حرب لأجل العشق

الفصل الثاني

تاني يوم صحيت سيليا ف معاد المدرسه علي صوت المنبه كالعادة وقامت واتوضت وادت فرضها وجهزت للمدرسه و نزلت للمدرسه قدت يومها عادي و وهي راجعه كالعادة ف اخر فتره لقت الولد الغريب دا قاعد مستنيها واول ما شافها ابتسملها وهي عملت نفسها مش شايفاه ودخلت علي بيتها
طلعت بسرعه شقتهم و دخلت علي اوصتها بسرعه وهي مطمنه لان مفيش حد ف البيت
دخلت بسرعه اتصلت علي صاحبتها مرام

سيليا : ي مرام الواد دا غريب اوي والله دا تقريبا حافظ مواعيد دروسي ومدرستي وكل ما انزل الاقيه قاعد

مرام بضحك: والله انتي اللي عيلة فقر قولتلك الواد دا واقع علي بوزه وانتي مش مصدقاني

سيليا بوجع: واقع ايه بس ي مرام هو انا حد يبصلي اصلا وبعدين يبصلي علي ايه علي وشي اللي باين عليه التعب ولا علي ايه

مرام بغضب خفيف: فوقي بقي ي سيليا انتي ليه مش مقدره قيمه نفسك ليه شايفه نفسك وحشه مع انك بسم الله ما شاء الله قمر واخلاقك الكل يشهدلها

سيليا : والله ي مرام محد شايف كدا غيرك المهم سيبك مني دلوقتي انتي ايه اخبارك

مرام بهزار : انا ميت فل وعشره ي باشا

فضلو يتكلمو لحد ما سيليا قفلت علشان تقوم تروق اوضتها وتخلص حاجات وراها

بعد كام ساعه

سيليا وهي نازله : طب والله العظيم هلاقيه واقف وانا بقولك اهو

مرام : طب ما تسيبيه واقف ي ستي انتي محسساني انو واقف فوق دماغك ليه ي نكد

سيليا : ي مرام لو حد خد باله من نظراته دي هروح ف داهيه والناس مبترحمش وانا ابويا لو اتقال عليا كلمه واحده عندو استعداد يموتني

مرام بهدوء : انتي مالك انتي سيبك خالص وانزلي روحي درسك واعملي نفسك من بنها

سيليا : حاضر ي مرام باي

نزلت سيليا رايحه لدرسها لقت برضو نفس الولد قاعد مع صحابه بس المره دي مكتفاش بنظراته وبس لاكن همس وهي معدي وهو بيقولها جمله خلتها اترعشت من الصدمه

الولد : آااااخ سبحان من صورك ملاك علي الارض

سيليا اتلجمت من الصدمه وبقت حاسه ان رجلها مش شايلاها من الصدمة والتوتر بصتله بصدمه وهو ابتسملها وغمز وهي من كمية التوتر طلعت تجري من قدامه

بعد الدرس ما خلص

مرام : ههههههههه بموت وربنا مش قادرة خلاص ي بنتي انتي قربتي تقعي من طولك مكانتش كلمه دي اللي عملت فيكي كدا

سيليا وهي لسه تحت اثار الصدمة : كلمه كلمة ايه دي دا جمله تجيب اجل الواحد وربنا دا انا محسيتش بنفسي غير وانا داخله الدرس بجري

مرام بضحك: طب اهدي طيب المهم هتروحي ازاي ي فلحة

سيليا بخضه : انا نسيت حكايه المرواح دي بس انا مستحيل اعدي من هناك تاني