البارت الجديد
كان المفروض ينزل بدرى بس النت ومشاكله
.........................................................................
وصلو جميعاً لقسم الشرطة كان ريان يتمسك بأخيه الذى لاتختلف حالته عنه يشعر بخوف كبير وذعر بينما جاسر يسير بجوارهم هو وياسين يتبعهم مصطفى وسيف ورائد وقفو أمام غرفة المكتب تلك ليدلف الشرطى فى البداية وبعد دقائق غادر ليقول: الولدين لازم يتحطو فى الحجز لغاية لما والدهم يجى
تمسك ريان بأخيه بقوة أكبر بينما راكان كان يرتجف خوفاً يحدق حوله بعين مهتزة خائفة ، وحينما هم الضابط يوضع يده عليهم أبعده ياسين وتابع: قولتلك إيدك متتحطش عليهم
الشرطى: دى تعليمات يافندم وانا بنفذ القانون
سيف وقد استفزه الوضع : والتعليمات بتقولك تحط اولاد فى سنهم فى الحجز مع المجرمين
لم يجيبه الشرطى قبل أن يؤدى التحية العسكرية حينما لمح اللواء ماهر الذى أتى بعد إتصال جاسر به لينظر لجاسر وقال: فى أيه ياجاسر أيه اللى حصل؟
تابع جاسر بثبات: أنا اللى عايز أعرف اللى بيحصل ياماهر إزاى يتم القبض على ولاد تحت السن القانونى ويعنى ايه عايزين تحبسوهم
نظر ماهر للشرطى الذى قال : يافندم فى بلاغ متقدم ضد الولاد ووالدهم هو اللى مقدم البلاغ إنهم سرقوه وهربو منقدرش نتمم المحضر إلا لما والدهم يجى علشان كده هنحطهم فى الحجز
صمت ماهر لينظر لجاسر وتابع: جاسر تقدر تستنى فى مكتبى أنت والولاد ، هشوف الموضوع ده وأجيلك معاهم ياحضرة الظابط
الظابط وهو يؤدى التحية العسكرية: تحت امرك يافندم
..........................................................
عند كريم عاد إلى القصر بعد ان إنهى محاضراته ليصعد غرفته يعلم أن إبناء عمه جميعهم بمدارسهم أو كلياتهم ولذا دلف لغرفته على الفور وهو يتذكر ماقاله له صديقه:
فلاش باك
كريم وهو يجلس امام صديقه ويقول بعدم فهم ودهشة: انت بتقول ايه ياسامر ؟ انت اتجننت
سامر: يابنى والله مابكدب مفيش حد فى كلية ادارة الاعمال بأسم رحمة ياسين الرشيدى
كريم بصدمة: يابنى يمكن اخوك مدورش كويس ؟
سامر: كريم هى دى فيها غلط وصح
كريم بتردد: يمكن هى سقطت سنة فأسمها بكشوف اولى بدل سنة تانية
سامر وهو يزفر بضيق: ده سيستم كلية يابنى والسيستم مفيهوش حد بالاسم ده فى الاربع سنين
باك
اعتدل وهو لايعلم مايفعله ابنة عمه ليست بالكلية التى تخبرهم إنها بها ، هم يقومون بإيصالها يومياً حتى هو اوصلها اليوم لها فكيف تكون ليست بتلك الكلية
