، دخلوا وقفلوا الباب وراهم..
ليلى : خرشتينا ياخي وش بك؟
سُمية : في خبر عن الريم؟!!
الريم كانت ورا الثلاجة تسمع سوالفهم..
وعد : في خبر؟ انططططقي ياخي!
رسيل : الله اعلم..
غلا : يا كلبه يا تبن واحنا نحسب في شي..
الريم طلعت راسهت وهي تقول : طيب في شي..
صارخوا البناتّ بـ صددددمة !
سُمية : يويلي ذا شبح الريم ولا شسالفه؟
الريم مشت لـ عندهم وحضنتهم بـ قووووة..
الريم : وحشتوووونننييي..
رسيل ضحكت : الريم تراهم مهم مستوعبين صبر..
ليلى حضنتها مره ثانيه وهي تقول : يالتبن وييينك اقسم بالله وحشتينا كنت خايفين علييك..
بعدها وعد راحت حضنتها وسُمية وغلا..
الريم : نقصوا صوتكم مابي احد يجي غيركم..
وعد : تستهبلين انتِ! امك برا ماوقفت بكي..
الريم : عارفه ياخي عارفه..
سُمية : ويينن كنتي طيب؟
الريم : كان عندي تدريبات وممنوع نمسك جوالات ولا احد المفروض يعرف عن هالشي..
غلا بـ استغراب : منجدك انتِ ولا تمزحين؟
الريم وهي ماودّها تحلف : شفيكم بنات منجدي..
ليلى : هالثلاث ايام خلت الحاره تقلب وترعد بسببك يا بنتّ!
رسيل : الريم انتِ صادقه! كل هالاختفاء عشان تدريبات؟
الريم : شفيكم كل سنتين يسوون هالتدريبات بس هالمره خلوها قبل ثلاث ايام وماقدرت حتى اعلم احد..
رسيل سكتت لأنها عارفه ان الريم تكذب من نبرتها وملامحها..
الريم : رسييييل! ببكي من الجوع والله..
وعد بـ استغراب : ماكانوا يأكلونكم؟
الريم بـ توتر : الا بس اكلات محددة ما احبها..
قامتّ رسيل وسوت اسرع اكله وعطت الريم بسرعة..
سُمية : لك ثلاث ايام بهاللبس؟!
الريم : لا كانوا يعطوني لبس هناك..
ليلى : الحين اهم شي رجعتي لنا..
الريم : اي الحمدلله..
خلصتّ الريم اكل وبدت تعدل شعرها ولبسها عشان قدام ابوها وامها ماتبين ان فيها شي ، توترت من ردّة فعل امها ، رسيل طلعت من المطبخ وراحت على طول لـ أمها..
رسيل بـ ابتسامة : يُمه..
أُميمة : سمّي يبنيتي..
رسيل : يُمه الريم اثاريّها بـ تدريبات مركز حقهم وهالخرابيط ومافيها شي الحمدلله بس ممنوع تمسك الجوال..
أُميمة قامتّ فجأة : اسألك بِالله صاددددقه؟!
رسيل : اي والله..
طلعت الريم من المطبخ وراحت عند امها تحضنها ونص الباقيّ مصدومين!
أُميمة : الريم يا مُنى عيني ويا قلبي انتِ وينك وين هالغيبة!
الريم : تدريبات يُمه تدريبات..
أُميمة : الله يقلع هالتدريبات اللي اخذك مننا..
أُميمة نطقتّ مره ثانيه وهي ماسكه خدودو الريم : يُمه بنتي فيك شي؟ انتِ بصحتك؟ بخير؟
الريم ابتسمتّ : اي والله اني بخير يُمه..
جو عماتها وحضنوها يسألون عن حالها..
الريم : استودعكُم الله انا رايحه انام شوي لأن جسمي معد يستحمل اكثر..
أُميمة : اي روحي ارتاحي واي شي ودّك فيه قولي..
باست الريم راس أمها وراحت فوق وهي محذره البناتّ لا يلحقونها لأن ودّها تكون لـ وحدها وهدووووء..
