حرب لأجل العشق

الفصل السابع والعشرون

صلاح فتح الباب و ظهرت منه واحدة واضح انها شابة صغيرة لكن لابسة كاب مغطي نص وشها مخبيه ومش مخلي ملامحها باينة اوي

صلاح بصلها بإستغراب وقال : اهلا وسهلا مين حضرتك

اتكلمت البنت وهي موطية وشها : من طرف مروة هانم

ف الوقت دا كانت فاطمة واقفة عند باب المطبخ ولان المطبخ قريب من الباب سمعت كلام البنت ف جريت بسرعة علي فريدة وقالت وهي بتسحبها وراها ناحية باب المطبخ : تعالي معايا بسرعة

اتكلمت فريدة بعدم فهم : ما تفهميني ي فاطمة في ايه

فاطمة كانت فتحت الباب وشدت فريدة معاها وقفلت الباب براحة ف بصت لفريدة وقالت : مش وقت اني افهم فيكي بس اللي برة دي واحدة الزفتة مروى بعتاها واكيد هتنزل تشوفك علشان تتأكد انك بتتعاملي زي ما مروة موصية ف انتي لازم تنزلي معايا حالا وبطلي كلام

فريدة نزلت مع فاطمة بدون كلام فعلا و فاطمة فتحت باب ف الدور اللي تحت واللي اتضح انه باب بيدخل علي منور ف الدور اللي تحت دخلت وقفلت واراها و دخلت فريدة للمخزن واللي كان مليان بالكركيب و مترب وغير صالح للحياة بالمرة شدتها فاطمة علي جنب من المخزن وكان مرمي علي الارض مرتبة قديمة

اتكلمت فاطمة بإستعجال وهي بتقعد فريدة وبتسحب حبل من جنب المرتبة : معلش ي فريدة انا اسفة والله لكن مطرة اربطك كدا ومتخافيش انا مش هعقدها جامد علشان متوجعكيش

ردت عليها فريدة بحزن و وجع : كملي اللي بتعملية ي فاطمة بسرعة واطلعي قبل ما الست دي تلاحظ حاجة ومتقلقيش عليا انا اتعودت علي كدا

فاطمة ربطتها وبصتلها بحزن ف بادلتها فريدة نظرتها بنظرة طمأنة وابتسمتلها بتشجيع وهي بتشاورلها علي الباب علشان تطلع

اما فوق عند صلاح ف دخل البنت دي وقفل الباب وراه واول ما قفل الباب شالت من علي راسها الكاب وظهر وشها اللي اول ما صلاح شافه بصلها بصدمة وعدم تصديق وقال : مستحيل ازاي

صلاح كان بيبصلها بصدمة لان البنت دي كانت يارة

اتكلمت يارة بنفاذ صبر وهي بتبص علي البيت حوليها بقرف : ياريت نخلص من حالة الصدمة دي بسرعة علشان انا معنديش وقت اضيعة علي واحد مقرف زيك

صلاح بصلها بذهول من طريقتها وكلامها هو فعلا مصدوم صدمة عمره ازاي بنت عماد المهدي اللي كان اكتر حد بيحب فريدة وبيعتبرها اخته وكان رافض بشدة جواز طارق من مروة بنته دلوقتي واقفة قدامه وهي مشتركة مع الشيطانة التانية ف اذية فريدة ازااي ازاااااااي !!

صلاح فاق بالفعل من صدمته وكلم ياره : مش انتي تبقي ياره عماد المهدي بنت عماد المهدي اخو طارق المهدي صح ولا انا غلطان ولا ايه اللي بيحصل بالظبط