معلش ياجماعة
البارت اتاخر بسبب الكهرباء كل شوية بتقطع
............................................................
بقصر الرشيدى
استيقظ جاسر صباحاً في وقت متأخّر بالأمس عاد هو وريان للمستشفى وقد ظهرت نتيجة التحاليل التى أجروها لإياد وقد أثبتت إيجابيتها
لم يخبر فلك بذلك بل لم يخبر أحد أراد الذهاب له أولاً مثلما فعل مع نجمة وأعادها للقصر
وقد كانت مفاجئة للجميع نظر حوله ليبحث عن فلك ولكنه لم يجدها اعتدل بنعاس ناظراً نحو الساعة لينهض بسرعة واتجه نحو الحمام ليخرج بعد دقائق وارتدى بدلته الرسمية ..
وقف أمام المرآة يُسرح شعره الذي يلمع بقطرات مياه ندية و أمسك ساعته السوداء ولبسها ليظر تجاه الباب حينما دلفت فلك ليهتف لها بابتسامة: صباح الخير
ابتسمت فلك واقتربت منه لتعدل من ربطة عنقه وهى تقول له: صباح الخير ياحبيبى ، شكلك كنت تعبان علشان كده سيبتك تنام
جاسر وهو يضمها له برفق ليقبل قمة رأسها: الحمد لله ياحبيبتى ربنا كريم اوى
نظرت له بعدم فهم وهى تبتسم لتكمل: مالك ياجاسر ، بالك رايق اوى النهاردة
ابتسم جاسر وهو يمسك العطر الخاص به ليضع منه القليل وتابع: أوى ، حاسس انى خلاص ملكت الدنيا وماعليها
نظرت له فلك بشك قليلاُ لتمسك زجاجة العطر منه تضعها على المزينة وتابعت: ملكت الدنيا ازاى يعنى ؟
جاسر وهو يبتسم: فرحان يافلك فرحان قوى
فلك ولم تتغير نظرة الشك تلك من عيناها لتقول له: جاسر أنت ناوى تتجوز عليا
نظر لها بعينان متسعة وتابع : نعم انتى بتقولى ايه
فلك بعصبية: أه ماهو روقان البال اللى انت فيه ده غريب اوى شكلك كده ناوى تتجوز عليا أو بتفكر فى كده صح
جاسر: يافلك انا
قطع كلامه حينما فتح الباب ليظهر ياسين وسيف الذى قال: انا سمعت ان فى حد هيتجوز ، ايه ده من ورايا ياجاسر
فلك: شوفت انا كنت حاسة بكده
ياسين: كده برضه ياجاسر دى حتى فلك حلوة مهما كبرت ولاعلشان بقت منكوشة يعنى
منكوشة قالتها فلك وهى تنظر لنفسها بالمرأة ليقول سيف: معلش يالوكا قدرك كده يابنتى
هو مين هيتجوز على مين ؟ قالها مازن بفضول وهو يقف بجوار ياسين الذى قال له : ابوك ناوى يتجوز على امك
نجمة: الله يعنى هلبس فستان سهرة
سيف: بيقولك هيتجوز على امك يابنت الهبلة