مُنى : تدريبات وما اختلفنا لكن ليه جايه بدون عباية؟
غادة : الله اعلم يمكن صار فيها شي..
مُنى : بعدين هي مو على اساس صار لها بالشغلّ خمس سنين مدري اربع وش من تدريبات!
غادة : سمعتّ انها تروح مُهمات ومن هالسوالف..
مُنى : طيب لو تدريبات ليه بدر وسلطان هم اللي جابوها؟
غادة : متى بتكمل اسئلتك؟
مُنى : لا غادة منجدي ترا!
غادة : اظن ماعندها سيارة ودقت عليهم وراحوا خذوها يعني وين المُشكلة بالضبببط؟!
مُنى : طيّب شفيك عصبتي وش بلاك!
غادة : شوفي اسئلتك الغبية اللي مايبي لها تفكير حتى..
مُنى : اي وش اسوي يعني حرام اسأل..
غادة : روحي اسألي البنتّ نفسها مو انا..
مُنى : طيب لا تعصبين لحول الله..
-
سلطان : انا جايّ الحين..
طلع سلطان من المجلس بعد ماحصل مُكالمة من رقم مجهول..
سلطان : السلام عليكم؟
الريم : سلطان هذي انا بس برقميّ الثاني..
سلطان ابتسمّ من سمع صوتها : هلا الريم وش بغيتيّ؟
الريم : اذا احد سألك عنيّ وش تقول؟
سلطان : والله كانت مخطوفـ..
الريم قاطعته : لا انتبه انننتبه!
سلطان : وش اكيد بيعرفون..
الريم : كذبتّ عليهم قلت لهم كنت بـ تدريبات تخص المركز..
سلطان : ليه تكذبين؟!
الريم : ما ودّي ابوي وامي يكبرون الموضوع..
سلطان : ليه في شي؟
سكتت الريم..
سلطان : الريم عِقاب مسويّ شي؟
الريم : لا انا ماودّي وبس وخبر بدر معك..
سلطان : لا طلبك هالمره مرفووووض لين ماتقولين لي وش صار..
الريم : مافهمتّ اقولك وش بالضبط؟
سلطان حط رقبته بـ توتر : اقصد ليه ماتبين اهلك يدرون..
الريم : من القيل والقال وانا مابي اعور راسي عندك اعتراض لا سمح الله؟
سلطان : لا طبعًا حاشى لا اعتراض ولا شي واللي تبينه بيصير ابشري بعزّك..
الريم : مشكور سلطان والله ماتقصر..
سلطان : م بيّنا حنا ي بنت العمّ..
الريم ابتسمتّ على تعامله وقالت : طيب لا تنسى تخبر بدر بخور السوق ذا..
سلطان ضحك : صادقه هههههههههههههههههههه..
الريم وهي تناظر نفسها بالمرايه وتذكرت ان الجاكيت يخص سلطان..
الريم : سلطان بغسّل الجاكيت وبعطيه ليلى تعطيك..
سلطان : لا عادي خليه عندك مابه مشكلة..
الريم : ماعندك الا ذاك العطر؟
سلطان : اذا تقصدين على الريحة اي ادمماااان والله..
الريم بـ همس : حتنى ادمنته..
سلطان : قلتي شي؟
الريم : ها لا لا ، المهم تصبح على خير ولا تنسى اللي قلت لك..
سلطان : ابشري مانيّ بـ قايل لـ احد..
-
خَلف : وش الحل؟
النقيّب احمد : لا تحاتي مابتقدر تسويّ شي..
خَلف : تبي تقنعني ان عِقاب ماقال لها؟
النقيّب احمد : الله اعلم بس اظن لا عطانيّ وعد..
خَلف : هالبنتّ مابتترك هالموضوع فـ احسن لك اطردها..
النقيّب احمد : مشكلة كبببيرة الليّ مايعرفون الريم واطباعها ، لو طردتها بتزلزل المركز على رؤوسنا كلنا واحد واحد..
خَلف : لازم ندور حل مابتهدأ..
النقيّب احمد : اذا ماتّ عِقاب رح تدخل السجن..
