بعد مرور اسبوعين علي سفر نادر وحمزه
كانت رحمه فيهم دايما فيديو كول مع نادر وكانها معاه بالظبط
وكذالك سيليا دايما بتكلم حمزه
وانهاردة اتحدد معاد عملية نادر واللي هتكون كمان يومين
رحمة لنادر فالفون وهي بتتماسك علي قد ما تقدر وبتحاول ان خوفها وقلقها ميبانش ف نبرة صوتها : انا كويسة ي حبيبي المهم انت ايه اخبارك انهاردة
نادر : الحمدلله ي حبيبتي انا بخير طول ما انتي بخير
رحمة : طب مش انت كان المفروض هتعمل اخر التحاليل بتاعتك انهاردة وبتتجهز للعملية
نادر : اه فعلا انا عملت التحاليل انهاردة الصبح وخلاص كل حاجة جهزت
رحمة بنبره مهزوزة : خلي بالك علي نفسك ي نادر
نادر وهو عارف انها بتحاول تتماسك قدامه علشان متقلقهوش عليها : حاضر ي قلبي وكفاية قلق بقي
رحمة بشهقة خفيفة ودموعها بدات تنزل علي وشها من تاني : اهدي ازاي بس ي نادر وانا روحي ممكن تضيع مني
نادر بمكر : وهو انا روحك ي رحومتي
رحمة بدموع وحب : انت كل حاجة ليا ي نادر مش روحي بس والله لو حصلك حاجة هموت فيها
نادر : بعيد الشر عليكي ي قلبي متقوليش كدا ان شاء الله خير
رحمة : يارب يا نادر يارب
نادر : عارفة ي رحومة لو ربنا اراد والعملية نجحت ان شاء الله ورجعت مصر اول حاجة هعملها انتي هاجي اتقدملك وتبقي خطيبتي قدام الدنيا كلها
رحمة بابتسامة حب : ان شاء الله ي حبيبي
___________________________________
ونروح عند سيليا
كانت قاعدة ف البلكونة وهي بتبص للسما وشاردة
قطع شرودها صوت تليفونها ... خدته وكان حمزه
سيليا ردت بلهفة وهي بتقول : الو ي حمزه انت كويس طمني عليك
حمزه : اهدي ي قلبي انا بخير متقلقيش
سيليا بدموع وهي بتقول : حرام عليك ي حمزه انت امبارح طول اليوم مكلمتنيش واتصلت عليك كتير تليفونك مقفول وانهاردة طول النهارده برضو تليفونك مقفول
حمزه بحزن من نبرة صوتها : انا اسف ي قلبي حقك عليا بس امبارح طول اليوم كان نادر بيعمل اشعات وحاجات علشان العملية وانا كنت معاه وهو لسه مخلص الاشعات والتحاليل بتاعاته انهاردة الصبح وانا اول ما عرفت ارجع البيت رجعت لاكن لقيت الفون فاصل شحن حطيته علي الشاحن وبكلمك اهو
سيليا بشهقة : طب متروحش ف مكان من غير تليفونك تاني
حمزه : حاضر ي قلبي انا اسف .... المهم طمنيني عليكي انتي عاملة ايه
أنت تقرأ
حرب لأجل العشق
Romanceرواية بتحكي عن بنت بتعاني من قسوة اهلها وفجاه بيظهر قدامها شخص غريب من وجه نظرها هيحبها بس ياتري القدر هيلعب لعبته معاهم ازاي
