حرب لأجل العشق

الفصل الثاني عشر

وعند الشباب كان كل واحد جنب حبيبته وبيتكلمو

نادر بصوت واطي لرحمة : بقولك ايه ي قلبي

رحمه بابتسامة وهي بتبصله : قول حبيبي

نادر : ايه رايك آخدك و نخلع احنا كمان زي الواد حمزه

رحمه بصتله بحماس وهي بتقول : اوكي موافقة بس هنمشي ازاي من غير ما ياخدو بالهم

نادر : بصي انتي امسكي الفون كانك بتلعبي فيه واظبطي المنبه بعد خمس دقايق يرن ولما يرن اعملي كانك بتكلمي اختك وانها بتقولك ان اي حد عندكو حد تعبان وانك ترجعي حالا وبعدين هنقوم ونقولهم معلش احنا لازم نمشي وبس ي ستي

رحمه بصتله بصدمه وقالت : يخرب عقلك انت لحقت تفكر ف دا كلو ازاي

نادر بمرح : ايه ي بت هتقري عليا ولا ايه وبعدين يلا بسرعة اعملي زي ما بقولك

رحمة مسكت الفون وظبطت المنبه وهي بتضحك علي كلام نادر

فعلا بعد خمس دقايق منبه رحمة رن وهي عملت نفسها بترد علي الفون وان اختها فعلا بتكلمها وبتقولها ان امها تعبانه جدا وانها تروح دلوقتي

نادر بتمثيل وهو بيمسك ايدها وبيقوم : طب معلش ي جماعة احنا لازم نمشي دلوقتي

محمد : ماشي ي نادر ربنا معاكو

مرام : وابقو طمنونا

نادر : حاضر يلا عن اذنكم

ومشي نادر ورحمة اللي كانت بتكتم ضحكوها بالعافية ومسافة ما خرجو من المكان انفجرت في الضحك هي ونادر

نادر : يلا بسرعة قبل ما يطلعو ورانا

رحمة بضحك : يلا بينا

وركبو هما الاتنين العربية واتحركو بسرعة
_________________________________

و في بيت هالة عمة سيليا

كانت هالة قاعدة جنب طارق اخوها

هالة : وبعدين ي طارق اللي انت بتعمله دا مينفعش سيليا بنتك ولازم تعاملها زي ما كل اب بيعامل بنته هي ملهاش ذنب ي حبيبي ف موت فريدة الله يرحمها

طارق و دموعه محبوسة ف عينه : مش قادر ي هالة والله ما قادر كل ما بشوفها بفتكر اللي حصل وان فريدة سابتني واختارت الموت وانها تبعد عني علشانها

سكت لحظات وكمل بصوت مخنوق بالعياط ودموعة بتنزل : فريدة كانت احلي حاجة حصلت ف حياتي ي هالة انا حبيتها حب مفيش راجل حبه لست قبل كدا كانت حياتي وروحي وقلبي
كانت امي واختي وصاحبتي وحبيبتي ومراتي
كانت كل حاجة ليا ي هالة كل حاجة
انا مش قادر اعيش حياتي من بعد ما هي سابتني ي هالة والله ما قادر انا تعبان اوي والله تعبان وبموت كل يوم من غيرها

هالة ضمته ليها وهي بتبكي علي حال اخوها واللي وصله

هالة : عارفة والله ي حبيبي الوجع اللي انت فيه بس برضو ي طارق اللي انت بتعمله دا غلط وغلط اوي كمان
معاملتك ل سيليا غلط... وانك مخبي عليها ان مروة مش امها كارثة...... وانك سايب مروه تتحكم فيها وتعمل فيها ما بدالها وانت عارف انها مبتحبهاش غلط ي طارق
انت مش عارف تتعامل مع سيليا بسبب اللي حصل ماشي ليك عذرك مع انه غلط برضو بس ماشي
لاكن انك تخبي عليها الحقيقة وتفهمها ان مروة امها وتسيبها تعاملها معاملة العبيد دي وانت عارف وساكت لا وكمان بتعمل مصدقها وتيجي علي بنتك دا والله غلط وهتندم علي اللي بتعمله دا ي طارق و يا علم هل سيليا هتسامحك وقتها علي كل اللي شافته دا واللي عملته فيها دا ولا لا