خَلف : كيف؟
النقيّب احمد : مهما كانتّ الظروف القتل عليه عقاب..
خَلف : طيب؟
النقيّب احمد : انا اقول لازم نموت عِقاب عشان نفتك من مصيّبة الريم وتدخل السجن بـ تُهمة القتل..
خَلف : لا تستهبل كيف بنموتته!!
النقيّب احمد : حاليًا هو بالمُستشفى..
خَلف : اجل خلاص خل الموضوع عليّ انا..
خَلف نطق مره ثانية : مو على اساس الريم بنتك؟
النقيّب احمد : اي كانت مثل بنتيّ وانا كنت مثل ابوها لكن الظروف حدتني اسويها فيها هالشي..
-
« بالمُكالمة »
وعد : اقولك خلاص الكل مرتاااااح..
حمد : الحمدلله يارب..
وعد : حمد امي تبيني اقدم عرسنا..
حمد : ليه؟
وعد : خالتي بتسافر لأن..
حمد : وإذا؟ ما اظن انك مستعدة!
وعد : اساسًا قلت لها مستحيييييل اقدمه لو ايش..
حمد : حتى ماطلعنا ناخذ اثاث وندبر امورنا!
وعد : اي وفوق ذا كله اليوم بـ نص الضيّقة اللي بالكُل والحُزن قالت لي عن هالموضوع! مدري هي تستهبل ولا منجدها..
حمد : المهم اننا مابنقدم عرسنا..
وعد : وين اللي كان مستعجّل؟ ولا الظاهر مليّت مني..
حمد : تدورين مشاكل؟
وعد : ههههههههههههههههه تقدر تقول اي..
حمد : لا تخافين انتِ مو الإنسانة اللي امل منها يا روحي ثانيًا انا لحد الان مستعجّل بس عارف انك مو مستعدة وتحتاجين وقت..
وعد : وحشنيّ الشغل..
حمد : بعد العرس ترجعين إن شاء الله..
وعد : بقابل منيرة وانتف شعرها لين ماتندم..
حمد ضحك : هديّ يا بنت وش فيك عليها؟
وعد : عشتتوووووو! ماشاءالله وتدافع عنها قدامي..
حمد : تخسي والله ما ادافع..
وعد : بلكتها؟
حمد : اي والله ، ماتثقيّن فيني؟
وعد : حمد لا تقول كذا اكيد اثق فيك لكن ما اثق فيها..
حمد : الحين اهم شي انا..
وعد : كم يوم بعد ماتهدأ الأمور نطلع ونختار اثاث..
حمد : عجّل علينا يالووووقت..
وعد : هههههههههههههههههههههههههههههههههه..
-
سُمية : معليش بس تصرفات الريم فيها شي..
رسيل وهي تحاول ترقع : لا مافيها شي بس هي كذا تعبانه واضح..
ليلى : انا مع سُمية يعني وش كانوا يسوون فيهم عشان يكون شكلها كذا؟
غلا : بنات شفيكم تراهم يتدربون بين التراب اكيد يعني..
وعد : صح كلام غلا دام الريم قالتّ تدريبات يعني تدريبات واذا في شي اكيد بتقولنا ليه بتخبي مثلًا؟!
ليلى : صح كلامك وعد لكن سُمية تحب التحقيق اللازم..
سُمية : يا ام وجهيّن توك معي وتقولين انا مع سُمية..
ليلى : اسحب كلامي اجل..
سُمية : شف خيانة عيني عينك ياساااااتر!
رسيل : بناتّ اليوم السهره عندي طبعًا..
غلا : لا نزعج الريم..
رسيل : الريم اذا تعبانه ساعتين تكفيها للراحة لا تخافون بتقوم بعد شوي وبتقعد معنا..
وعد : اي ونشوف فلم اجل..
رسيل : قدااام بس لما يروح الكل..
غلا : مُنى بتقعد معي اذا مافي مشكلة..
رسيل : طبعًا مافي..
وعد : وانا غادة..
رسيل : مافي شي عادي..
