حرب لأجل العشق

الفصل السابع

ملحوظة ** محدش يعرف بجواز حمزة و سيليا غير كريم ابن عمتها و يوسف اخوها واللي عرفو عن طريق الصدفة من اكتر من سنه انهم بيحبو بعض

عدي اكتر من ثلاث اسابيع وسيليا وحمزه بيتكلمو والوضع كما هو عليه لحد ما جه يوم اعلان نتيجة الثانوية العامة

سيليا قاعدة قدام اللاب توب وهي خايفة ومتوترة وبتحاول تجيب النتيجة

امها بتريقة : اما نشوف ي ست الحسن هتجيبي كام و وهتجيبي اعلي من بنت سناء ولا بنت سناء هتجيب اعلي منك ساعتها اقسم بالله ما هحلك ما احنا مش نصرف ونكع دم قلبنا و في الاخر تيجي البت دي وتجيب اعلي منك

سيليا بخوف وهي خلاص علي وشك انها تعيط : ابوس ايدك ي ماما سيبيني ف حالي بقي

ورجعت سيليا تحاول تجيب النتيجة

ف شقة عماد كانت ياره قاعدة بلا مبالاه و رحمة اختها بتحاول تجيب نتيجتها هي كمان لكن بسبب الضغط اللي علي الموقع النتيجة مش راضية تطلع بسرعة

سناء بغيظ من بنتها : ي بنتي حرام عليكي ايه البرود اللي انتي فيه دا دا احنا قلقنين علي نتيجتك اكتر منك

يارة ببرود : انا مش عارفة ايه الافورة اللي انتو فيها دي اصلا

تماره بغيظ منها : ي بنتي بطلي الطريقة اللي بتتعاملي معانا بيها دي واعدلي طريقتك مع امك

ياره : اوووووووووف بقي منكو بصو انا مش فارق معايا نتيجة ولا زفت وطريقتي عجباني ومش هغيرها ودا اللي عندي اذا كان عجبكو

سناء بحسرة علي بنتها : ربنا يهديكي ي بنتي يارب

رحمة : جبت النتيجة

سناء بلهفة : طمنيني ي بنتي عملت ايه وجابت كام

رحمة ساكته وهي بتبص علي نتيجة ياره بصدمة

سناء : ما تتكلمي ي بنتي قولي جابت كام

رحمة بصتلها بحزن وفضلت ساكته

تمارة قربت من اللاب باستغراب وهي بتبص علي النتيجة وبصت بصدمة هي كمان

سناء بصت عليهم وعلي صدمتهم بخوف وقلق وهي بتقول : ما تتكلمي انتي وهي وقولو جابت كام انا قلبي وقع ف رجليا

رحمة اتكلمت بزعل وهي بتقول ل سناء : جابت 59% ي ماما

سناء بصدمة وهي بتضرب علي صدرها : يلهوي

تماره وهي بتبص ل ياره اللي بتبصلهم ببرود ولا مبالاه

متتخضيش ي ماما كويس انها مشالتش مواد ولا حاجة وبعدين دي ياره كنتي مستنية منها ايه يعني

ياره بغضب وهي بتبص لتماره : انتي ي بت انتي اتلمي احسنلك ومتنسيش اني اختك الكبيرة

تماره بإستهزاء : اختي الكبيرة ماشي ي كبيرة اسفين احنا فعلا المفروض منكلمكيش اصلا