من ساعة لما بدأت الجزء التانى من الرواية وأنا ملاحظة أن التفاعل معاها قليل قوى
مش بنفس حماس الجزء الاول
هى الاحداث مش عجباكم ولاأيه
بس عموماً نزلتلكم البارت
..............................................................
بقسم شرطة .......
الشرطى وهو ينظر لعشق بذهول : هو فى ايه بالظبط ، هو انا مواريش غيرك يا عشق ...نفسى استجوب حد غيرك يابنتى
ضحكت عشق وهى تقول : وعد يا مالك باشا لو خلتنى امشى ، هحاول انك متشوفش وشى لمدة أسبوع فى القسم
مالك بضحك: وليه مش شهر مثلا ها ، يا بنتى انتى بتعشقى المصايب يعنى ده اخواتك هيتفضحو فى الداخلية كلها بسبب عمايلك
عشق: دا جزاتى يعنى يا باشا انى عملالك حس فى القسم كدا ومخلياك تشتغل بدل ما انت قاعد زى قرد قطع ومش لاقى حد تستجوبه
خبط مالك على المكتب : عشق لمى لساند بدل ماأبيتك فى الحجز النهاردة
انتفضت عشق بخوف لتقول : هو كل شوية حد فيكم يشخط فيا انا مش هتكلم الا لما المحامى بتاعى يجى
دلف أدهم ورحيم لداخل مكتب الشرطى لتبتسم عشق وتركض لمكانه لتقول : اهو المحامى بتاعى جه أهو
نظر أدهم لمالك الذى كان ينظر لهم بيأس فهو نفس دفعة رحيم وكان صديقهم بالثانوية العامة ليقول أدهم له : هى عملت مصيبة ايه المرة دى ؟
أشار مالك عليها وتابع: اهه عندك أسألها
رمقها أدهم بحنق لتقول عشق بخوف : ولا حاجة ، ظلم جيت هنا ظلم
مالك : نعم ياختى ، ظلم؟ ده انتى تظلمى بلد بحالها ياعشق ، الهانم جاية مع شبكة دعارة قفشناها النهاردة
رحيم بصدمة: يانهار أبوكى أسود ده أبوكى هيعملك بوفتيك
أدهم: ياعم اتنيل استنى دعارة أيه يعنى كانت من غير هدوم معاهم
شهقت عشق وهى تلكزه وتقول: قليل الادب
رحيم وهو يقول لمالك بحنق: ماتخلص يامالك كانت بهدومها ولامن غيرها
مالك بنفاذ صبر: انت بتزعق ليه يالا ده انتو عيلة مجانين وشكلكم ناويين تجننونى مش كفاية المجنونة دى
أومىء رحيم ببطىء وتابع: بلظبط احنا عيلة ضاربة وهى أختى
مالك : هى مش جية فى حاجة بس اتحبست علشان لسانها الطويل دى شتمت سيادة اللواء والعساكر وكل القيادات
رحيم وهو يرفع يده : انا معرفهاش
لكزه أدهم بحنق وتابع: معلش يامالك اصلها بنص عقل بس غاوية صحاافة هنعملها ايه انا طبعاً بعتذر للداخلية كلها على الاشكال دى