سُمية : اي صح رسيل وش صار على الخُطاب اللي جوك؟
رسيل تأفف بـ ضيّق : امي قالت شكلهم مصمىين فعلًا! متصلين امي واول امس بس امي ماردت عليهم..
ليلى : طيّب؟ استخرتي؟ فكرتي؟
رسيل : فكرت بس باقي استخيّر ان شاء الله يصير خير..
غلا : طيّب بعيد عن كل شي الآن انتِ ودّك؟
رسيل تذكرت كلمتين من بدر يوم النظره الشرعية لها ، { ودّي بك } ، شربتّ مويه بسرعة من التوتر لأنها صارت لازم تفكر بـ نفسها شوي وتعرف ان هالشي مو لعبه..
رسيل : لا تسألوني عن مشاعري تكفووون يرحم لي امكم لأن انا بروحي ماني عارفه وش اقول و وش اسوي بس فيني احساس ان ماودّي الصراحة..
وعد : خلاص اجل انتِ استخيري و الله يكتب اللي فيه الخير..
سُمية : لحين افكر فيك انتِ واخوي..
رسيل : وانا لحين افكر اعطيك كف تنكتمين..
ليلى : سُمية تنكتم؟ ههههههههه هذا بالأحلام..
رسيل : طالعه على اخوها يحب يسولف..
سُمية : يلا بس يحصلكم مثلي ومثل اخوي..
غلا : سُمية وبدر نكتة والله..
سُمية : احمدوا ربكُم على الأقل نضحكم شوي..
البناتّ ضحكوا وقالوا : اي والله صادقه..
رسيل راحت لـ امها ورجعت للبنات : بناتّ اعذروني بكنسل السهرة اليوم ابوي بيجيب عُمال..
ليلى : عادي عادي يوم ثاني إن شاء الله..
-
الريم : يُبه ابي اسوي عُمرة..
صالح وهو يمسح على شعرها بـ حنيّة : الحين مو وقته يا بنيتي..
الريم : يُبه تكفى والله احتاج و ودّي اسوي..
صالح : مايصلح يا بنتي..
رسيل : انا والريم نروح نسوي آخر مره سوينا السنة اللي فاتت..
أُميمة : إن شاء الله لكن مب هالوقت خلوا الدنيا تهدأ شوي..
الريم : اي عادي اي وقت بس كلموني ابي احجز..
صالح : إن شاء الله..
راحت رسيل والريم فوق ورسيل سحبتّ ذراع الريم ودخلتها غُرفتها وقفلت الباب..
رسيل : يلا تفضلي..
الريم : اتفضل وش؟
رسيل : قولي اللي صار بالتفصيّل المفصل الآن ولا تكذبين عليّ بـ سالفه التدريبات وغيره ترا انتِ قدرتي تكذبين عليهم لكن عليّ؟ لا فـ يلا انطقي..
الريم : رسيل تستهبلين اذا ماكنت بالمركز وين بكون؟
رسيل : لا تعصبيني وتخليني اصارخ!
الريم : رسيل وانا اختـ..
رسيل : بتنطقين ولا بتخليني اسحب الكلام من بدر وسلطان؟
رسيل نطقت مره ثانية : رحت لـ بدر ولـ عند مكتبه ! ليه ماقال لي عن التدريبات ها؟ قال انه يعرف اللي صاير وكان يكلمني بـ طريقة خلتني اعرف ان فيك شي..
الريم بـ هدووء : لا تضغطين عليّ..
رسيل : الا بضغط لما تتكلمييييييييين!
الريم بـ عصبيّة مسكت الكوب اللي فوق الطاولة ورمته على الأرض وانكسر ، انصدمتّ رسيل من عصبيّة الريم اللي عروقها بدتّ تبين على وجهها وهالشي نااااادرًا يصير فيها..
الريم بـ صراخ : قلت لك لا تضغطيييييين عليّ !
————————
انتهى البارتّ 25 !
البارت تقريبًا مو طويل لكن انا بالأصل منزله بارتين بـ نفس اليوم❤️ ، سامحوني على الأخطاء الإملائية..

انستا : rioolpme
-
لا تنسون التصويت والتعليقات الحلوه🤎.