حرب لأجل العشق

الفصل الثامن والعشرون (الاخير)

عدي شهرين علي ما نادر خلص علاجه بالكامل والدكاترة تأكدو من التخلص من الورم بشكل كامل وعدم احتمالية رجوعه مرة تانية

ف خلال الشهرين دول علاقة حمزه بطارق اتحسنت كتير وبأت الي حد ما كويسة وطبيعية ولكن برضو الجو مبيخلاش من مناقرتهم كل شوية بسبب سيليا

سيليا اللي طول المدة دي كلها كانت حاسة انها اتولدت من جديد بسبب معاملة طارق معاها واللي نقدر نقول عليها دلوقتي انها معاملة اب لبنته بجد

اما نادر ورحمة ف نادر ي حرام كان محاصر ف كل مكان من عماد اللي مكانش بيسمح انهم يتكلمو مع بعض بس بعيد عن الكل لحد ما نادر قرب يتجنن ... ورحمة كانت تضحك عليه دايما

اما عماد ف اكتشف جانب جديد ف شخصيته وانه غيور جدا علي بناته وحتي انه بيحس بغيظ من نادر ومن فكره انه دخيل علي عيلته الصغيرة الدافية اللي فضل عمره كله يحبهم ويحميهم وكان حابب دوره دا جدا ... كمان بقي بيعذر طارق علي تصرفاته جدااا وساعات كتير بيقف جنبه ويسانده حتي لو شايف ان اخوه اللي غلطان الا انه بقي عارف كويس احساسه ايه

اما هشام وليلي ف هما حالهم متغيرش مازالو بيحبو بعض وبيتسندو ببعض ( حقيقي علاقة هشام وليلي برغم انهم مكانش ليهم دور اساسي ف الجزء دا من الرواية الا انهم من احلي الثنائيات اللي حبيتهم )

اما بالنسبة لمصر ف الحال يبقي كمان هو عليه باستثناء ان مروة بقت بتعتمد علي يارة بشكل كبير ف متابعة اخبار فريدة ويارة يعتبر انها بقت دراع مروة اليمين (ما جمع الا لما وفق بصراحة😒)

و تمارة ويوسف واللي جننو سناء طول الفترة دي 😂

________________________________

كان طارق ، عماد ، هشام ، ليلي ، نادر و رحمة ، واخيرا عصافير الحب بتوعنا (حمزة وسيليا)

كان الكل واقفين في مطار برج العرب الدولي بالاسكندريه بعد ما واخيرا رجعو لمصر من تاني

اتكلم هشام بابتسامة وهو بيبص علي الشارع من حوليه وقال : ياااااه واخيرا رجعنا لبلدنا من تاني ... دا الواحد حاسس انه بقاله سنين مسافر مش شهرين

رد عليه طارق وقال : فعلا والله الواحد بيبقي حاسس انه غريب ووحيد طول ما هو بعيد عن بلده

اتكلم حمزه بمرح وقال : اسف اني هقطع وصلة المشاعر الجميلة دي بس انا عايز اروح ي جماعة عايز انااااااام

بصله طارق بقرف وقال : والله مغلطش لما قولت بني آدم مستفز وبص لهشام وقاله : علي فكرة بقولهالك تاني اهو انت معرفتش تربي الواد دا تقريبا اتشغلت بتربية نادر ونسيت دا خالص علشان كدا تلاقي نادر محترم ومتربي مرتين اما دا ف التربية معدتش من قدامه حتي

الكل ضحك علي كلام طارق ورد هشام عليه بمرح وقال : حبيبي والله ي طارق تشكر ي زوق

ف الوقت دا مال نادر علي رحمة اللي كانت واقفة جنبه وقال : شوفتي الكل بيحلف بأخلاقي وتربيتي ازاي ي رحومة